JOSHUA 18:12 - Zotung Bible 2016

¹² Thahlang e mih ramri tuh Jordan kyate tho zah thahlang umpaw Jeriko apannaw kalan a cceihthung, te niccaw langkhe muaram kya po cceih zah, Beth-aven ramkaw kya athang.

JOSHUA 18:12 Iomraidhean Croise

HOSEA 10:5

Beth-aven kya umpaw vaetuataw zohtuh hanlan Samaria khuaccaaw hae tuh a thyngkuh hae, tuh-e vaetuataw a beik hae paw tuh a rah cih hae zah ranpibawi hae tuh rawkhuite a um cih hae, pawccecize vaetuataw a phu-enaw kha ccanglang a cciakhae vae hae.

HOSEA 4:15

Pou Israel, nang tuh na ohhuaku zemah Judah tuh a seipaw lang tang nan sah. Gilgal khua lang tee nan lah, Beth-aven khua lang cceihthung nan, “Bawipaw tuh a hiin thyhte,” cite byakinkunaw rae nan.

HOSEA 5:8

Gibeah kya saki tu oh, Ramah kya mungkae tu oh. Beth-aven kya rhawtuknaw roi khate siatua oh; Benjamin phin hae, nulang dotua oh!

JOSHUA 16:1

Josef ciihan hae nynh ccungthydungte a ccou hae paw ram tuh Jeriko khua pe Jordan vawkhu kin umpaw Jeriko tuili nithua lang kyate ramkaw langkhe a tee, te Jeriko kyate muaram lang Bethel khua cia a cceihthung;

JOSHUA 18:11

Benjamin phin hae nynh ccungthydung hae zah mih puizia thyhte a ccou hae paw ram tuh Judah phin te Josef phin laku khe nynh a um.

JOSHUA 2:1

Te Nun ccapaw Joshua nynh pise hae lu ning kha Shittim khua kyate dophitu lang aruh lante saw hae zah, “La cceih oh lah, ram kha la dotua oh, abyapi lante Jeriko khua kha la do oh,” a cipya hae. Tukeiccuze cceih hae zah a min Rahab cikuhpaw ohhuanung inn kya tee hae zah a rya hae.

JOSHUA 3:16

palung langte aluapaw tui tuh phang thadyn zah, asawnaw umpaw Zerethan khua pe e Adam khua kyacia tui tuh san kheit kya atingkuh thung; Arabah rili cikuhpaw Rili Chih kalan alua hae paw tuh marya a kan hae; te ccungccaw hae tuh Jeriko khua langkhe hawite a zua hae.

JOSHUA 6:1

Israel hae keiccuze Jeriko khua tuh alungkhu lang te thuasah, atolang te thuasah phang a khaw hae; tukeiccuze a poupaw te a teepaw humhung mah um khyh.

JOSHUA 7:2

Joshua nynh Jeriko kyate Bethel nithua lang, Beth-aven pe umpaw Ai khua langkhe ccungccaw hae kha saw hae zah, “La cceihthung oh lah, ram kha la dophitua oh,” a cipya hae. Te ccungccaw hae nynh cceihthung hae zah, Ai khua kha a dophi hae.

JOSHUA 8:15

Te Joshua te Israel hae balyn tuh mih malang khe rhaw phe shung hae paw hawte umsakuh nyn hae zah, ramkaw langkhe a ccue hae.

1 SAMUEL 13:5

Filistin hae tuh Israel hae te tukku lan marangle thong sung thum, marang rhawkaw thong taruh te rili kin e laesia zeih acih hae paw rhawkaw hae tuh a sueluakuh hae; te cceihthung hae zah Beth-aven khua nithua lang e Mikmash khua khe a rya hae.