JOSHUA 12:1 - Zotung Bible 2016

¹ Jordan vaw te nithua lang, Arnon Vaw kyate Hermon Mua kyacia, Arabab nithua lang umpaw ram abalyn kha Israel hae nynh tae hae zah a law hae; e ram kya-e siapharan hae tuh hynh-e hae hynh nynh athua hae:

JOSHUA 12:1 Iomraidhean Croise

1 SIAPHARAN 4:19

Amor hae siapharan Sihon te Bashan siapharan Og nynh a la uk hae paw Gilead ram kyaze Um ccapaw Geber nynh thua. Te Judah ram kya bawi lu kheit a um.

The Psalms 133:3

Tuh-e tuh Hermon mua kya-e dangtui, Zion mua vawlan accahpaw hawte nynh thua. Pawccecize tuin kyatuin Bawipaw nynh zungzae hiinnaw, a hythuanaw kha a pya.

The Psalms 136:21

a sungsahnaw tuh zungzae atyn keiccuze mih ram kha rho lang a pya hae;

The Psalms 89:12

Palung lang te alia lang kha na rae; Tabor mua te Hermon mua nynh na min kha lungtuate the ae hoysah hae.

ISAIAH 16:2

A bu kyate zousahpaw pavaw taw hawte, Moab ccanung hae tuh Arnon vaw zuanaw vaw kin khe a um hae.

NAMBAR 21:13

Tuin kyate cceih hae zah Arnon vaw khuraw langkhe ryahmin a tahku hae, tuh-e hmin tuh Amor hae ramri te akyngkuhpaw ramkaw kya a umpaw nynh thua; pawccecize Arnon vaw tuh Moab ramri, Moab ram te Amor hae ram laku umpaw nynh thua.

NAMBAR 21:21

Oute Israel hae nynh Amor hae siapharan Sihon kalan zeccuetu saw hae zah,

NAMBAR 21:24

Israel hae nynh thaloi te theih hae zah a ram kha Arnon kyate Jabbok cia, Ammon hae a umnaw hae kyacia, a ram hoirumnaw kha a lawpya hae; pawccecize Ammon hae ramri tuh sihkakin.

NAMBAR 32:19

Kaening nynh minmin ryte Jordan vaw khuhlang raw te akhung lang kha rho lang kae ccoubua lan khyh, pawccecize kaening rho tuh Jordan vaw hynhlang raw, nithua lang nynh athua vae,” a cipya hae.

NAMBAR 32:32

Bawipaw malang khe zunghe ccyngkute Kanaan ram lungkhu lang po kae cceih cih, thuasalama kae ccou lanpaw kae rho tuh Jordan vaw hynhlang raw athua cih,” a ci hae.

NAMBAR 32:33

Moses nynh Gad phin, Reuben phin te Josef ccapaw Manasseh phin angankuh kalan—Amor hae siapharan Sihon peenaw te Bashan siapharan Og ram, hynh-e ram hae kya umpaw khuapi hae te mih pepan e khua hae kha a pya hae.

DEUTERONOMY 2:24

“Thokute cceih oh lah Arnon Vaw kha zua oh. Dotua oh, Amor minphuinpaw Heshbon siapharan Sihon te a ram kha nae kuih kya kae pya vae oh. Amaw kha tuk oh lah, ram kha law khylan tho ccavae oh.

DEUTERONOMY 2:32

Tukeiccuze Sihon te a ccungccaw hae balyn nynh aening kha rhawtuk khylan Jahaz kya he oun pounua hae tuh,

DEUTERONOMY 3:1

Aening nynh Bashan laanpi lang he ah cceihthung oh tuh, Bashan siapharan Og te a ccungccaw hae balyn nynh aening kha Edrei kya rhawtuk khylan oun pounua hae.

DEUTERONOMY 4:44

E tuh Moses nynh Israel hae kya a nungpya hae paw upadi nynh thua.

DEUTERONOMY 4:46

Moses te Israel hae nynh Izip ram kyate he a pou hae te, a tae hae paw Heshbon a uktupaw Amor hae siapharan Sihon ram kya, Jordan vaw nithua lang, Beth-peor te arawsekunaw accya kyakhe a hopya hae.

DEUTERONOMY 4:48

Arnon Vahue akin lang umpaw Aroer kyate Sirion Mua kyacia, (tuh-e tuh Hermon nynh thua),

JOSHUA 1:15

Nae uno hae nynh mah Bawipaw nae Pachia nynh a pya hae paw ram kha ccou hae zah, naemaw hawte Bawipaw nynh haeungnaw a pya mawlaezung hae na bawm cih oh. Tukoute Bawipaw ryalahtu Moses nynh ae pya oh paw Jordan khuraw, nithua lang umpaw naemaw ram lang na kithui cih oh zah na ccou cih oh,” a cipya hae.

JOSHUA 11:17

Seir lang a kaethungpaw Halah Mua kyate Hermon Mua kaw e Lebanon accya kya umpaw Baal-gad kyacia a law hae. Te Joshua nynh mih siapharan hae balyn kha a kyng hae, te tuk hae zah a chia hae.

JOSHUA 11:3

nithua lang te niccaw lang um hae paw Kanaan hae, muaram kya um hae paw Amor hae, Hit hae, Periz hae, Jebus hae, Mizpah ram Hermon mua kaw kya um hae paw Hiv hae kha bya a taw hae.

JOSHUA 13:8

Reuben phin, Gad phin te ccangpaw Manasseh phin angankuh hae nynh Moses nynh a pya hae paw mih rho, Jordan khuraw nithua lang kha a ccou hae, Bawipaw ryalahtu Moses nynh a pya hae thyhte:

JOSHUA 22:4

Atu tuh Bawipaw nae Pachia nynh nae uno hae kha bya a kinpyaku hae hawte haeungnaw a pya vae hae; tukeiccuze ki oh lah, Bawipaw ryalahtu Moses nynh Jordan vaw khuraw lang e ae pya oh paw nae hanpaw umnaw ram kya nae inn lang cciatua oh.

BYAPIATU 11:18

Te ramkaw kyakhate cceih hae zah Edom ram te Moab ram kha po voi hae zah Moab ram nithua langkhe a thua hae, te Arnon khuraw langkhe a rya hae. Moab ram lungkhu lang tee khyh hae, pawccecize Arnon vaw tuh Moab ramri nynh thua.