JOSHUA 11:2 - Zotung Bible 2016

² thahlang muaram kya um hae paw siapharan hae, Khinneroth alia lang e Arabah kya um hae paw siapharan hae, laelung anenaw um hae paw siapharan hae, niccaw lang e Nafoth-dor kya um hae paw siapharan hae,

JOSHUA 11:2 Iomraidhean Croise

1 SIAPHARAN 15:20

Benhadad nynh Siapharan Asa bya kha ngae zah, Israel khua hae kha tuk khylan a rhawbawi hae kha sawnua hae zah, Ijon, Dan, Abel-beth-maakah, Khinneroth balyn te Naftali ram balyn kha a tae hae.

1 SIAPHARAN 4:11

Nafath-dor ram pynpi kyaze Ben-abinadab (a zu tuh Solomon ccanung Tafath nynh thua);

NAMBAR 34:11

ramri tuh Shefam kyate Ain nithua lang umpaw Riblah cia po a cceihbung cih; te ramri tuh a cceihbung cih zah Khinnereth rili nithua lang raw cia athua cih;

LUKA 1:39

Tuin nin hae kyakhe Mary tuh thokuh zah Judea muaram kya a umpaw khua langkhe arangte a cceih,

LUKA 5:1

Nin kheit tuh Genesaret tuili kin kya Jesu a thadyn lyakhe ccungccaw hae nynh Pachia bya ngae khylan amaw kha a lungnuaku hae.

JOSHUA 10:40

Tuhcite Joshua nynh ram pynpi kha thuasah, muaram te Negeb ram kha thuasah, laephi anenaw ram te laephi hary apannaw ram hae te mih siapharan hae balyn kha thuasah a tae hae; Bawipaw , Israel Pachia nynh kaw a pya thyhte, lu kheit san a laehy lei lan, ahysuepaw balyn kha khaleih a ro hae.

JOSHUA 10:6

Te Gibeon hae nynh Gilgal ryahmin kya umpaw Joshua kalan ccungccaw saw hae zah, “Na ryalahtu kaening hynh oun vua nan; arangte beih yn cceihthung, oun bawmtua lah oun khumtua; pawccecize mua vaw kya khuasah hae paw Amor hae siapharan balyn nynh oun pumnuaku vae hae,” a cipya hae.

JOSHUA 11:16

Tuhcite Joshua nynh tuh-e ram hae balyn kha a law: muaram, Negeb hae balyn, Goshen ram hae balyn, laelung anenaw, Arabah, Israel kya-e muaram te laelung anenaw ram,

JOSHUA 11:21

Tuh ccyh lyakhe Joshua nynh yn cceih zah Anak hae kha muaram, Hebron khua, Debir khua, Anab khua, te Judah kya-e muaram hae balyn, Israel muaram hae balyn kyakhe khaleih a maemih hae; Joshua nynh minmin kha mih khua mawte khaleih a robia hae.

JOSHUA 12:23

Nafath-dor kya umpaw Dor siapharan lu kheit Galilee kya umpaw Goiim siapharan lu kheit

JOSHUA 12:3

te Arabah accya kha mah Khinneroth Rili nithua lang cia, te Beth-jeshimoth khua lang ccianaw laanpi, Arabah rili cikuhpaw Rili Chih kyacia, alia lang Pisgah Mua athonaw kyacia phe a thua.

JOSHUA 13:27

te Jodan vahue kya umpaw Beth-haram khua, Beth-nimrah khua, Sukkoth khua te Zafon khua, Heshbon siapharan Sihon a peenaw kya-e alaepaw ram; Jordan vaw te a vahue, Khinnereth Rili alia lang athangnaw kyacia, Jordan vaw khuraw nithua lang nynh thua.

JOSHUA 17:11

Te Issakhar ram te Asher ram lungkhu hin, Beth-shean khua te a khua taraw hae, Ibleam khua te a khua taraw hae, Dor khua te a khua taraw hae kya um hae paw, Endor khua te a khua taraw hae kya um hae paw, Taanak khua te a khua taraw hae kya um hae paw, Megiddo khua te a khua taraw hae kya um hae paw tuh Manasseh kya-e nynh thua hae; (ccangthumnaw tuh Nafath nynh thua).

BYAPIATU 1:27

Manasseh nynh Beth-shean khua te a khua taraw hae kya um hae paw, Taanak khua te a khua taraw hae kya um hae paw, Dor khua te a khua taraw hae kya um hae paw, Ibleam khua te a khua taraw hae kya um hae paw te Megiddo khua te a khua taraw hae kya um hae paw kha dee khyh hae; Kanaan hae tuh tuin ram kya po a um hae.