JOSHUA 14:12 - Zotung Bible 2016

¹² Tukeiccuze khah nin lyaze Bawipaw nynh a hopaw muaram tuh atu yn pyatua; tuin kya Anak hae a um hae cipaw te akoihkuhpaw khua lepaw hae a um cipaw tuh khah lyaze phe na thae vae; Bawipaw nynh a ho hawte, Bawipaw nynh yn umkhae zetuh minmin kha ka dee kho hae,” a cipya.

JOSHUA 14:12 Iomraidhean Croise

2 SIAPHARAN 19:4

Ahiinpaw Pachia kha sarya khylan Assiria siapharan nynh yn sawpaw a ryalahtu Rabshakeh bya balyn kha Bawipaw na Pachia nynh la thae vae sah, te Bawipaw na Pachia nynh a thaepaw bya kha detah vae sah; tukeiccuze a laehypaw ccungccaw hae hanlan saw la sang,” a cipya hae.

2 SHERIANAW 14:11

Asa nynh Bawipaw , a Pachia kha ko zah, “Pou Bawipaw , athungpaw te anyaapaw laku kya bawmnaw pya lanpaw kha nang na hanlan alaenaw um khyh. Pou Bawipaw kae Pachia, beih oun bawmtua, pawccecize nang kha kae doliakuh zah na min te hynh-e ccungccaw patae hynh tuk lan kae ccianua hae. Pou Bawipaw , nang tuh kae Pachia nynh na thua; ccungccaw nynh nang kha ae tae nan sah,” a ci.

The Psalms 44:3

mih thaloi liate ram kha tae khyh hae, mih kuih nynh taenaw pya khyh hae; mih tungvaw na lungrythua keiccuze, na ranglang kuih te na mitmae awnaw liate ram kha a tae hae.

The Psalms 60:12

Pachia liate rawthungte kae cyih cih; kae rhaw hae kha a syde cih paw tuh amaw nynh thua.

NAMBAR 13:28

Tuhzemah tuin ram kya khuasahpaw ccungccaw hae tuh mih thawsae; khua hae tuh lungrua te koihlupaw thua hae zah myarya ale hae; tuh apiaze, Anak ciihan hae kha tuin kya kae muih hae.

NAMBAR 13:33

Tuin kyakhe Nefilim hae (Nefilim kyate a tho hae paw Anak ciihan hae) kha kae muih hae; kaemaw te kaemaw kha tungkhipaw hawte kae muihkuh zah minmin muihnaw kya mah tuhawte nynh kae thua,” a cipya hae.

NAMBAR 21:34

Thuasalama Bawipaw nynh Moses kyakhe, “Og kha rih nan; amaw te a ccungccaw hae balyn, a ram balyn ryte na kuih kya kae pya vae. Heshbon khua a uktupaw Amor hae siapharan Sihon tungvaw na cyi hawkhate a tungvaw kya na cyih cih,” a cipya.

Romans 8:31

Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?

DEUTERONOMY 1:28

Teilangmou ah cceih cih oh? Aening puizia hae nynh, ‘Tuh-e ccungccaw hae tuh aening laeze mih thawsaehua zah a hanghua hae; khuapi hae tuh le hae zah khua athungkhawkuhpaw tuh vaawlui phe adia! Tuin kya Anak ciihan hae kha kae muih ccaccing hae!’ cikuhpaw thongpang khate aening thinlung kha oun tuisah hae,” na ci oh.

DEUTERONOMY 9:1

Pou Israel, ngaetua, nang laeze ale huapaw te athawsae huapaw minphuin hae kha thuasah, khuapi pi hae te vaawlui phe phah lan cia koihkhawkuhpaw khuapi hae kha thuasah,

DEUTERONOMY 9:3

Oute Bawipaw na Pachia tuh aruapaw maee hawte atunin na malang po cceih cih paw nynh thua cipaw nytua; Bawipaw nynh bya ae kinpyaku thyhte minmin kha arangte na dee hae zah na ro kho nawlan hae, Bawipaw nynh minmin kha na malang khe a shungsah cih hae zah a tae cih hae.

FILIPI 4:13

Thawzung yn pyatupaw Khri liate pawpaw balyn ka cyih kho.

HEBRU 11:33

Tuh-e hae nynh peenaw hae kha zynnaw liate a tae hae, dingnaw rya kha a law hae, byakinpyakunaw kha a mue hae, chindeih hae khalang kha a myhsah hae,

JOSHUA 15:14

Te Kaleb nynh tuin kyate Anak ccapaw hae lu thum: Sheshai, Ahiman te Talmai, Anak ciihan hae kha a dee hae.

BYAPIATU 1:20

Moses nynh a ho hawte, Hebron kha Kaleb a pya hae; aning nynh Anak ccapaw hae lu thum kha tuin kyate a dee hae.

1 SAMUEL 14:6

Jonathan nynh a rhawtuk-uccaw a ccyngtu ccangvaepaw kha, “Rang, khuh-e vingdungawkuh lei hae paw rhawkaw hae kalan cceih sih; Bawipaw nynh aening hanlan rya poh oun lawpah kho; pawccecize ccungccaw alung liate thuasah, azya liate thuasah Bawipaw khumnaw kha humhung nynh mah khee kho lan khyh,” a cipya.