JOSHUA 18:16 - Zotung Bible 2016

¹⁶ te ramri tuh Refaim accya thahlang athangnaw kya umpaw Hinnom ccapaw kya-e accya te ahawiliakuhpaw mua leihpaw langkhe a cceihbung; te Jebus hae umnaw apannaw alia lang umpaw Hinnom accya khe cceihbung zah, Enrogel cia a cceihbung;

JOSHUA 18:16 Iomraidhean Croise

2 SAMUEL 17:17

Jonathan te Ahimaaz tuh Enrogel kya a ngaw hae; ryalahtunung lu kheit nynh leih cceih zah minmin kha a hopya hae, te minmin nynh leih cceih hae zah David Siapharan kha a hopya hae; pawccecize khua lungkhu lang a tee hae paw kha muihsakuh ry khyh hae.

2 SAMUEL 5:18

Filistin hae tuh oun cceih hae zah Refaim accya khe pong pazaekuh lante a um hae.

1 SIAPHARAN 1:9

Adonijah nynh Enrogel pe umpaw Zoheleth lungpi pe khe tuu hae, tangnuapaw hae te athopaw sahiin hae khate silawnaw rae zah, a uno hae balyn, siapharan ccapaw hae te Judah ram umpaw siapharan kuihkaw e bawi hae balyn kha a ko hae,

2 SIAPHARAN 23:10

Humhung nynh mah Molek pachia kalan a ccapaw khyhze a ccanung khate maee-ute silawnaw a rae khyh nawlan, Ben-hinnom accya kya umpaw Tofeth kha anungsikuhpaw lang a rae.

1 SHERIANAW 14:9

Filistin hae nynh oun cceih hae zah Refaim accya um hae paw kha a thiing hae.

2 SHERIANAW 28:3

Hinnom ccapaw accya kyakhe silawnaw rae zah, Bawipaw nynh Israel hae malang te a dee hae paw minphuin hae kya-e anungsikuhpaw cyisahnaw thyhte, a ccapaw hae khate heize maee-ute silawnaw a rae.

2 SHERIANAW 33:6

Hinnom ccapaw accya kyakhe a ccapaw kha silaw nawlan maee te a u; beidinhonaw, kuihdokunaw te naawthyanaw kha mang zah, chihiinleihthya hae paw te mitleihthya hae paw kha mah a mang hae. Bawipaw muihnaw kya hoyleinaw patae kha rae zah a thin a riasah.

ISAIAH 30:33

Pawccecize Assiria siapharan kha maee te unaw lanpaw ahmin kha langmawlya mawte paccyn ty athua vae; thanccingte tuh-e hmin tuh siapharan hanlan paccyn ty athua vae, maee-unaw hmin tuh ko zah akhu lante maeething patae rykhate rae athua vae, kemaee atui alopaw Bawipaw hy nynh maeething kha a u cih.

JEREMIAH 19:11

hynhte na hopah cih hae: Vaaw Bawipaw nynh hynhte a ho: Lukhakheit nynh ang raetu kya-e ang kha raethui kho lei lan ciate a koipya hawte, e ccungccaw hae te e khua hynh ka koi cih hae. Tofeth kyakhe uukunaw hmin a um vae lei lan ciate a uhkuh cih hae.

JEREMIAH 19:2

Potsherd Koikua teenaw kya umpaw Hinnom ccapaw kya-e accya langkhe la cceih, tuin kyakhe kae hopyapaw bya kha la ho.

JEREMIAH 19:6

Tukeiccuze Bawipaw nynh a hopaw tuh, e hmin hynh Tofeth cite thuasah, Hinnom ccapaw kya-e accya cite thuasah ko thua vae leite, Chianaw accya cite ko athua ccyh yn thua ccaccing cih,

JEREMIAH 32:35

Mih ccanung hae te mih ccapaw hae kha Molek pachia kalan pya khylan Hinnom ccapaw kya-e accya kyakhe Baal pachia hanlan ahangpaw kha a raepya hae; kaw ka pya lei hae pite Judah kha seinaw raesah khylan, hynhcih anungsikuhpaw uccaw oun rae cih hae cipaw hynh ka thinlung kya mah thungkuh boi khyh.

JOSHUA 15:63

Thuasalama Judah hae nynh Jerusalem khua kya um hae paw Jebus hae kha dee kho khyh hae; tukeiccuze Jebus hae tuh Judah hae ryte Jerusalem kya atunin cia a umkheih hae.

JOSHUA 18:28

Zela, Haelef, Jebus (tuh-e tuh Jerusalem nynh thua), Gibeah te Kiriath-jearim—mih khua taraw hae ryte khua haw lae pali acih. E hynh Benjamin phin hae nynh mih puizia thyhte a ccou hae paw ram nynh thua.

BYAPIATU 1:21

Thuasalama Benjamin phin hae nynh Jerusalem kya um hae paw Jebus hae kha dee khyh hae; tukeiccuze Jebu hae tuh Benjamin phin hae ryte Jerusalem kya atunin cia a umkheih hae.

BYAPIATU 1:8

Te Judah hae nynh Jerusalem kha tuk hae zah a law hae, thaloi te bae hae zah maee te a soi hae.

BYAPIATU 19:10

Thuasalama tuh-e paw tuh khuazi rya vae khyh; thokuh zah cceih zah Jebus (tuh-e tuh Jerusalem) rawlang khe a thua. Lannde dekuhpaw lann bua kheit te a lovaenung tuh amaw kya a umbua hae.