JOSHUA 2:1 - Zotung Bible 2016

¹ Te Nun ccapaw Joshua nynh pise hae lu ning kha Shittim khua kyate dophitu lang aruh lante saw hae zah, “La cceih oh lah, ram kha la dotua oh, abyapi lante Jeriko khua kha la do oh,” a cipya hae. Tukeiccuze cceih hae zah a min Rahab cikuhpaw ohhuanung inn kya tee hae zah a rya hae.

JOSHUA 2:1 Iomraidhean Croise

GENESIS 42:16

Nae bya hynh ahme hme khyh cipaw ny nawlan nanning laku e lu kheit nynh cceihsah lah nae neitaw kha yn thuakhae sah, tuhlaepaw tuh thonginn kya na um cih oh; tuhkhyhze tuh Faro min te bya ka kinku, dophitu hae nynh na thua ccaccing oh,” a ci.

GENESIS 42:9

Josef nynh a upaw hae konglang maansahpaw kha liathui zah, “Nanning hynh dophitu hae nynh na thua oh, ram a nyaanawpaw do khylan nae thua oh paw nynh thua,” a cipya hae.

MIKAH 6:5

Pou ka ccungccaw hae, Moab siapharan Balak nynh a paccynkupaw kha thuasah, Beor ccapaw Balaam nynh bya a khungrupaw kha thuasah liathui oh, Bawipaw nynh nanning khum khylan a cyipaw kha na ny nawlan oh, Shittim kyate Gilgal kyacia acyihkuhpaw kha liathuitua oh,” a cipya hae.

NAMBAR 13:1

Bawipaw nynh Moses kha,

NAMBAR 13:2

“Israel hae kalan ka pya cih hae paw Kanaan ram dophi khylan ccungccaw hae kha saw hae; mih thokeinaw phin raveih kya-e cciakhaetu pise lu kheit cci kha na saw cih hae,” a cipya.

NAMBAR 25:1

Israel hae tuh Shittim kya a um lya hae khe, ccungccaw hae tuh Moab nopi hae ryte oun ohhuakuh vae hae.

NAMBAR 33:49

Jordan vaw kin, Beth-jeshimoth kyate Abel-shittim kyacia, Moag bialae khe ryahmin a tahku hae.

MATTHAI 1:5

Shalmon nynh Boaz a saah (a nung tuh Rahab nynh thua); Boaz ccaaw Obed (a nung tuh Ruth nynh thua); Obed ccaaw Jessi;

MATTHAI 10:16

“Ngaetua oh! Suizaw hae laku tuu hae saw hawte nanning kha kae saw oh, tukeiccuze hupaw hawte nae lunghaw sah lah vahu hawte nae lungne sah.

EFESA 5:5

Pawccecize, a ohhuakuhpaw, athyaa leipaw, zohtuh beik zah a karankuhpaw ccungccaw tuh Khri te Pachia peenaw kya rho uccaw kharouh hoibua khyh cipaw ccaerarih lan na ny oh.

HEBRU 11:31

Ohhuanung Rahab tuh dophitu hae kha ahoyte innccong a thuasah hae keiccuze zynnaw liate aning tuh kawngae lei hae paw kya chihbua khyh.

JAMES 2:25

Tuhawte ohhuanung Rahab kha mah, zeccuetu hae kha innccong ua hae zah ccangpaw laanpi kalan he a saw hae tuh, cyisahnaw liate aning tuh thyaaccou khyh tou?

JOSHUA 1:18

Humhung zemah na bya kha ei zah, kaw nae pyapaw miakaw kha a zui leipaw tuh chia athua cih. Na thawsaesakuh lah, na rawthungsakuh,” a cipya hae.

JOSHUA 2:2

Te Jeriko siapharan kyakhe, “Ram kha dophi khylan Israel hae abang tuh atu zete oun thua hae,” cite a hopya hae.

JOSHUA 21:31

Helkath khua te a sahiin hae rampaeenaw hae te Rehoh khua te a sahiin hae rampaeenaw hae—khua khuapali kha pya athua hae.

JOSHUA 3:1

Joshua tuh awkhua takaw te tho zah Israel hae balyn ryte Shittim kyate cceih hae zah Jordan vaw a thua hae. Khuraw lang a zua maw hae, tuin kya ryahmin a tahku hae.

JOSHUA 5:10

Israel hae nynh Gilgal kya a rya lya hae, tuh-e sawpaw nin haw lae pali nin zete khe Jeriko bialae kya kawtaw poi a tua hae.

BYAPIATU 1:23

Josef ciihan hae nynh Bethel langkhe dophitu hae kha a saw hae (tuh-e khua min tuh langmawlya Luz acikuh).

BYAPIATU 18:14

Tetuh ram (tuh-e tuh Laish) kha dophi khylan a cceih hae paw lu pangaw hae nynh mih vaeccaw hae kyakhe, “E inn hae kyahin ranpibawi angki, tera zohtuh te laeepaw zohtuh a um hae cipaw na nyh oh tou? Tukeiccuze na cyi lan oh paw kha tuakuh oh,” a cipya hae.

BYAPIATU 18:17

ram dophi khylan a cceih hae paw lu pangaw hae nynh tee hae zah laeepaw zohtuh, ranpibawi angki te tera zohtuh kha a law hae. Ranpibawipaw tuh rhawtuk-zunghe ccyngkuh hae paw za taruh ryte teenaw sakoih pe khe a thadynbua.

BYAPIATU 18:2

Tukeiccuze Dan phin hae nynh ram kha dophi khylan te dotua khylan mih phin pynpi kya-e arawthungpaw pise lu pangaw kha a umnaw hae Zorah khua te Eshtaol khua kyate a saw hae; te minmin nynh, “La cceih oh lah, ram kha la dophi oh lah, la dotua oh,” a cipya hae. Minmin nynh Efraim muaram, Mikah inn kya thua hae zah, tuin kya a rya hae.