JOSHUA 18:26 - Zotung Bible 2016

²⁶ Mizpeh, Khefirah, Mozah,

JOSHUA 18:26 Iomraidhean Croise

2 SAMUEL 4:2

Saul ccapaw nynh rhaw a thiingpaw aphu hae rhawbawi lu ning a hoi; lu kheit min tuh Baanah cikuh zah ccangpaw lu kheit min tuh Rekhab acikuh. Minmin tuh Beeroth khua kya-e Benjamin phinpaw Rimmon ccapaw hae nynh athua hae—pawccecize Beeroth khua tuh Benjamin ram kya-e nynh thua.

1 SIAPHARAN 15:22

Te Siapharan Asa nynh Judah ram balyn kha thaesah hae zah, lu kheit san a lue lei lante, Baasha nynh Ramah khua a raenawpaw lung hae te thing hae kha a law hae, tuh-e tuhte Siapharan Asa nynh Mizpah khua te Benjamin ram e Geba khua kha a rae.

2 SIAPHARAN 25:23

Babilon siapharan nynh Gedaliah kha uktu lang a khang cipaw kong kha rhawkaw hae kya-e rhawbawi hae te mih ccungccaw hae nynh he a thae hae tuh, Mizpah khua umpaw Gedaliah kalan a cceih hae, tuh-e hae tuh Nethaniah ccapaw Ishmael, Kareah ccapaw Hohanan, Netofah ccungccaw Tanhumeth ccapaw Seraiah te Maakah ccungccapaw ccapaw Jaazaniah nynh thua hae.

EZRA 2:25

Kiriatharim, Khefirah Beeroth ciihan hae tuh za sari sung pali lu thum,

JEREMIAH 40:6

Tetuh Jeremiah tuh Mizpah khua umpaw Ahikam ccapaw Gedaliah kalan cceih zah, tuh-e ram kya a cciataw hae paw ccungccaw hae laku khe Gedaliah kya a umbua.

JOSHUA 11:3

nithua lang te niccaw lang um hae paw Kanaan hae, muaram kya um hae paw Amor hae, Hit hae, Periz hae, Jebus hae, Mizpah ram Hermon mua kaw kya um hae paw Hiv hae kha bya a taw hae.

JOSHUA 18:25

Gibeon, Ramah, Beeroth,

JOSHUA 18:27

Rekem, Irpeel, Taralah,

JOSHUA 9:17

Te Israel hae nynh cceih hae zah nin thum te mih khua a thua hae. Mih khua hae tuh Gibeon, Khefirah, Beeroth te Kiriath-jearim nynh thua hae.

BYAPIATU 10:17

Te Ammon hae tuh zunghe ccyngku lan suelua thua hae zah, Gilead ram kya a rya hae; Israel hae tuh sueluakuh hae zah Mizpah khua kya a rya hae.

BYAPIATU 11:34

Jefthah tuh Mizpah kya umpaw a inn lang yn cceih zah, a ccanung nynh amaw kha cciadue khylan vaedaw khuakute law biate yn cceih. Aning tuh lu kheit kyalyapaw ccanung nynh thua, tuhlaepaw ccanung ccapaw hoi vae khyh.

BYAPIATU 20:1

Tetuh Israel hae balyn tuh Dan khua kyate Beersheba khua kyacia, Gilead ram e hae ryte oun pou hae zah, ccungccaw zapi hae tuh ccungccaw lu kheitpaw hawte Mizpah khua kya Bawipaw malang khe a pumkuh hae.

1 SAMUEL 7:16

Kum takyhte Bethel, Gilgal te Mizpah khua lang po lekuh lan khuaccong zah, tuin khua hae balyn kyakhe Israel hae kha bya a pia hae.

1 SAMUEL 7:5

Te Samuel nynh, “Israel hae balyn kha Mizpah khua kya pum oh, kae nynh Bawipaw kalan saw kae sangpah cih oh,” a cipya hae.

1 SAMUEL 7:6

Tukeiccuze minmin nynh Mizpah khua kya a sueluakuh hae, te tui kha the hae zah Bawipaw malang khe a bu hae. Tuin nin kya looh-aesung hae zah, “Bawipaw tungvaw kae sei vae,” a ci hae. Te Samuel nynh Israel hae kha Mizpah khua kya bya a pia hae.