JOSHUA 18:1 - Zotung Bible 2016

¹ Te Israel zapi hae balyn tuh Shiloh khua kya pumkuh hae zah, tungkunaw bu kha a sak hae; ram tuh a tae vae hae.

JOSHUA 18:1 Iomraidhean Croise

2 SAMUEL 7:6

Israel ccungccaw hae kha Izip ram kyate ka cciakhae nin hae kyate atunin cia inn lungkhu kya ka um boi khyh, bu te beikbu lungkhu umte ka nuekuh bungthung.

1 SIAPHARAN 14:2

Jeroboam nynh a zu kha, “Thokuh lah, Jeroboam zu na thuapaw kha ae ny khyh ccaw hae, na muinsan rulaekuh lah, Shiloh khua lang la cceih; pawccecize hynh-e ccungccaw hae kya siapharan lang na tang cih cite yn hopahpaw profeh Ahijah tuh tuin khua kya a um.

1 SIAPHARAN 14:4

Jeroboam zu nynh tuhcite a cyi; thokuh zah Shiloh khua lang cceih zah Ahijah inn kya a thua. Ahijah tuh a taw vae keiccuze a mitmoh vae zah ngawmuih kho vae khyh.

1 SIAPHARAN 2:27

Tukeiccuze Solomon nynh Abiathar tuh Bawipaw a ranpibawi ryalaw kyate a phua, tuhcite Bawipaw nynh Eli ciihan te asekuh lante Shiloh khua kya bya a la hopaw kha a ccingsah.

NEHEMIAH 9:24

Tukeiccuze mih ciihan hae nynh tee hae zah ram kha a ccou hae, mih malang khe tuin ram um hae paw Kanaan hae kha na tae hae zah mih siapharan hae te ramccungccaw hae kha mih rythyte a cyi ccaw hae cite mih kuih kya na pya hae.

The Psalms 78:60

Aning nynh ccungccaw hae kya a la umnaw bu Shiloh khua kha a cciataw,

The Psalms 78:66

A rhaw hae kha phe tae dadi hae zah, maethyate zungzae a nung hae.

JEREMIAH 26:6

e beikinn hynh Shiloh hawte ka cyih cih zah, e khuapi hynh laephi vaw e minphuin balyn hanlan thyalawpaw khua lang ka rae cih.

JEREMIAH 26:9

Pawccemou Bawipaw min te profehbya na ho zah, ‘E beikinn hynh Shiloh hawte athua cih, te e khuapi hynh mah ccungccaw a um lei lan ciate phe adae cih,’ na ci?” cite a cipya hae. Ccungccaw balyn nynh Bawipaw beikinn khe Jeremiah kha a koihlu hae.

JEREMIAH 41:5

Shekhem, Shiloh te Samaria kyate ccungccaw sung tarya tuh mih khawming ngokute, mih boeining seiikute, mih pyn awkute oun thua hae zah, Bawipaw beikinn kya pya lanpaw ccathae silawnawpaw te mynkhuhpaw kha oun ccyngbia hae.

NAMBAR 32:22

tuh-e ram tuh Bawipaw malang tae athua koute na ki cih oh zah Bawipaw kya te Israel hae kya laebah na um vae lan khyh oh, te hynh-e ram hynh Bawipaw malang na hoi oh paw ram lang a tang cih.

LOCCEIHTU 7:45

Pachia nynh mih malang te a deepya hae paw ccangpaw minphuin hae ram kha ah minpaaw hae nynh he a ccou hae te, tuh-e beikbu tuh Joshua ryte a teekhae hae. Tuh-e beikbu tuh David she kyacia tuin kya po a um.

JOSHUA 18:2

Israel hae kyakhe rho a neebua loh lei hae paw phin sari a um ung hae.

JOSHUA 18:8

Te tuh-e ccungccaw hae tuh a thokuh hae; ram konglang zei lan a cceih hae paw kha Joshua nynh, “Ram lungkhu phe lekuh lan la cceih oh lah, ram konglang nae zei cih oh zah, ka kalan nae ki cih oh; te Shiloh kya Bawipaw malang khe nae hanlan ccungthy kae dungsah cih oh,” a cipya hae.

JOSHUA 19:51

E hynh ranpibawi Eleazar, Nun ccapaw Joshua te Israel phin hae kyaze puizia hae kya-e cciakhaetu hae nynh Shiloh khua kya Bawipaw malang, tungkunaw bu thuakaw kya ccungthydungte a nee hae paw rho hae nynh thua. Tuhcite ram neekunaw tuh a thangsah hae.

JOSHUA 21:2

Kanaan ram kya umpaw Shiloh khua khe minmin kha, “Kae umnaw lanpaw khua hae te kae sahiin hae hanlan rampaeekunaw tuh kaening elang pya khylan Bawipaw nynh Moses kyate kaw phe pya vae,” a cipya hae.

JOSHUA 22:12

Israel hae nynh tuh-e kong he a thae hae tuh, Israel hae mih balynte minmin kha tuk khylan Shiloh kya a pumkuh hae.

JOSHUA 22:19

Thuasalama atu nae ram tuh athyaa khyh lanze, Bawipaw beikbu a thadynnaw Bawipaw ram lungkhu lang oun cceihbua oh lah, kaening kae ccoupaw ram hynh lawkuh bua oh; thuasalama Bawipaw palia than nynh dou nan oh, Bawipaw ah Pachia kya-e silawhang laelan ccangpaw silawhang kha raekute kaening hynh mah oun dou nan oh.

JOSHUA 22:9

Tukeiccuze Reuben phin hae, Gad phin hae te Manasseh phin angankuh tuh Kanaan ram lungkhu umpaw Shiloh khua e Israel hae kyate phiakuh hae zah, mih inn lang a ki hae. Bawipaw nynh Moses kya kaw a pya liate a ccou hae paw ram, Gilead ram langkhe ccia lan cite a thokuh hae.

BYAPIATU 18:31

Shiloh khua kya Pachia inn a um lungkhu balyn tuh, Mikah nynh a raekupaw zohtuh kha mimaw zohtuh lang a nungku hae.

BYAPIATU 21:12

Jabesh-gilead khuaccaaw hae kyakhe pise te a ihkheih boi lei hae paw liaccady za pali kha muih hae zah, Kanaan ram, Shiloh khua e ryahmin kalan khe a cciakhae hae.

BYAPIATU 21:19

Tukeiccuze minmin nynh, “Dotua, Bethel thahlang, Bethel kyate Shekhem khua lang cceihpaw laanpi nithua lang, Lebonah khua alia lang umpaw Shiloh khua kyakhe Bawipaw hanlan kum takyh tuapaw poi tuh leih a um,” a ci hae.

1 SAMUEL 1:24

Imua kha mateitui he a phia te, kum thum acihpaw tangnuapaw sa kheit, chanvuih ephah ccangkheit te misutui ling kheit ryte imua kha cciakhae zah, Shiloh khua umpaw Bawipaw inn kya a thuakhae; imua tuh a no ung.

1 SAMUEL 1:3

Elkanah tuh vaaw Bawipaw kha beik khylan te silaw khylan a umnaw khua kyate Shiloh khua lang kum takyh a cceih. Eli ccapaw hae lu ning Hofni te Finehas tuh Shiloh khua kyaze Bawipaw ranpibawi hae nynh thua hae.