JOSHUA 13:2 - Zotung Bible 2016

² E hae hynh lawte ccou lanpaw ram hae nynh thua hae: Filistin hae ram abalynte Geshur hae ram abalyn

JOSHUA 13:2 Iomraidhean Croise

GENESIS 10:14

Pathrus hae, Kasluh hae mih paaw nynh thua. Filistin ccungccaw hae tuh Koftor kyate nynh oun thokei hae.

GENESIS 26:1

Abraham she lya-e langmaw ccakannaw a pui apiaze tuh-e ram kya ccangpaw ccakannaw a pui. Tukeiccuze Isak tuh Filistin hae mih Siapharan Abimelek umnaw Gerar khua lang a cceih.

2 SAMUEL 15:8

Pawccecize na ryalahtu nynh Siria ram Geshur khua ka um lyaze byakinkunaw ccangkheit ka rae zah: Bawipaw nynh Jerusalem lang yn cciakhae ccaccing zetuh, Bawipaw kha Hebron khua kya ka beik cih, ka la ci,” a cipya.

2 SAMUEL 3:3

lu ningnaw tuh Karmel khuapaw Nabal nynh a chitawpaw nomaenung Abigail kya a saahpaw Khileab nynh thua; lu thumnaw tuh Geshur siapharan Talmai ccanung Maakah a ccapaw Absalom nynh thua;

JOEL 3:4

Pou Tair khua, Sidon khua te Filistia ram hae balyn, nanning tuh kae ka hanlan pawmou na thua oh? Kae kha nae liaru cih oh tou? Kae kha nae liaru oh ze, nae cyisahnaw kha naemaw lu vawlan palou ka khangru cih.

ZEFANIAH 2:5

Rili kin um hae paw Kereth minphuin hae, nae hanlan ngaethya lan kou um! Pou Filistin hae ram athuapaw Kanaan, Bawipaw bya nynh nang kha ae rawse vae; ccungccaw lu kheit san a um lei lan ciate nang kha kae roh cih.

DEUTERONOMY 3:14

Manasseh phin athuapaw Jair nynh Argob pee abalyn, Geshur hae te Maakath hae ramri kyacia a lawku, Bashan acikuh hae paw khua hae tuh amaw min kha phu zah, amaw koute atunin cia Havvoth-jair a ci hae.)

JOSHUA 12:5

aning nynh Hermon Mua te Selakah ram te Geshur hae te Maakath hae ramri kyacia Bashan ram abalyn, te Heshbon siapharan Sihon a ramri kyacia Gilead ram angankuh kha a uk.

JOSHUA 13:11

Gilead ram, Geshur hae te Maakath hae ram, Hermon Mua abalyn, Bashan ram abalynte Salekah kyacia;

JOSHUA 13:13

Tuhzemah Israel hae nynh Geshur hae te Maakath hae kha dee khyh hae; Geshur te Maakath tuh Israel hae kya atunin cia a um hae.

BYAPIATU 3:1

Kanaan ram kya rhaw a tuk boi lei hae paw Israel hae balyn kha syntawtua khylan

1 SAMUEL 27:8

David te a ccungccaw hae nynh cceihthung hae zah Geshur hae, Girzi hae te Amalek hae kha a thiing hae; pawccecize hynh-e minphuin hae tuh langmawlya te Shur khua lang cceihpaw laanpi kyate Izip ram kyacia a la um hae paw nynh thua.