JOSHUA 15:13 - Zotung Bible 2016

¹³ Bawipaw nynh Joshua kya kaw a pya thyhte, Joshua nynh Judah hae laku e Jefunneh ccapaw Kaleb a hanpaw Hebron khua cikuhpaw Kiriath-arba kha a pya, (Arba tuh Anak a paaw nynh thua)

JOSHUA 15:13 Iomraidhean Croise

GENESIS 13:18

Tukeiccuze Abram nynh a bu kha nue zah Hebron khua e Mamre kya-e phaesi ku hae pe khe khua a sah. Aning nynh Bawipaw hanlan silawhang ccangkheit kha a rae.

GENESIS 23:2

Te Sarah tuh Kanaan ram Kiriath-arba khua kya a chih (Kiriath-arba tuh Hebron khua nynh thua); Abraham tuh Sarah hanlan rawkhui khylan a cceih.

2 SAMUEL 2:1

Tukoute David nynh Bawipaw kha, “Judah ram e khua khuakhakheit kalan ka cceihthung cih tou?” cite a khia. Bawipaw nynh amaw kha, “Cceihthung” a cipya. David nynh, “Tei khua lang mou ka cceihthung cih?” a cipya. Aning nynh, “Hebron khua lang,” a cipya.

1 SHERIANAW 6:56

thuasalama khuapi pepan e loo hae te khua taraw hae kha tuh Jefunneh ccapaw Kaleb kha a pya hae.

2 SHERIANAW 11:10

Zorah, Aijalon te Hebron khua kha a rae hae, e hae tuh Judah ram te Benjamin ram e lungrua te akoihkuhpaw khua hae nynh thua.

NAMBAR 13:30

Thuasalama Kaleb nynh ccungccaw hae kha Moses malang khe zya daesah hae zah, “Atu palou cceih oh sih lah, khah-e ram kha lah kangmaw oh sih, pawccecize khah-e ram kha solei ah tae cih oh,” a cipya hae.

NAMBAR 13:6

Judah phin kyate Jefunneh ccapaw Kaleb;

JOSHUA 11:21

Tuh ccyh lyakhe Joshua nynh yn cceih zah Anak hae kha muaram, Hebron khua, Debir khua, Anab khua, te Judah kya-e muaram hae balyn, Israel muaram hae balyn kyakhe khaleih a maemih hae; Joshua nynh minmin kha mih khua mawte khaleih a robia hae.

JOSHUA 20:7

Tukeiccuze Galilee ram, Naftali muaram e Kedesh khua, Efraim muaram e Shekhem khua te Judah muaram e Kiriath-arba (tuh-e tuh Hebron nynh thua) khua kha a po hae.

JOSHUA 21:11

Judah muaram kya umpaw Hebron khua a ci hae paw Kiriath-arba khua (Arba tuh Anak paaw nynh thua) te a pepan e sahiin rampaeenaw hae tuh a pya hae.

BYAPIATU 1:10

Judah hae nynh Hebron khua kya um hae paw Kanaan hae kha ccianua hae zah, Sheshai, Ahiman te Talmai kha a tae hae (Hebron khua a min tuh langmawlya Kiriath-arba acikuh).

BYAPIATU 1:20

Moses nynh a ho hawte, Hebron kha Kaleb a pya hae; aning nynh Anak ccapaw hae lu thum kha tuin kyate a dee hae.

1 SAMUEL 25:3

Tuh-e paw min tuh Nabal cikuh zah, a zu min tuh Abigail acikuh. Tuh-e nopinung tuh a hawpaw te a puithyapaw nynh thua, thuasalama pisepaw tuh a rysawthahpaw te a ozia thahpaw nynh thua; aning tuh Kaleb phin nynh thua.

1 SAMUEL 30:14

Khereth hae kya-e Negeb, Judah ram kya-e Negeb te Kaleb ram kya-e Negeb kha kae thiing hae zah, Ziklag khua kha maee te kae soi,” a ci.

1 SAMUEL 30:31

Hebron khua, David te a ccungccaw hae nynh khuaccongnaw khua hae balyn kalan khe a ky hae.