JOSHUA 14:4 - Zotung Bible 2016

⁴ Josef ciihan kyakhe Manasseh phin te Efraim phin cite phin ning a um hae; Levi hae tuh mih hanpaw ram kha pyabua thua khyh hae, thuasalama umnawpaw khua hae te mih sahiin hae hanlan rampaeekunaw kyalya kha pya athua hae.

JOSHUA 14:4 Iomraidhean Croise

GENESIS 41:51

Josef nynh atawccaw kha Manasseh cite min a phu, “Pawccecize Pachia nynh ka vawsawnaw balyn te ka paaw inn balyn kha phe yn ningsah vae,” a ci.

GENESIS 41:52

Ccapaw lu ningnaw kha Efraim cite min a phu. “Pawccecize vawsaw ka tungnaw ram kyakhe Pachia nynh yn pungzaesah vae,” a ci.

GENESIS 46:20

Izip ram umpaw On khua e ranpibawi Potifera ccanung Asenath nynh Izip ram kya Josef hanlan Manasseh te Efraim kha a saahpya hae.

GENESIS 48:1

Tukoute Josef kha, “Na paaw dan khyh,” cite a hopya hae. Tukeiccuze a ccapaw hae lu ning Manasseh te Efraim kha ko hae zah a cceih hae.

GENESIS 48:5

Tukeiccuze na umnaw Izip ram kae thua maw, Izip ram kya na saah hae paw na ccapaw hae lu ning tuh ka ccapaw hae nynh thua hae; Efraim te Manasseh tuh Reuben te Simeon hawte ka ccapaw hae athua cih hae.

GENESIS 48:6

Minmin koute na saah hae paw tuh na ccaaw hae athua cih hae zah rhoccounaw kya tuh mih upaw hae min kya riabia athua cih hae.

2 SHERIANAW 30:1

Bawipaw , Israel Pachia hanlan kawtaw poi tua khylan Jerusalem umpaw Bawipaw inn kalan oun ccia ccaw hae cite Hezekiah nynh Israel ram te Judah ram kalan ccungccaw saw hae zah Efraim phin te Manasseh phin hae kalan mah ccaw a ky hae.

NAMBAR 26:28

Josef ccapaw hae tuh mih phin thyhte: Manasseh te Efraim nynh thua hae.

JOSHUA 16:4

Josef ciihan hae Manasseh te Efraim nynh mih rho kha a ccou hae.