JOSHUA 17:11 - Zotung Bible 2016

¹¹ Te Issakhar ram te Asher ram lungkhu hin, Beth-shean khua te a khua taraw hae, Ibleam khua te a khua taraw hae, Dor khua te a khua taraw hae kya um hae paw, Endor khua te a khua taraw hae kya um hae paw, Taanak khua te a khua taraw hae kya um hae paw, Megiddo khua te a khua taraw hae kya um hae paw tuh Manasseh kya-e nynh thua hae; (ccangthumnaw tuh Nafath nynh thua).

JOSHUA 17:11 Iomraidhean Croise

2 SAMUEL 21:12

David nynh cceih zah Filistin hae nynh Saul kha Gilboa mua kya a chia nin hae ze, Filistin hae nynh a saenaw hae Bethshan khua e zapi tungkunaw laanpi kya-e mih rhua a ruhtu hae Jabesh-gilead khuaccaaw hae kyakhate Saul ru te a ccapaw Jonathan ru kha a law.

1 SIAPHARAN 9:15

Solomon Siapharan nynh Bawipaw inn te amaw inn kha sak khylan te Millo khua, Jerusalem khualungrua, Hazor khua, Megiddo khua te Gezer khua kha rae khylan nangsete rya a lawsah hae.

2 SIAPHARAN 9:27

Judah siapharan Ahaziah nynh tuh-e tuh he a muih tuh, Beth-haggan langkhe a ccue. Jehu nynh deehui zah, “Amaw kha mah kaw oh!” cipah hae zah, Ibleam pe Gur khua lang kaenaw laanpi kya marangle kyakhe a kaw hae. Te Megiddo khua lang ccue zah, tuin kya a chih.

1 SHERIANAW 6:70

Manasseh phin angankuh hae ram lungkhu e kha Aner khua te a sahiin hae rampaeenaw hae, Bileam khua te a sahiin hae rampaeenaw hae kha a laehypaw Kohath ciihan hae hanlan a pya hae.

1 SHERIANAW 7:29

te Manasseh phin hae ramri te akyngkuhpaw Beth-shean te a khua taraw hae, Taanak te a khua taraw hae, Megiddo te a khua taraw hae, Dor te a khua hae nynh thua. E khua hae kyakhe Israel ccapaw Josef a ciihan hae a um hae.

2 SHERIANAW 35:22

Thuasalama Josiah nynh ccanglang maetawku leite, aning te tukku khylan a muinsan a rulaeku. Pachia mung kyate apoupaw bya Neko bya kha ngae khyh zah Megiddo bialae kya rhawtukku lan a cceih.

The Psalms 83:10

Sisera te Jabin tuh Endor kya na roh hae zah, mih rhua tuh laephi kya vaetua ia hawte phe thua hae.

JEREMIAH 49:2

Tukeiccuze Bawipaw nynh a hopaw tuh: Ammon hae khua Rabbah khe rhawtuknaw roi ka ccaesah ccyh tuh solei yn thua cih; Rabbah tuh arohpaw apumkuhpaw lang a tang cih zah, a khua taraw hae tuh maee te soi athua cih hae. Israel kya-e a luade hae paw ram kha Israel nynh bua a lua cih hae zah a lah cih, cite Bawipaw nynh a ci.

ZEKHARIAH 12:11

Tuin nin vae tuh Jerusalem khua e rawnaw tuh Megiddo accya kya umpaw Hadad-rimmon hanlan rawnaw ciate ale cih.

JOSHUA 11:2

thahlang muaram kya um hae paw siapharan hae, Khinneroth alia lang e Arabah kya um hae paw siapharan hae, laelung anenaw um hae paw siapharan hae, niccaw lang e Nafoth-dor kya um hae paw siapharan hae,

JOSHUA 12:21

Taanak siapharan lu kheit Megiddo siapharan lu kheit

JOSHUA 12:23

Nafath-dor kya umpaw Dor siapharan lu kheit Galilee kya umpaw Goiim siapharan lu kheit

JOSHUA 16:9

Manasseh ram lungkhu khe Efraim hae hanlan a nung hae paw khua hae balyn tuh mih khua taraw hae ryte Efraim hae nynh a ccou hae.

JOSHUA 17:10

Alia lang e ram tuh Efraim ram thua zah thahlang e ram tuh Manasseh ram nynh thua, ramri tuh rili nynh thua, thahlang tuh Asher ram cia thua zah, nithua lang tuh Issakhar ram kyacia a thua.

JOSHUA 17:16

Josef phin hae nynh, “Muaram tuh kae hanlan zaw khyh; Beth-shean khua te a khua taraw hae kya um hae paw te Jezreel Accya te a khua taraw hae kya um hae paw Kanaan hae balyn tuh sivaw marangle a hoi hae,” a cipya hae.

BYAPIATU 1:27

Manasseh nynh Beth-shean khua te a khua taraw hae kya um hae paw, Taanak khua te a khua taraw hae kya um hae paw, Dor khua te a khua taraw hae kya um hae paw, Ibleam khua te a khua taraw hae kya um hae paw te Megiddo khua te a khua taraw hae kya um hae paw kha dee khyh hae; Kanaan hae tuh tuin ram kya po a um hae.

BYAPIATU 5:19

“Siapharan hae tuh oun cceih hae zah rhaw a tuk hae; Megiddo tui pe, Taanak khua khe Kanaan siapharan kha a tuk hae; thuasalama phua kha luadete mue khyh hae.

1 SAMUEL 28:7

Tetuh Saul nynh a ryalahtu hae kyakhe, “Chihiinleihthyapaw nopi kha yn ccungpah oh, a kalan ka cceih cih zah ka khia cih,” a cipya hae. A ryalahtu hae nynh, “Endor khua kya lu kheit a um,” a cipya hae.

1 SAMUEL 31:10

Saul a rhawtuk-uccaw kha Astartes khozinung beikinn kya a nung hae; a rhua kha Bethshan khualungrua kya a sae hae.

1 SAMUEL 31:12

mih rawthung hae paw balyn nynh thokuh hae zah khuazi zidae ccianua hae zah Bethshan khualungrua kya-e Saul rhua te a ccapaw hae rhua kha a law hae. Jabesh khua kya thuakhae hae zah tuin kyakhe maee te a u hae.