JOSHUA 11:3 - Zotung Bible 2016

³ nithua lang te niccaw lang um hae paw Kanaan hae, muaram kya um hae paw Amor hae, Hit hae, Periz hae, Jebus hae, Mizpah ram Hermon mua kaw kya um hae paw Hiv hae kha bya a taw hae.

JOSHUA 11:3 Iomraidhean Croise

GENESIS 31:49

Mizpah lungbing cite mah a ko hae, pawccecize Laban nynh, “Aening lu kheit te lu kheit he ah sawkuh te Bawipaw nynh nang te kae laku oun do-oih kalang sah.

2 SAMUEL 24:16

Vaawpaw nynh Jerusalem kha ro khylan a kuih he a dyngnua tuh, tuh-e hoyleinaw konglang te Bawipaw tuh ngaesikuh zah, ccungccaw hae kalan ronaw a thuakhaepaw vaawpaw kha, “Azaw vae; na kuih kha khin ccavae,” a cipya. Te Bawipaw vaawpaw tuh Jebus ccungccaw Araunah kya-e huimin pe khe a um.

2 SAMUEL 24:7

Tair rhawlungrua te Hiv hae te Kanaan hae khua miakaw kya a thua hae; te Judah ram Neged langkhe cceih hae zah Beersheba kyacia a thua hae.

1 SIAPHARAN 15:22

Te Siapharan Asa nynh Judah ram balyn kha thaesah hae zah, lu kheit san a lue lei lante, Baasha nynh Ramah khua a raenawpaw lung hae te thing hae kha a law hae, tuh-e tuhte Siapharan Asa nynh Mizpah khua te Benjamin ram e Geba khua kha a rae.

1 SIAPHARAN 9:20

Amor hae, Hit hae, Periz hae, Hiv hae te Jebus hae lungkhu e a laehypaw ccungccaw hae, Israel hae athua lei hae paw—

The Psalms 133:3

Tuh-e tuh Hermon mua kya-e dangtui, Zion mua vawlan accahpaw hawte nynh thua. Pawccecize tuin kyatuin Bawipaw nynh zungzae hiinnaw, a hythuanaw kha a pya.

The Psalms 89:12

Palung lang te alia lang kha na rae; Tabor mua te Hermon mua nynh na min kha lungtuate the ae hoysah hae.

SOLOMON HLAW 4:8

Ka liaccanung taraw, Lebanon kyate kamaw ryte cceihbua; Lebanon kyate kamaw ryte cceihbua. Amana mua dung kyate thuasah, Senir mua dung te Hermon mua dung kyate thuasah, chindeih karung kyate thuasah, kaesing umnaw mua hae kyate thuasah pou ccavae.

JEREMIAH 40:10

Kae tuh aening kalan oun thua hae paw Khaldi hae malang khe nanning hanlan locceihtu lang um khylan Mizpah khua kya ka um cih; thuasalama nanning tuh misutui, hawnin e thingthae te chitui kha suelua oh lah, nae ang lungkhu khe ccakhungkuh oh, te na law vae oh paw khua hae kyakhe um oh,” cite bya a kinpyaku hae.

JEREMIAH 40:6

Tetuh Jeremiah tuh Mizpah khua umpaw Ahikam ccapaw Gedaliah kalan cceih zah, tuh-e ram kya a cciataw hae paw ccungccaw hae laku khe Gedaliah kya a umbua.

JEREMIAH 41:14

Tetuh Ishmael nynh Mizpah kyate a kyng hae paw balyn tuh kithui hae zah, Kareah ccapaw Johanan kalan a cceih hae.

JEREMIAH 41:3

Mizpah khua kya Gedaliah ryte a umkheih hae paw Judah hae balyn te tuin kya umpaw Khaldi rhawkaw hae kha mah Ishmael nynh a chia hae.

NAMBAR 13:29

Amalek hae tuh Neged ram kya khuasah hae; Hit hae, Jebus hae te Amor hae tuh mua vaw e khua taraw kya khuasah hae; te Kanaan hae tuh rili pe te Jordan vaw kin kya a um hae,” a cipya hae.

DEUTERONOMY 4:48

Arnon Vahue akin lang umpaw Aroer kyate Sirion Mua kyacia, (tuh-e tuh Hermon nynh thua),

DEUTERONOMY 7:1

Nang nynh ccou khylan na tee vae cih paw ram lungkhu langkhe Bawipaw na Pachia nynh ae cciakhae zah, na malang e minphuin patae, Hit hae, Girgash hae, Amor hae, Kanaan hae, Periz hae, Hiv hae te Jebu hae, nanning laeze mih thawsaehua zah alunghua hae paw minphuin phuin sari kha dee hae zah,

JOSHUA 11:17

Seir lang a kaethungpaw Halah Mua kyate Hermon Mua kaw e Lebanon accya kya umpaw Baal-gad kyacia a law hae. Te Joshua nynh mih siapharan hae balyn kha a kyng hae, te tuk hae zah a chia hae.

JOSHUA 11:8

Te Bawipaw nynh minmin kha Israel hae kuih kya a pya hae, minmin kha tuk hae zah Sidon Lepaw te Misrefoth-maim kyacia, te nithua lang Mizpah accya kyacia a deehui hae. Lu kheit san hiin leite a chia hae.

JOSHUA 13:11

Gilead ram, Geshur hae te Maakath hae ram, Hermon Mua abalyn, Bashan ram abalynte Salekah kyacia;

JOSHUA 13:5

Gebal hae ram te nithua lang e Lebanon ram abalyn, Hermon mua kaw umpaw Baal-gad kyate Lebo-hamath khua kyacia,

JOSHUA 15:38

Dilan, Mizpah, Jokthe-el,

JOSHUA 15:63

Thuasalama Judah hae nynh Jerusalem khua kya um hae paw Jebus hae kha dee kho khyh hae; tukeiccuze Jebus hae tuh Judah hae ryte Jerusalem kya atunin cia a umkheih hae.

JOSHUA 18:26

Mizpeh, Khefirah, Mozah,

JOSHUA 3:10

Te Joshua nynh, “Ahiinpaw Pachia tuh nae kya um zah, Kanaan hae, Hit hae, Hiv hae, Periz hae, Girgash hae, Amor hae te Jebus hae kha nae malang kyate solei a dee cih hae cipaw tuh hynh-e liate na nyh cih oh:

BYAPIATU 20:1

Tetuh Israel hae balyn tuh Dan khua kyate Beersheba khua kyacia, Gilead ram e hae ryte oun pou hae zah, ccungccaw zapi hae tuh ccungccaw lu kheitpaw hawte Mizpah khua kya Bawipaw malang khe a pumkuh hae.

BYAPIATU 21:5

Te Israel hae nynh, “Israel minphuin hae balyn kya-e ahummou Bawipaw malang pumkunaw kya thuabua khyh?” a ci hae. Pawccecize Mizpah khua lang, Bawipaw kalan athuabua leipaw ccungccaw te asekuh lante atynpaw byakinkunaw kha rae hae zah, “Tuh-e ccungccaw tuh chia athua cih,” a ci hae.

BYAPIATU 21:8

Minmin nynh, “Israel phin hae kya Mizpah khua lang Bawipaw kalan a cceih leipaw hummou a um?” a ci hae. Jabesh-gilead khua kya-e lu kheit sanmah pumkunaw kalan ryahmin lang thuabua khyh hae.

BYAPIATU 3:3

Filistin siapharan lu pangaw hae, Kanaan hae mih balyn, Sidon hae te Baal-hermon Mua kyate Lebo-hamath mua kyacia Lebanon Mua kya um hae paw Hiv hae nynh athua hae.

BYAPIATU 3:5

Tukeiccuze Israel hae tuh Kanaan hae, Hit hae, Amor hae, Periz hae, Hiv hae te Jebus hae laku kya um hae zah,

1 SAMUEL 10:17

Samuel nynh ccungccaw hae kha Mizpah khua kya Bawipaw kalan ko hae zah,