JOSHUA 15:14 - Zotung Bible 2016

¹⁴ Te Kaleb nynh tuin kyate Anak ccapaw hae lu thum: Sheshai, Ahiman te Talmai, Anak ciihan hae kha a dee hae.

JOSHUA 15:14 Iomraidhean Croise

2 SAMUEL 21:16

Ccungccaw lepaw hae mintaw lu kheit athuapaw Ishbi-benob nynh sohin shekel za thum aripaw ccoi te zunghe thawpaw kha ccyngkuh zah, David kha ka theih cih, a ci.

NAMBAR 13:33

Tuin kyakhe Nefilim hae (Nefilim kyate a tho hae paw Anak ciihan hae) kha kae muih hae; kaemaw te kaemaw kha tungkhipaw hawte kae muihkuh zah minmin muihnaw kya mah tuhawte nynh kae thua,” a cipya hae.

DEUTERONOMY 9:2

na ny hae paw Anak ciihan hae athawsaepaw te ahangpaw ccungccaw hae kha teenuate law khylan atunin Jordan vaw kha na zua vae cih. Minmin nynh, “Hum nynh mou Anak hae kha a thadynnua kho cih hae,” cite a ho hae paw kha na thae vae.

JOSHUA 11:21

Tuh ccyh lyakhe Joshua nynh yn cceih zah Anak hae kha muaram, Hebron khua, Debir khua, Anab khua, te Judah kya-e muaram hae balyn, Israel muaram hae balyn kyakhe khaleih a maemih hae; Joshua nynh minmin kha mih khua mawte khaleih a robia hae.

JOSHUA 11:22

Israel hae ram kya Anak hae lu kheit san um vae khyh hae; Gaza khua, Gath khua te Ashdod khua kya tuh abang a um ung hae.

BYAPIATU 1:10

Judah hae nynh Hebron khua kya um hae paw Kanaan hae kha ccianua hae zah, Sheshai, Ahiman te Talmai kha a tae hae (Hebron khua a min tuh langmawlya Kiriath-arba acikuh).

BYAPIATU 1:20

Moses nynh a ho hawte, Hebron kha Kaleb a pya hae; aning nynh Anak ccapaw hae lu thum kha tuin kyate a dee hae.