JOSHUA 17:15 - Zotung Bible 2016

¹⁵ Te Joshua nynh minmin kha, “Nanning tuh milu myarya na lung oh zah, Efraim kya-e muaram tuh nae hanlan eih aby lanze, Periz hae te Refaim hae ram umpaw tuhpi kalan khuin la cceihthung oh lah, la vawkuh oh,” a cipya hae.

JOSHUA 17:15 Iomraidhean Croise

GENESIS 13:7

te Abram sahiin a rintu hae te Lot sahiin a rintu hae laku pekunaw a um. Tuh ccyh lya tuh Kanaan ccungccaw hae te Periz ccungccaw hae nynh tuh-e ram kya a um hae.

GENESIS 14:5

Kum haw lae palinaw kyakhe Khedorlaomer tuh amaw te a pankheih hae paw siapharan hae ryte oun thua hae zah Ashteroth-karnaim khua kya Refaim hae kha thuasah, Ham khua kya Zuzim hae kha thuasah, Kiriathaim vahue kya Emim hae kha thuasah,

GENESIS 15:20

Hit hae ram, Periz hae ram, Refaim hae ram,

2 SAMUEL 18:6

Tuhcite rhawkaw hae tuh Israel hae kha tuk khylan ramkaw lang cceih hae zah, Efraim tuhpi kyakhe rhaw a tukkuh hae.

2 SAMUEL 5:18

Filistin hae tuh oun cceih hae zah Refaim accya khe pong pazaekuh lante a um hae.

2 SAMUEL 5:22

Filistin hae tuh bua oun cceih hae zah, Refaim accya khe pong pazaekuh lante a um hae.

EZRA 9:1

E uccaw hae hynh cyi athua koute, bawi hae nynh ka kalan oun cceih hae zah, “Israel ccungccaw hae, ranpibawi hae te Levi phin hae tuh e ram kya-e ccungccaw hae Kanaan hae, Hit hae, Periz hae, Jebus hae, Ammon hae, Moab hae, Izip hae te Amor hae kyate thuasah, khah-e hae nungsikunaw kyate thuasah phiakuh khyh hae.

EXODUS 33:2

Vaaw ccungccapaw lu kheit kha na malang ka saw cih zah Kanaan hae, Amor hae, Hit hae, Periz hae, Hiv hae, te Jebus hae kha ka dee cih hae.

LUKA 12:48

Thuasalama a bawipaw rynaw kha ny leite, ccungbua mue lan accanpaw rya a lahseipaw see tuh ccungbua ccapyh nynh a mue cih. Pawccecize patae pya athuapaw ccungccaw tuh patae a sangru cih; patae a ccysah hae paw ccungccaw tuh patae a ngiaru cih hae.

JOSHUA 17:14

Te Josef phin hae nynh Joshua kha, “Kaening tuh Bawipaw nynh hythua oun pya zah milu myarya kae lung vae, pawccemou pum kheit, ram kheit kyalya hynh rho lang nae pya?” a cipya hae.

JOSHUA 17:16

Josef phin hae nynh, “Muaram tuh kae hanlan zaw khyh; Beth-shean khua te a khua taraw hae kya um hae paw te Jezreel Accya te a khua taraw hae kya um hae paw Kanaan hae balyn tuh sivaw marangle a hoi hae,” a cipya hae.

BYAPIATU 17:1

Efraim muaram kya a min Mikah cikuhpaw ccungccapaw lu kheit a um.