JOSHUA 14:15 - Zotung Bible 2016

¹⁵ Langmaw lyaze Hebron khua a min tuh Kiriath-arba nynh thua; e Arba tuh Anak hae kyaze alesae huapaw ccungccaw nynh a la thua. Te ram tuh rhawtuknaw adae vae.

JOSHUA 14:15 Iomraidhean Croise

JOSHUA 11:23

Tuhcite Bawipaw nynh Moses a la hopyapaw balyn thyhte, Joshua nynh ram pynpi tuh a law; Joshua nynh Israel hae kha mih phin raveihte rho lang nee hae zah a pya hae. Te ram tuh rhawtuk adae vae.

GENESIS 23:2

Te Sarah tuh Kanaan ram Kiriath-arba khua kya a chih (Kiriath-arba tuh Hebron khua nynh thua); Abraham tuh Sarah hanlan rawkhui khylan a cceih.

BYAPIATU 3:11

Tukeiccuze ram tuh kum sung pali lungkhu daenaw a um. Te Kenaz ccapaw Othniel tuh a chih.

JOSHUA 15:13

Bawipaw nynh Joshua kya kaw a pya thyhte, Joshua nynh Judah hae laku e Jefunneh ccapaw Kaleb a hanpaw Hebron khua cikuhpaw Kiriath-arba kha a pya, (Arba tuh Anak a paaw nynh thua)

BYAPIATU 8:28

Tuhcite Midian tuh Israel hae nynh tae hae zah, mih lu hang vae khyh hae. Tuhcite ram tuh Gideon she kya kum sung pali lungkhu adae.

BYAPIATU 5:31

“Pou Bawipaw , tuhcite na rhaw hae balyn tuh marya roh hae sah! Thuasalama na ruiban hae tuh a thungnaw te yn thuapaw khuanin hawte thua hae sah,” cite hlaw a sah hae. Te ram tuh kum sung pali adae.

BYAPIATU 3:30

Tuhcite tuin nin khe Israel kuih kya Moab tuh a shung. Te ram tuh kum sung tarya lungkhu adae.

GENESIS 35:27

Jakob tuh Mamre kya umpaw a paaw Isak kya a thua, Mamre tuh Abraham te Isak nynh ramccang ccungccaw hae hawte a la umnaw hae nynh thua, (Mamre tuh Kiriath-arba cite mah cikuh zah Hebron cite mah a cikuh).

GENESIS 37:14

A paaw nynh Josef kha, “La cceih lah na upaw hae te tuu hae kha ngedante a um hae tou cipaw la dotua hae lah, kamaw kha nae thaesah cih,” a cipya. Tuhcite a paaw nynh Hebron accya kyate a saw. Josef nynh Shekhem kya a thua tuh,

JOSHUA 14:14

Tukeiccuze Kaleb nynh Bawipaw , Israel Pachia kha a thinlung balynte a zui keiccuze Hebron khua tuh Keniz phin Jefunneh ccapaw Kaleb rho lang atunin cia a tang.

JOSHUA 21:11

Judah muaram kya umpaw Hebron khua a ci hae paw Kiriath-arba khua (Arba tuh Anak paaw nynh thua) te a pepan e sahiin rampaeenaw hae tuh a pya hae.

NEHEMIAH 11:25

Khua taraw hae te mih loo hae kong tuh hynhte nynh thua, Judah ccungccaw hae abang tuh Kiriath-arba te a khua taraw hae, Dibon te a khua taraw hae, Jekabzeel te a khua taraw hae,

JOSHUA 21:12

Thuasalama khua pepan e loo hae te khua taraw hae tuh Jefunneh ccapaw Kaleb kha a uccaw lang a pya hae.

BYAPIATU 1:20

Moses nynh a ho hawte, Hebron kha Kaleb a pya hae; aning nynh Anak ccapaw hae lu thum kha tuin kyate a dee hae.

1 SAMUEL 30:31

Hebron khua, David te a ccungccaw hae nynh khuaccongnaw khua hae balyn kalan khe a ky hae.

1 SHERIANAW 6:4

Eleazar tuh Finehas a paaw, Finehas tuh Abishua a paaw,