JOSHUA 11:15 - Zotung Bible 2016

¹⁵ Bawipaw nynh a ryalahtu Moses kha kaw a pya thyhte, Moses nynh Joshua kha kawpya pathy zah, Joshua nynh tuhcite a cyi; Bawipaw nynh Moses kya kaw a pyapaw balyn kha a cyi leipaw um khyh.

JOSHUA 11:15 Iomraidhean Croise

2 SHERIANAW 30:12

Bawipaw bya thyhte siapharan te a kuihkaw e bawi hae nynh kaw a pya hae paw kha cyi khylan lungngingnaw thinlung pya khylan Judah hae kya Pachia thungnaw a um.

NAMBAR 33:50

Jeriko pe, Jordan vaw kin, Moab bialae khe Bawipaw nynh Moses kha hynhte a hopya:

NAMBAR 33:52

tuh-e ram kya a um hae paw balyn kha nae malang kyate na dee cih oh zah pyaararih lan a pyaaku hae paw mih lung balyn kha na ropah cih oh, sivaw tui te a laeeku hae paw mih zohtuh hae balyn kha na ropah cih oh zah ahang lante a raeku hae paw hmin balyn kha na tingpah cih oh.

MATTHAI 23:23

“Kawbya sazae hae te Farasi hae, thyaruh hae, nae hanlan ngaethya lan kou um! Pawccecize nanning nynh hangmae, pucinan te khanmuin kha pumhaw pumkheit na pya oh zah kawbya kyaze akhincci huapaw atazanaw, ngaethyaumsahnaw te lungzinaw tuh pawlang na ria khyh oh; ccangpaw kha mah sawphah leite hynh-e hae hynh na cyi lan oh paw nynh thua.

LUKA 11:42

“Thuasalama Farasi hae, nae hanlan ngaethya lan kou um! Pawccecize nanning nynh hangmae te pucinan te enaw phuin hae balyn kha pumhaw pumkheit na pya oh zah, Pachia byading te a sungsahnaw kha na sawphah oh; ccangpaw kha sawphah leite, hynh-e hae hynh mah na cyi lan oh paw nynh thua.

LOCCEIHTU 20:20

Nae hanlan athane lanpaw kha pawsang mah ka thuruh bang khyh, ccungccaw zapi kya thuasah, inn kheit koute inn kheit thuasah kae hopah oh zah kae ccangpya oh.

LOCCEIHTU 20:27

Pawccecize Pachia paccynnaw balyn kha nae kalan phy lan ka synkuh khyh.

DEUTERONOMY 12:32

Kaw kae pya oh paw atyn-are kha zuakute na zui hahe cih oh; khah-e kyakhe na biachih lan khyh oh zah na lahbang lan khyh oh.

DEUTERONOMY 31:3

Bawipaw nae Pachia ccaccei nynh nae malang a cceih cih. Aning nynh hynh-e minphuin hae hynh nanning malang a roh cih hae zah, mih ram kha na luade cih oh. Bawipaw nynh bya a kinku vae hawte, Joshua nynh mah nae malang a cceih cih.

DEUTERONOMY 31:5

Bawipaw nynh minmin kha nanning kalan ae pya cih oh zah, kae pya oh paw kawbya balyn thyhte mih tungvaw na cyih cih oh.

DEUTERONOMY 31:7

Oute Israel hae balyn nynh a muihnaw hae khe, Moses nynh Joshua kha ko zah hynhte a hopya: “Na thawsae sah lah, na rawthung sah, pawccecize nang tuh Bawipaw nynh hynh-e ccungccaw hae kha pya lan mih minpaaw hae kya bya a kinpyaku hae paw ram lungkhu lang minmin ryte a cceih cih paw nynh na thua; ram tuh minmin kha na ccousah cih hae.

DEUTERONOMY 4:2

Kae pya oh paw bya kya ccangkheit sanmah na biachih lan khyh oh zah, ccangkheit sanmah na vua lan khyh oh, kae hopya oh paw Bawipaw nae Pachia kawbya hae hynh na tynsah cih oh.

DEUTERONOMY 4:5

Dotua oh, Bawipaw ka Pachia nynh yn hopya thyhte, ccou khylan na tee vae cih oh paw ram kya na zui lan oh paw phungzae hae te phungbya hae kha atu kae ccangpya oh.

DEUTERONOMY 7:2

Bawipaw na Pachia nynh minmin kha namaw kalan ae pya zah, he na tae te, minmin kha marya na roh cih hae. Minmin ryte byakinnaw na rae lan khyh zah, minmin tungvaw thawccinaw na langsakuh lan khyh.

JOSHUA 1:7

Ka ryalahtu Moses nynh kaw ae pyapaw phungbya thyhte raeringkute cyi lan na thawsaesakuh lah, myarya na rawthungsakuh; na ccianaw miakaw kya na laan na sui a ua nawlan, na voi na rang lang maekuh nan.

JOSHUA 11:12

Te Bawipaw ryalahtu Moses nynh kaw a pya thyhte, tuh-e siapharan hae kya-e khua hae balyn te mih siapharan hae kha Joshua nynh a law hae, thaloi te theih hae zah khaleih a ro hae.

JOSHUA 11:14

E khua hae kya-e luadepaw uccaw hae balyn te sahiin-awvaw hae kha Israel hae nynh mimaw elang a lawku hae; thuasalama ccungccaw hae balyn kha tuh a chi kou makhia hae, thaloi te theih hae zah ahiinpaw lu kheit san um lei lan marya a chia hae.

JOSHUA 11:16

Tuhcite Joshua nynh tuh-e ram hae balyn kha a law: muaram, Negeb hae balyn, Goshen ram hae balyn, laelung anenaw, Arabah, Israel kya-e muaram te laelung anenaw ram,

1 SAMUEL 15:11

“Saul kha siapharan lang ka la khangpaw tuh ka ngaesikuh, pawccecize kamaw zuinaw kyate maeleihkuh zah, kaw ka pya hae paw kha zui khyh,” a ci. Samuel tuh a thinria zah Bawipaw kalan azi zidae a sia.