JOSHUA 2:10 - Zotung Bible 2016

¹⁰ Izip ram kyate he na pou oh te, Bawipaw nynh nae malang khe Rili Se a rousah cipaw kha thuasah, Jordan khuraw lang umpaw Amor hae siapharan lu ning Sihon te Og kha marya na ro oh cipaw kha thuasah kae thae vae.

JOSHUA 2:10 Iomraidhean Croise

The Psalms 74:15

Tuidy te vaw taraw hae kha na luasah hae zah, palei aluapaw vaw hae kha karae na rousah hae.

NAMBAR 20:14

Moses nynh Kadesh kyate locceihtu hae kha Edom siapharan kalan saw hae zah, “Nae unopaw Israel nynh hynhte a ci: Kae tungvaw accahpaw vawsawnaw balyn hynh phe na ny:

NAMBAR 23:22

Izip ram kyate a poukhaetu hae paw Pachia tuh minmin hanlan ccungtepaw ki te nynh aloku.

NAMBAR 24:8

Izip ram kyate a poukhaetupaw Pachia tuh, amaw hanlan ccungtepaw ki te nynh aloku; a rhaw hae athuapaw minphuin hae kha a ae cih hae zah mih ru kha a khya cih hae. A the te a kaw cih hae.

DEUTERONOMY 2:30

Thuasalama Heshbon siapharan Sihon nynh aening po ccia lanpaw kha oun ua ry khyh, pawccecize Bawipaw nae Pachia nynh atu a cyi vae hawte, Sihon kha nanning kuih kya pya khylan a lung kha tangsah zah a thinlung kha a khungsah.

JOSHUA 24:12

Te Amor hae siapharan lu ning kha nae malang kyate a deetu lang khoingae kha nae malang ka saw; nae thaloi te thua khyh, nae li nae the te thua khyh.

JOSHUA 4:24

laephi vaw e ccungccaw hae balyn nynh Bawipaw kuih tuh athung cipaw a ny nawlan hae te Bawipaw nae Pachia kha zungzae na ri nawlan oh nynh thua,” a cipya hae.

JOSHUA 5:1

Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.

JOSHUA 9:10

Jordan khuraw lang um hae paw Amor hae siapharan lu ning, Heshbon siapharan Sihon te Ashroth kya umpaw Bashan siapharan Og tungvaw a cyipaw balyn kha thuasah kae thae vae.