JOSHUA 15:47 - Zotung Bible 2016

⁴⁷ Ashdod khua te a pepan e khua hae te khua taraw hae; Gaza khuapi te a pepan e khua hae te khua taraw hae; Izip Vaw, Rili Lepaw te a vahue hae kyacia.

JOSHUA 15:47 Iomraidhean Croise

1 SIAPHARAN 5:4

Thuasalama atu tuh Bawipaw ka Pachia nynh pawpaw kya balyn haeungnaw yn pya vae zah, rawsenaw thuasah, vethyanaw thuasah um khyh.

2 SIAPHARAN 18:8

Filistin hae kha tuk hae zah Gaza khua te a ukpaw ram kyacia, rhawviainn kyate akoihkuhpaw khua kyacia a tae hae.

2 SHERIANAW 26:6

Uzziah nynh cceih zah Filistin hae kha a tuk hae, Gath khualungrua, Jabneh khualungrua te Ashdod khualungrua kha a tingbung hae; Ashdod ram lungkhu te Filistin hae laku kya hmin ccangpaw kyakhe khua hae kha a rae.

EXODUS 23:31

Na ramri tuh Rili Se kyate Filistin Rili cia, laesia ram kyate Zufrates Vaw cia athua cih; pawccecize tuin ram kya um hae paw kha na kuih kya kae pya cih zah na malang khate na dee cih hae.

JEREMIAH 47:1

Faro nynh Gaza a tuk mawze, Filistin hae konglangte profeh Jeremiah kya yn thuapaw Bawipaw bya tuh hynhte nynh thua:

JEREMIAH 47:5

Gaza tuh a lu phe o lan a sang ngo athua vae, Ashkelon hae tuh zya adae vae hae. Pou a laehypaw Filistin hae! Hohseciamou naemaw toulou kha vaemaw na muesakuh ung cih oh?

ZEFANIAH 2:4

Pawccecize Gaza tuh poutaw athua cih zah, Ashkelon tuh ccungccaw kharouh adaepaw lang a tang cih; Ashdod khuaccaaw hae tuh ninthu khe dee athua cih hae zah, Ekron khua tuh khaleih ro athua cih.

LOCCEIHTU 8:26

Bawipaw vaawpaw nynh Filip kha, “Thokuh lah Jerusalem kyate Gaza lang a cceihbungpaw ramkaw laanpi khate alia langkhe cceihbung,” cite a hopya. (E laanpi hynh mang vae khyh hae).

DEUTERONOMY 2:23

Gaza pepan khua taraw hae kya a um hae paw Avvim hae kha Kaftor kyate oun thua hae paw Kaftor hae nynh theih hae zah mih umnaw hmin kyakhe a um hae.)

JOSHUA 11:22

Israel hae ram kya Anak hae lu kheit san um vae khyh hae; Gaza khua, Gath khua te Ashdod khua kya tuh abang a um ung hae.

JOSHUA 13:3

(Izip nithua lang umpaw Shihor vawkhu kyate thahlang umpaw Ekron ramri kyacia, Ekron tuh Kanaan hae lante riabia athua; te Filistin uktu hae lu pangaw tuh Gaza, Ashdod, Ashkelon, Gath te Ekron nynh thua hae),

JOSHUA 15:4

Azmon khua lang po cceih koute Izip Vaw kalan po pou zah rili kyakhe athang. E hynh alia lang e nae ramri nynh thua.

JOSHUA 15:46

Ekron kyate rili kyacia, Ashdod khua te anaekuh hae paw abalyn, mih khua taraw hae ryte.

JOSHUA 15:48

Te muaram kyaze Shamir, Jattir, Sokoh,