JOSHUA 2:11 - Zotung Bible 2016

¹¹ Te tuh-e tuh he kae thae takaw te, kae bung tuh thyngkuh zah, nanning keiccuze kaening lu kheit kya sanmah rawthungnaw um vae khyh, Bawipaw nae Pachia tuh ahangnaw vaaw te anenaw laephi kya Pachia ccaccing nynh thua.

JOSHUA 2:11 Iomraidhean Croise

1 SIAPHARAN 8:60

tuhteze nynh laephi ccungccaw balyn nynh Bawipaw tuh Pachia thua zah ccangpaw Pachia um khyh cipaw a nyh cih hae.

2 SIAPHARAN 5:15

Tetuh amaw te a ccungccaw hae balyn tuh Pachia ccungccapaw kalan kite a malang khe thadyn hae zah, “Israel ram kya laelan, laephi pynpi kya Pachia um khyh cipaw ka ny; na ryalahtupaw kya-e lasung hynh beih yn lawpakuh,” a cipya.

NEHEMIAH 6:16

Kae rhaw hae balyn nynh tuh-e tuh he a thae hae te, kae pepan e minphuin hae balyn tuh rih hae zah mimaw te mimaw a zynkunaw hae kha myarya azyabung; pawccecize e rya tuh kae Pachia bawmnaw liate lyn athua vae cipaw kha a ny hae.

ESTHER 8:17

Pee takyh kya te khua takyh kya, siapharan kawpyapaw te kawthopaw ccaw a thuanaw miakaw kyakhe Judah hae kya lungtuanaw te lungpawnaw um zah poi tuakute haeung nin lang a mang hae. Tuhpiaze, Judah hae kha a ri hae keiccuze ram lungkhu e ccungccaw patae tuh Judah ccungccaw nynh kae thua a ciku hae.

The Psalms 102:15

Minphuin hae nynh Bawipaw min kha a rih cih hae zah, laephi siapharan balyn nynh na huhan kha a rih cih hae.

The Psalms 22:14

Kae kha tui hawte yn lae hae zah, ka ru balyn tuh pong suhliakuh; ka thinlung tuh khoilung hawte nynh thua; ka by lungkhu kya palae atui;

The Psalms 58:7

Minmin tuh aluapaw tui hawte zo hae sah; lonua hawte syde hae sah lah, naan hae sah.

The Psalms 83:18

Na min Bawipaw na cikuhpaw nang rou hynh nynh laephi pynpi kya Ahang Huaccepaw na thua cipaw nyh hae sah.

EXODUS 15:14

Minphuin hae nynh thae hae zah a thyngkuh hae; thinphangnaw nynh Filistia ram um hae paw kha a thuanua hae.

EXODUS 15:15

Oute Edom lupi hae tuh mih thin a phang; Moab cciakhaetu hae tuh a thyngku cih hae; Kanaan hae balyn tuh mih lung a roh.

ISAIAH 13:7

Tukeiccuze ccungccaw kuih balyn tuh a thawzya cih zah, ccungccaw miakaw lungthangte a rih cih hae.

ISAIAH 19:1

Izip konglang Pachia nynh a hotypaw bya tuh: Dotua, Bawipaw tuh arangpaw maeking ccikute Izip ram lang yn thua vae; Izip ram e zohtuh hae tuh amaw malang a thyngkuh cih hae zah, Izip hae tuh mih rawthah vae cih.

EZEKIEL 21:15

tukeiccuze mih lungroh zah, ccungccaw patae a khuliakuh hae. Koikua balyn kyakhe thaloi kha ka nung vae. Thaloi kha phaephae ak lan rae thua zah, chia nawlan awrarih lan nuih athua.

NAHUM 2:10

Nineveh tuh aroh vae, ccungccaw daetedae zah, paw sanmah um vae khyh! Mih thinlung tuh a rawthah zah mih ccukharu a thyngkuh, mih thawthang zah, mih mae tuh dawkadae lan acih!

DEUTERONOMY 1:28

Teilangmou ah cceih cih oh? Aening puizia hae nynh, ‘Tuh-e ccungccaw hae tuh aening laeze mih thawsaehua zah a hanghua hae; khuapi hae tuh le hae zah khua athungkhawkuhpaw tuh vaawlui phe adia! Tuin kya Anak ciihan hae kha kae muih ccaccing hae!’ cikuhpaw thongpang khate aening thinlung kha oun tuisah hae,” na ci oh.

DEUTERONOMY 20:8

Tukoute rhawbawi hae nynh rhawkaw hae kha, “A rihpaw khyhze a rawthahpaw a um tou? Tuh-e ccungccapaw tuh a inn lang kisah, tuhkhyhze tuh a ban hae kha amaw hawte mih rawthyasah sei cih hae,” cite a hopah cih hae.

DEUTERONOMY 4:39

Tukeiccuze Bawipaw tuh ahangnaw vaawram te anenaw laephi kyaze Pachia nynh thua cipaw kha atunin nyh oh lah, nae thinlung kya ccykeku tua oh; ccangpaw um khyh.

JOSHUA 14:8

Thuasalama kae cceihkheih hae paw ka uno hae nynh ccungccaw hae kha mih lung a rosah hae; tuhzemah kae nynh tuh Bawipaw ka Pachia kha ka thinlung balynte ka zui.

JOSHUA 2:24

Minmin nynh Joshua kyakhe, “Bawipaw nynh ram pynpi tuh aening kuih kya oun pya ccaccing vae; tuhpiaze ram lungkhu um hae paw balyn tuh aening keiccuze a rih vae hae,” a cipya hae.

JOSHUA 5:1

Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.

JOSHUA 7:5

Ai khua e ccungccaw hae nynh sung thum lu taruh a chia hae, khua koikua atolang te Shebarim kyacia dee hae zah hary apannaw kyakhe a chia hae. Te ccungccaw hae balyn tuh myarya rih hae zah mih rawthungnaw phe zo.

JOSHUA 9:24

Minmin nynh Joshua kha, “Ram hae balyn hynh nanning pya lan zah, ram kya um hae paw balyn hynh nae malang ro lanpaw kha Bawipaw na Pachia nynh a ryalahtu Moses kya kaw a pya vae cipaw kha na ryalahtu hae kaening kya phe ria lan oun hopah hae zah, nanning keiccuze kae hiinnaw hanlan myarya kae ri pawte, hynh-e uccaw hynh kae cyi.

BYAPHY 6:16

Minmin nynh mua hae te lungpi hae kha, “Kaening hynh oun tingthin oh lah, bawitungkhung vawlan a haungpaw a mae te Tuutaw thinrianaw kyate oun khaw oh.