JOSHUA 12:2 - Zotung Bible 2016

² Heshbon khua umpaw Amor hae siapharan Sihon thua zah, aning nynh Arnon Vaw kin vahue kya Aroer khua kyate, te tuh-e vahue angaelung kyate Ammon hae ramri Jabbok vaw kyacia uk zah, Gilead ram angankuh cia a uk bia,

JOSHUA 12:2 Iomraidhean Croise

GENESIS 32:22

Tuh-e khuazi khe Jakob tuh thokuh zah a zu hae lu ning, a seenung hae lu ning, a ccaaw hae lu haw lae kheit kha cciakhae hae zah Jabbok vawkhu kha adeinaw kyate a zua.

1 SHERIANAW 5:8

Azaz ccapaw Bela, Azaz tuh shema ccapaw, Shema tuh Joel ccapaw nynh thua, minmin tuh Aroer khua kyate Nebo te Baal-meon khua kyacia a um hae.

NEHEMIAH 9:22

Minmin kha peenaw hae te minphuin hae kha taesahte na pya hae zah voikheit lang te voikheit lang cia na nee hae, tuhcite minmin nynh Heshbon Siapharan Sihon ram te Bashan Siapharan Og ram kha a lawku hae.

The Psalms 135:11

Amor hae siapharan Sihon, Bashan hae siapharan Og te Kanaan peenaw kya-e hae balyn kha theih hae zah,

JEREMIAH 48:19

Pou Aroer khuaccaaw hae, laanpi pe khe thadyn oh lah, dotua oh! A ccuepaw pisepaw te a luepaw nopinung kha, “Pawmou acyihkuh?” cite khiatua oh.

DEUTERONOMY 1:4

E hynh Heshbon kya umpaw Amor Siapharan Sihon te Ashtaroth te Edrei kya umpaw Bashan Siapharan Og kha Moses nynh a tae kou hae te nynh thua.

BYAPIATU 11:13

Ammon hae siapharan nynh Jefthah a locceihtu hae kha, “Israel hae nynh Izip ram kyate oun ccia lya hae khe ka ram kha Arnon vaw kyate Jabbok vaw kyacia, Jordan vaw phe thua lan a law hae keiccu nynh thua; tukeiccuze atu daebabi lante yn pyathui,” a cipya.

BYAPIATU 11:22

Minmin nynh Amor hae ram balyn kha Arnon kyate Jabbok kyacia, ramkaw kyate Jordan vaw kyacia a law hae.