JOSHUA 19:51 - Zotung Bible 2016

⁵¹ E hynh ranpibawi Eleazar, Nun ccapaw Joshua te Israel phin hae kyaze puizia hae kya-e cciakhaetu hae nynh Shiloh khua kya Bawipaw malang, tungkunaw bu thuakaw kya ccungthydungte a nee hae paw rho hae nynh thua. Tuhcite ram neekunaw tuh a thangsah hae.

JOSHUA 19:51 Iomraidhean Croise

GENESIS 49:10

Minhoynaw kha a mue makhia tuh siapharan kawhoinaw ccoi thuasah, a ccu laku kya-e uktu hoitang thuasah Judah kyate phiakuh lan khyh, te ccungccaw hae nynh amaw kaw kha a ngae cih hae.

The Psalms 78:60

Aning nynh ccungccaw hae kya a la umnaw bu Shiloh khua kha a cciataw,

MATTHAI 20:23

Jesu nynh minmin kha, “Nanning nynh ka banang kha na neih ccaccing cih oh zah baptisma ka in lanpaw kha na inbua cih oh; thuasalama ka ranglang te ka voilang haungnaw kaw kha kae nynh ka pya kho khyh, tuh-e dahungnaw tuh ka Paaw nynh a paccynpya hae paw hanlan nynh thua,” a cipya hae.

MATTHAI 25:34

Tukoute siapharan nynh a ranglang um hae paw kha, ‘Ka Paaw kya-e lungtua hae paw nanning, rang oh; laephi athonaw aleihpaw kyate nae hanlan paccynpaw peenaw rho hynh ccou oh.

JOHAN 17:2

Ccungccaw balyn tungvaw kya kawhoinaw kha amaw na pya vae hawte, nang nynh Ccapaw kalan na pya hae paw ccungccaw miakaw kha Ccapaw nynh zungzae hiinnaw a pya nawlan Ccapaw hynh phu-esah tua.

LOCCEIHTU 13:19

Kanaan ram kya-e minphuin phuin sari kha a ropah kou hae te, tuh-e hae ram kha kum za pali sung pangaw loukaw cia rho lang a pya hae.

JOSHUA 14:1

E rho hae tuh ranpibawi Eleazar, Nun ccapaw Joshua te Israel phin hae kyaze puizia hae kya-e cciakhaetu hae nynh Israel hae a nee hae paw rho hae nynh thua.

JOSHUA 18:1

Te Israel zapi hae balyn tuh Shiloh khua kya pumkuh hae zah, tungkunaw bu kha a sak hae; ram tuh a tae vae hae.

JOSHUA 18:10

Shiloh khua kya Bawipaw malang khe Joshua nynh ccungthy a dungsah hae; Joshua nynh Israel hae kha ram tuh mih hanpaw raveihte a nee hae.

JOSHUA 20:1

Bawipaw nynh Joshua kyakhe,

BYAPIATU 21:19

Tukeiccuze minmin nynh, “Dotua, Bethel thahlang, Bethel kyate Shekhem khua lang cceihpaw laanpi nithua lang, Lebonah khua alia lang umpaw Shiloh khua kyakhe Bawipaw hanlan kum takyh tuapaw poi tuh leih a um,” a ci hae.

BYAPIATU 21:21

Shiloh khua e liaccaw hae nynh lawnaw kya law khylan he oun pou hae te, misu khokhu kyate pounua oh lah, Shiloh khua e liaccaw hae kha mawmaw zu raveih lang kyngkuh oh, te Benjamin ram lang cceih oh.

1 SAMUEL 1:3

Elkanah tuh vaaw Bawipaw kha beik khylan te silaw khylan a umnaw khua kyate Shiloh khua lang kum takyh a cceih. Eli ccapaw hae lu ning Hofni te Finehas tuh Shiloh khua kyaze Bawipaw ranpibawi hae nynh thua hae.