JOSHUA 14:3 - Zotung Bible 2016

³ Pawccecize Moses nynh phin ning te angankuh hae tuh Jordan khuraw kha rho lang a pya vae hae; thuasalama minmin laku e Levi phin hae kha tuh rho pya khyh hae.

JOSHUA 14:3 Iomraidhean Croise

EZEKIEL 45:1

Ram kha rho lang he na neekuh oh te, athyaapaw loram ramkheit kha Bawipaw elang na phiapah cih oh, tuh-e loram tuh dong thong kuin lae pangaw asae cih zah, dong thong kuin ako cih; tuh-e loram pynpi tuh athyaapaw loram athua cih.

JOSHUA 12:6

Bawipaw ryalahtu Moses te Israel hae nynh minmin kha a tae hae; Bawipaw ryalahtu Moses nynh mih ram hae tuh Reuben phin hae, Gad phin hae te Manasseh phin angankuh hae kha ccou lan a pya hae.

JOSHUA 13:14

Moses nynh Levi phin kyalya kha nynh rho pyabua khyh; Bawipaw , Israel Pachia kalan maee-ute silawnawpaw hae tuh Bawipaw nynh a hopya hae thyhte mih rho nynh thua.

JOSHUA 13:16

Mih ram tuh Arnon Vaw kin umpaw Aroer khua, tuh-e vahue ngaelung umpaw khua te Medeba pe umpaw bialae abalyn;

JOSHUA 13:17

Heshbon te bialae um hae paw a khua hae abalyn, Dibon khua, Bamoth-baal khua, Beth-baal-meon khua,

JOSHUA 13:8

Reuben phin, Gad phin te ccangpaw Manasseh phin angankuh hae nynh Moses nynh a pya hae paw mih rho, Jordan khuraw nithua lang kha a ccou hae, Bawipaw ryalahtu Moses nynh a pya hae thyhte: