JOSHUA 14:8 - Zotung Bible 2016

⁸ Thuasalama kae cceihkheih hae paw ka uno hae nynh ccungccaw hae kha mih lung a rosah hae; tuhzemah kae nynh tuh Bawipaw ka Pachia kha ka thinlung balynte ka zui.

JOSHUA 14:8 Iomraidhean Croise

NAMBAR 13:31

Oute Kaleb ryte a cceihkheih hae paw nynh, “Khah-e ccungccaw hae kha ah dou kho lan khyh oh, pawccecize minmin tuh aening laeze mih thawsaehua,” a ci hae.

NAMBAR 14:1

Oute zapi balyn tuh thawte sia hae zah, ccungccaw hae tuh tuh-e khuazi kya a rah hae.

NAMBAR 14:24

Thuasalama ka ryalahtu Kaleb tuh thinlung ccangpaw hoi zah a thinlung balynte yn zui keiccuze a la ccianaw ram lungkhu lang ka cciakhae cih zah a ciihan hae nynh khah-e ram kha a pee cih hae.

NAMBAR 32:12

Keniz phin Jefunneh ccapaw Kaleb te Nun ccapaw Joshua laelan, minmin nynh Bawipaw kha a zui ccaccing khyh keiccu hae ze muih lan khyh hae,’ a ci.

DEUTERONOMY 1:28

Teilangmou ah cceih cih oh? Aening puizia hae nynh, ‘Tuh-e ccungccaw hae tuh aening laeze mih thawsaehua zah a hanghua hae; khuapi hae tuh le hae zah khua athungkhawkuhpaw tuh vaawlui phe adia! Tuin kya Anak ciihan hae kha kae muih ccaccing hae!’ cikuhpaw thongpang khate aening thinlung kha oun tuisah hae,” na ci oh.

DEUTERONOMY 1:36

Jefunneh ccapaw Kaleb rou nynh khah-e ram kha a muih cih, Bawipaw tungvaw tynkaring lan a lungzi keiccuze a ccu te a synaw ram kha amaw te a ciihan hae kalan ka pya cih hae,” a ci.

JOSHUA 14:14

Tukeiccuze Kaleb nynh Bawipaw , Israel Pachia kha a thinlung balynte a zui keiccuze Hebron khua tuh Keniz phin Jefunneh ccapaw Kaleb rho lang atunin cia a tang.

BYAPHY 14:4

Minmin tuh ccangvady thua hae zah, nopi hae ryte a nungsikuh lei hae paw nynh thua; minmin tuh Tuutaw a ccianaw miakaw lang a zui hae paw nynh thua; ccungccaw hae laku kyate shawkhaw thua hae zah, Pachia te Tuutaw hanlan masaty athae nynh thua hae.