JOSHUA 17:1 - Zotung Bible 2016

¹ Te Manasseh tuh Josef a ccatawccaw athua keiccuze ccungthydungte Manasseh phin kha ram a pya hae. Manasseh a ccatawccaw Makhir, Gilead a paaw tuh rhawkaw athua keiccuze Gilead ram te Bashan ram kha a pya hae.

JOSHUA 17:1 Iomraidhean Croise

GENESIS 41:51

Josef nynh atawccaw kha Manasseh cite min a phu, “Pawccecize Pachia nynh ka vawsawnaw balyn te ka paaw inn balyn kha phe yn ningsah vae,” a ci.

GENESIS 41:52

Ccapaw lu ningnaw kha Efraim cite min a phu. “Pawccecize vawsaw ka tungnaw ram kyakhe Pachia nynh yn pungzaesah vae,” a ci.

GENESIS 46:20

Izip ram umpaw On khua e ranpibawi Potifera ccanung Asenath nynh Izip ram kya Josef hanlan Manasseh te Efraim kha a saahpya hae.

GENESIS 48:17

A paaw Jakob nynh a ranglang kuih kha Efraim lu vawlan a khangpaw kha Josef nynh he a muih tuh a lunghoy khyh; tukeiccuze Josef nynh a paaw kuih kha lah zah Efraim lu kyate Manasseh lu kalan a khang sah.

GENESIS 48:18

Josef nynh a paaw kha, “Apang, hynhte thua khyh! Hynh-e paw hynh a tawccaw athua keiccuze na ranglang kuih kha hynh-e paw lu vawlan khang,” a cipya.

GENESIS 50:23

Josef tuh Efraim ccaaw hae te Efraim mintaw hae kha a muihsya ung hae; Manasseh ccapaw Makhir ccaaw hae kha mah Josef nynh a innbyn kya a umsah bua hae.

2 SAMUEL 2:9

Abner nynh Ishbaal kha Gilead, Ashur, Jezreel, Efraim, Benjamin te Israel ram balyn kha a uktupaw siapharan lang a khang.

1 SHERIANAW 2:23

Thuasalama Geshur te Aram nynh Havothjair khua, Kenath khua te a khua taraw hae sung taruh kha a lua hae. E hae balyn hynh Gilead paaw Makhir ciihan hae nynh thua.

EZEKIEL 47:13

Bawipaw PACHIA nynh hynhte a ho: E hynh Israel phin phinhaw lae ning nynh ram kha rho lang na neeku nawlan oh paw ramri hae nynh thua. Josef nynh loram ram ning a ccou cih.

EZEKIEL 48:4

Naftali ramri te kyngkuh zah, nithua langte niccaw lang cia, Manasseh loram athua cih.

NAMBAR 26:29

Manasseh ciihan hae tuh: Makhir kyate a tho hae paw Makhir phin; Makhir tuh Gilead paaw nynh thua; Gilead kyate a tho hae paw Gilead phin nynh thua hae.

NAMBAR 27:1

Oute Josef ccapaw Manasseh, Manasseh phin hae tuh Manasseh ccapaw Makhir, Makhir ccapaw Gilead, Gilead ccapaw Hefer, Hefer ccapaw Zelofehad nynh thua. Zelofehad ccanung hae min tuh: Mahlah, Noah, Hoglah, Milkah, te Tirzah nynh thua hae.

NAMBAR 32:33

Moses nynh Gad phin, Reuben phin te Josef ccapaw Manasseh phin angankuh kalan—Amor hae siapharan Sihon peenaw te Bashan siapharan Og ram, hynh-e ram hae kya umpaw khuapi hae te mih pepan e khua hae kha a pya hae.

DEUTERONOMY 21:17

A sungsah leipaw a zu ccapaw kha ccatawccaw nynh thua cipaw a nyh cih zah a hoipaw balyn kya-e a hanpaw leit ning kha a pya cih; pawccecize aning tuh a paaw thawzung masaty nynh thua, ccatawccaw thuanaw tuh amaw kya-e nynh thua.

JOSHUA 17:2

Te tuhlaepaw Manasseh phin hae tuh mih puizia thyhte, Abiezer, Helek, Asriel, Shekhem, Hefer te Shemida kha ccungthydungte a nee hae; e hae tuh mih puizia thyhte Josef ccapaw Manasseh ciihan pise hae nynh thua hae.

JOSHUA 22:7

Te Moses nynh Manasseh phin angankuh kha Bashan kya umpaw mih hanpaw kha a pya hae; thuasalama Joshua nynh ccangpaw angankuh kha tuh Jordan te niccaw lang ram kya mih uno hae pe khe mih hanpaw kha a pya hae. Te Joshua nynh minmin kha hythuanaw pya hae zah mih inn lang he a kisah hae te,

BYAPIATU 5:14

Efraim kyate accya lang a cceih hae, Benjamin, nang te na puizia hae kha a zui hae; Makhir kyate rhawbawi hae, Zebulun kyate rhawbawi hoitang a ccyngkuh hae paw a cceih hae;