JOSHUA 15:8 - Zotung Bible 2016

⁸ te ramri tuh Jebus hae umnaw apandaw alia lang (tuh-e tuh Jerusalem nynh thua) kya Hinnom ccapaw kya-e accya langkhe a cceihthung; te ramri tuh niccaw lang, Refaim accya thahlang athangnaw kya umpaw Hinnom accya te ahawiliakunaw umpaw mua dung cia a cceihthung;

JOSHUA 15:8 Iomraidhean Croise

2 SAMUEL 5:18

Filistin hae tuh oun cceih hae zah Refaim accya khe pong pazaekuh lante a um hae.

2 SAMUEL 5:22

Filistin hae tuh bua oun cceih hae zah, Refaim accya khe pong pazaekuh lante a um hae.

2 SIAPHARAN 23:10

Humhung nynh mah Molek pachia kalan a ccapaw khyhze a ccanung khate maee-ute silawnaw a rae khyh nawlan, Ben-hinnom accya kya umpaw Tofeth kha anungsikuhpaw lang a rae.

1 SHERIANAW 11:4

David te Israel hae balyn tuh Jerusalem khua lang a cceih hae, tuh-e khua tuh Jebus khua thua zah tuin ram kya um hae paw Jebus hae nynh tuin khua kya a um hae.

2 SHERIANAW 28:3

Hinnom ccapaw accya kyakhe silawnaw rae zah, Bawipaw nynh Israel hae malang te a dee hae paw minphuin hae kya-e anungsikuhpaw cyisahnaw thyhte, a ccapaw hae khate heize maee-ute silawnaw a rae.

NEHEMIAH 11:30

Zanoah, Adullam te a khua taraw hae, Lakhish te a loo hae, Azekah te a khua taraw hae kya a um hae. Tuhcite Beersheba kyate Hinnom accya cia a um hae.

ISAIAH 17:5

Te tuh-e tuh loohruetu hae nynh a thadynpaw ccathae hae kha suelua hae zah mih kuih te a rue hae hawte thuasah, Refaim Accya kya ccamua rue hawte thuasah athua cih.

JEREMIAH 19:14

Jeremiah tuh Bawipaw nynh profehbya ho lan a sawnaw hmin Tofeth kyate he yn thua te, Bawipaw inn maepaw khe thadyn zah ccungccaw balyn kalan a hopya hae paw tuh:

JEREMIAH 19:2

Potsherd Koikua teenaw kya umpaw Hinnom ccapaw kya-e accya langkhe la cceih, tuin kyakhe kae hopyapaw bya kha la ho.

JEREMIAH 19:6

Tukeiccuze Bawipaw nynh a hopaw tuh, e hmin hynh Tofeth cite thuasah, Hinnom ccapaw kya-e accya cite thuasah ko thua vae leite, Chianaw accya cite ko athua ccyh yn thua ccaccing cih,

JOSHUA 15:63

Thuasalama Judah hae nynh Jerusalem khua kya um hae paw Jebus hae kha dee kho khyh hae; tukeiccuze Jebus hae tuh Judah hae ryte Jerusalem kya atunin cia a umkheih hae.

JOSHUA 18:16

te ramri tuh Refaim accya thahlang athangnaw kya umpaw Hinnom ccapaw kya-e accya te ahawiliakuhpaw mua leihpaw langkhe a cceihbung; te Jebus hae umnaw apannaw alia lang umpaw Hinnom accya khe cceihbung zah, Enrogel cia a cceihbung;

JOSHUA 18:28

Zela, Haelef, Jebus (tuh-e tuh Jerusalem nynh thua), Gibeah te Kiriath-jearim—mih khua taraw hae ryte khua haw lae pali acih. E hynh Benjamin phin hae nynh mih puizia thyhte a ccou hae paw ram nynh thua.

BYAPIATU 1:21

Thuasalama Benjamin phin hae nynh Jerusalem kya um hae paw Jebus hae kha dee khyh hae; tukeiccuze Jebu hae tuh Benjamin phin hae ryte Jerusalem kya atunin cia a umkheih hae.

BYAPIATU 1:8

Te Judah hae nynh Jerusalem kha tuk hae zah a law hae, thaloi te bae hae zah maee te a soi hae.

BYAPIATU 19:10

Thuasalama tuh-e paw tuh khuazi rya vae khyh; thokuh zah cceih zah Jebus (tuh-e tuh Jerusalem) rawlang khe a thua. Lannde dekuhpaw lann bua kheit te a lovaenung tuh amaw kya a umbua hae.