JOSHUA 18:14 - Zotung Bible 2016

¹⁴ Te ramri tuh ccanglang maekuh zah niccaw ramri lang a tang. Beth-horon alia lang umpaw mua kyate alia lang cceih zah Kiriath-baal khua kya athang (tuh-e tuh Kiriath-jearim khua nynh thua), tuh-e khua tuh Judah phin hae kya-e nynh thua. E hynh niccaw lang e ramri nynh thua.

JOSHUA 18:14 Iomraidhean Croise

2 SAMUEL 6:2

Cherubim vawlan a umpaw vaaw Bawipaw min te ko athuapaw Pachia thingkua kha Judah ram Baalah khua kyate cciakhae khylan David te a kya um hae paw balyn tuh thokuh hae zah a cceih hae.

JOSHUA 15:60

Kiriath-baal (tuh-e tuh Kiriath-jearim nynh thua) te Rabbah; mih khua taraw hae ryte khua ning acih.

JOSHUA 15:9

te ramri tuh mua dung kyate Neftoah Tuidy aphyhnaw cia cceih zah, tuin kyate Efron Mua e khua hae kyacia a cceih, te ramri tuh Baalah (tuh-e tuh Kiriath-jearim nynh thua) langkhe a kouleih,

JOSHUA 18:13

Tuin kyate ramri tuh Luz langkhe alia lang po cceih zah Luz (tuh-e tuh Bethel nynh thua) apannaw kya a thua, tukoute ramri tuh Alia Beth-horon khua alia lang umpaw mua vawlan e Ataroth-addar khua cia a cceihbung.

JOSHUA 18:15

Te alia lang ramri tuh Kiriath-jearim athangnaw kyate tho zah, tuin kyate Efron langkhe Neftoah Tuidy aphyhnaw cia a thua,

JOSHUA 9:17

Te Israel hae nynh cceih hae zah nin thum te mih khua a thua hae. Mih khua hae tuh Gibeon, Khefirah, Beeroth te Kiriath-jearim nynh thua hae.

1 SAMUEL 13:18

ccangpaw phu kheit tuh Beth-horon khua lang cceih hae zah, ccangpaw phu kheit tuh ramkaw lang Zeboim accya lang a hawipaw mua langkhe a cceih hae.