JOSHUA 14:2 - Zotung Bible 2016

² Bawipaw nynh Moses kya kaw a pya thyhte, phin takua te angankuh hae nynh ccungthydung te rho kha a ccou hae.

JOSHUA 14:2 Iomraidhean Croise

PHUNGTANGBYA 16:33

Ccungthydungnaw kha mih angkizaw lungkhu khe a rae hae, thuasalama byapaenaw tuh Bawipaw kya-e nynh thua.

PHUNGTANGBYA 18:18

Ccungthydungnaw nynh eikunaw kha daesah zah, huhan hoi hae paw bya kha a paepya hae.

EZEKIEL 45:1

Ram kha rho lang he na neekuh oh te, athyaapaw loram ramkheit kha Bawipaw elang na phiapah cih oh, tuh-e loram tuh dong thong kuin lae pangaw asae cih zah, dong thong kuin ako cih; tuh-e loram pynpi tuh athyaapaw loram athua cih.

NAMBAR 26:52

Bawipaw nynh Moses kha hynhte a hopya:

NAMBAR 33:54

Nae phin thyhte ram kha ccungthydungte na neekuh cih oh; phin kyaze ccungccaw alungpaw kha rho alung na pya cih oh zah azyapaw kha rho azya na pya cih oh; ccungthydungte muepaw thathyhte rho kha na ccou cih oh; nae thokeinaw phin thyhte rho na ccou cih oh.

NAMBAR 34:13

Moses nynh Israel hae kha hynhte kaw a pya hae: E hynh nanning nynh ccungthydungte na ccou cih oh paw ram, Bawipaw minphuin phin takua te angankuh hanlan pya lan kaw a pya vae paw ram nynh thua;

NAMBAR 34:17

Ram kha rho lang ae nee cih oh paw ccungccaw hae min tuh ranpibawi Eleazar te Nun ccapaw Joshua nynh thua hae.

MATTHAI 25:34

Tukoute siapharan nynh a ranglang um hae paw kha, ‘Ka Paaw kya-e lungtua hae paw nanning, rang oh; laephi athonaw aleihpaw kyate nae hanlan paccynpaw peenaw rho hynh ccou oh.

LOCCEIHTU 1:26

Minmin nynh ccungthydung hae zah Matthias nynh a mue; Matthias tuh locceihtu lu haw lae kheit kya riabua athua vae.

JOSHUA 13:7

Tukeiccuze atu tuh hynh-e ram hynh Israel hae phin takua te Manasseh phin angankuh hae kha rho lang nee hae,” a cipya.

JOSHUA 18:10

Shiloh khua kya Bawipaw malang khe Joshua nynh ccungthy a dungsah hae; Joshua nynh Israel hae kha ram tuh mih hanpaw raveihte a nee hae.

JOSHUA 18:6

Ram kha ccangsari lang iate na zei cih oh zah, tuh-e na zei oh paw tuh ka kalan nae thuakhae cih oh; te Bawipaw ah Pachia malang kya nae hanlan ccungthy kae dungsah cih oh.