JOSHUA 14:10 - Zotung Bible 2016

¹⁰ Te atu, na ny vae hawte, Israel hae nynh ramkaw kya a khiaku lya hae ze, Bawipaw nynh Moses kha hynh-e bya a hopya lya ccyh kyate kum sung pali kum pangaw lungkhu, Bawipaw nynh a la ho thyhte yn hiinsah; te atunin tuh kum sung tarya kum pangaw ka cih vae.

JOSHUA 14:10 Iomraidhean Croise

The Psalms 107:4

Ccungccaw abang tuh umnaw lanpaw khua kalan a cceihpaw laanpi kha muihku leite, ccungccaw um leinaw laesia ram kyakhe a khiavuikuh hae;

The Psalms 91:7

Na pe khe ccungccaw thong kheit, na ranglang khe thong haw a chih cih hae, thuasalama tuh-e chinawpaw nynh nang kha ae thuanua lan khyh.

NAMBAR 14:30

nanning khua na sah nawlan oh bya kae kinpyaku oh paw ram lungkhu lang, Jefunneh ccapaw Kaleb te Nun ccapaw Joshua laelan, nanning lu kheit sanmah na tee lan khyh oh.

NAMBAR 14:38

Thuasalama ram dophi lan cceih hae paw kyaze Nun ccapaw Joshua te Jefunneh ccapaw Kaleb makhae nynh a hiin hae.

JOSHUA 11:18

Joshua tuh tuh-e siapharan hae ryte khaw cia rhaw a tukkuh hae.

JOSHUA 13:1

Joshua tuh taw vae zah a kum myarya tang vae; Bawipaw nynh, “Nang tuh na taw vae zah na kum myarya tang vae, thuasalama law lan zah ccou lanpaw ram patae um ung.

JOSHUA 14:11

Moses nynh yn saw nin lya ka thawsae hawte atunin mah ka thawsae ung; rhawtuknaw elang te ccia bungthungnaw elang atu ka thawzung tuh khah lya-e ka thawzung hawmawte nynh athua ung.

JOSHUA 14:9

Te tuin nin khe Moses nynh byakinkuh zah, ‘Nang nynh Bawipaw ka Pachia kha na thinlung balynte na zui keiccuze, na ccu nynh a sypaw ram tuh nang te na ciihan hae hanlan rho lang zungzae a tang ccaccing cih,’ a ci.