JOSHUA 13:14 - Zotung Bible 2016

¹⁴ Moses nynh Levi phin kyalya kha nynh rho pyabua khyh; Bawipaw , Israel Pachia kalan maee-ute silawnawpaw hae tuh Bawipaw nynh a hopya hae thyhte mih rho nynh thua.

JOSHUA 13:14 Iomraidhean Croise

EZEKIEL 44:28

E hynh mih rho athua cih: Kae hynh mih rho nynh ka thua; Israel ram kya ccoupaw rho kha minmin na pya lan khyh oh; kae hynh mih ccoupaw rho nynh ka thua.

EZEKIEL 44:29

Minmin nynh ccathae silawnawpaw, seishawnaw silawnawpaw te cyiseinaw silawnawpaw kha a ae cih hae; Israel ram e athyaapaw uccaw miakaw tuh mih kya-e athua cih.

DEUTERONOMY 10:9

Tukeiccuze Levi tuh neekupaw thuasah, rho thuasah a uno hae hawte hoi khyh, Bawipaw nae Pachia nynh amaw kha bya a kinpyaku thyhte Bawipaw tuh a rho nynh thua.)

DEUTERONOMY 12:12

Te Bawipaw nae Pachia malang khe naemaw ryte nae ccanung hae te nae ccapaw hae, nae seenung hae te nae seepaw hae, te neekupaw thuasah, rho thuasah hoi leite nae khua kya a um hae paw Levi hae ryte nae lungtua cih.

DEUTERONOMY 12:19

Nae ram kya na um lungkhu oh balyn, Levi phin hae kha pawlangria leite na um khyh nawlan oh raeringkuh oh.

JOSHUA 13:13

Tuhzemah Israel hae nynh Geshur hae te Maakath hae kha dee khyh hae; Geshur te Maakath tuh Israel hae kya atunin cia a um hae.

JOSHUA 13:15

Te Moses nynh Reuben phin hae kha mih puizia hae thyhte rho a pya hae.

JOSHUA 13:33

Thuasalama Moses nynh Levi phin hae kha rho pya khyh hae; minmin kha Bawipaw nynh a hopya hae thyhte Bawipaw , Israel Pachia tuh mih rho nynh thua.

JOSHUA 18:7

Levi phin hae tuh nanning kya mih hanpaw hoibua khyh hae, pawccecize Bawipaw kya-e ranpibawi thuanaw tuh mih rho nynh thua; te Gad, Reuben te Manasseh phin angankuh hae tuh Bawipaw ryalahtu Moses nynh a pya hae paw, Jordan nithua lang e mih rho kha a ccou vae hae,” a cipya hae.