JOSHUA 11:20 - Zotung Bible 2016

²⁰ Pawccecize Bawipaw nynh Moses kha kaw a la pya thyhte, tuh-e minphuin hae kha thawcci leite khaleih ro athua nawlan hae, Israel hae kha tuk khylan ccianua lan ciate mih lungkhungpaw tuh Bawipaw maw nynh a cyipaw nynh thua.

JOSHUA 11:20 Iomraidhean Croise

2 SAMUEL 17:14

Absalom te Israel ccungccaw balyn nynh, “Arkhi phin Hushai tuanaw tuh Ahithofel tuanaw laeze ahoyhua,” a ci hae. Pawccecize Bawipaw nynh Absalom tungvaw ronaw a thuakhae nawlan, Bawipaw nynh Ahithofel tuanaw ahoypaw kha ro khylan a paccyn vae.

1 SIAPHARAN 12:15

Siapharan nynh ccungccaw hae bya kha ngae khyh; pawccecize Bawipaw nynh Shilon khuapaw Ahijah kha mangte Nebat ccapaw Jeroboam kya a hopaw bya kha ccingsah khylan Bawipaw nynh a ry keiccu nynh thua.

2 SHERIANAW 22:7

Ahaziah nynh Joram via lan a la cciapaw tuh Pachia nynh Ahaziah a ccaw nawlan a la paccynpaw nynh thua. Pawccecize Ahaziah tuh tuin kya he a thua te, Joram ryte pou hae zah Bawipaw nynh Ahab innbyn a rohtu lang chitui a thuhpaw Nimshi, Jehu ccapaw te a tungkuh hae.

2 SHERIANAW 25:16

Thuasalama bya a ho cciamang lyakhe siapharan nynh, “Nang hynh siapharan tuanaw a pyatu lang kae nung tou? Zya dae! Pawccemou chiaku na ry?” a cipya. Tukeiccuze profeh tuh zya a dae vae, thuasalama aning nynh, “E rya hynh na lah zah tuanaw kae pyapaw kha na ngae khyh keiccuze Pachia nynh nang kha ro lan a tuaku vae cipaw ka ny,” a cipya.

EXODUS 10:1

Oute Bawipaw nynh Moses kha, “Faro kalan la cceih; pawccecize kamaw kya-e muihsahnaw hae kha minmin kya langsaku ka ry keiccuze Faro te a ryalahtu bawi hae mih lung kha ka khungsah vae hae,

EXODUS 11:10

Moses te Aaron nynh e ngaeangnaw balyn kha Faro malang a raepya hae; thuasalama Bawipaw nynh Faro kha a lungkhungsah zah Israel ccungccaw hae kha a ram kyate cciasah lae khyh hae.

EXODUS 14:17

Izip hae kha mih lung ka khungsah cih hae zah Israel hae kha a dee cih hae; te Faro te a rhawkaw hae balyn, a marangle hae te a marangle a mawngtu hae liate phu-enaw ka mue cih.

EXODUS 14:4

Faro te a rhawkaw hae balyn kya phu-enaw ka mue nawlan Faro thinlung kha ka khungsah cih zah Israel hae kha aning nynh a deehui cih hae, kae tuh Bawipaw nynh ka thua cipaw kha Izip hae nynh yn nyh cih hae,” a cipya. Te Israel hae nynh tuhcite a cyi hae.

EXODUS 14:8

Bawipaw nynh Izip siapharan Faro kha a lungkhung sah zah rawhoyte a pou hae paw Israel hae kha a deehui hae.

EXODUS 4:21

Te Bawipaw nynh Moses kha, “Izip ram lang he na ki te, kae pyapaw ngaeang lan umpaw balyn kha Faro malang na langsakuh cih; thuasalama a lung kha ka khungsah cih zah Israel hae kha cciasah lan khyh hae.

EXODUS 9:12

Thuasalama Bawipaw nynh Faro tuh a lungkhung sah zah Bawipaw nynh Moses a la hopya hawte minmin bya kha ngaelae khyh.

EXODUS 9:16

Thuasalama ka huhan kha nang muihsah khylan te laephi pynpi kya ka minthaan sah khylan nang kha kae hiinsah.

ISAIAH 14:24

Vaaw Bawipaw nynh byakinkute a hopaw tuh: Khua ka khan thyhte acyihkuh cih; ka paccyn thyhte cyi athua cih:

ISAIAH 34:2

Bawipaw tuh minphuin hae balyn tungvaw a thinria zah, mih rhawkaw hae balyn tungvaw kya mah myarya a thinria; minmin kha phe a maemih vae hae, chianaw kalan a ap vae hae.

Romans 9:18

Tukeiccuze Pachia nynh ngaethyaumsah rypaw kha ngaethyaumsah zah lungkhungsah rypaw kha a lungkhungsah.

DEUTERONOMY 2:30

Thuasalama Heshbon siapharan Sihon nynh aening po ccia lanpaw kha oun ua ry khyh, pawccecize Bawipaw nae Pachia nynh atu a cyi vae hawte, Sihon kha nanning kuih kya pya khylan a lung kha tangsah zah a thinlung kha a khungsah.

DEUTERONOMY 7:16

Bawipaw nae Pachia nynh ae pya cih oh paw ccungccaw balyn kha thawccinaw langsapyaku leite na roh cih oh; mih pachia hae kha na roh cih oh; mih pachia hae kha na beik lan khyh oh, pawccecize nae hanlan tuh-e tuh kaang athua cih.

BYAPIATU 14:4

Tuh-e tuh Bawipaw kyate nynh thua cipaw kha a nung te a paaw nynh nyh khyh hae; pawccecize Bawipaw nynh Filistin hae kha dou khylan ccyhhoy kha a ccung. Tuh ccyh lya tuh Filistin hae nynh Israel hae kha a uk hae.

1 SAMUEL 2:25

Lu kheit nynh ccangpaw lu kheit tungvaw a sei lanze, lukhakheit nynh Pachia kalan miseipaw hanlan ccawkunaw a raepah kho; thuasalama lukhakheit nynh Bawipaw tungvaw a sei lanze, hum nynh mou ccawkunaw a raepah vae cih?” a ci. Thuasalama mih paaw bya kha ngae khyh hae; pawccecize minmin chia lanpaw kha Bawipaw rynaw nynh thua.