JOSHUA 11:14 - Zotung Bible 2016

¹⁴ E khua hae kya-e luadepaw uccaw hae balyn te sahiin-awvaw hae kha Israel hae nynh mimaw elang a lawku hae; thuasalama ccungccaw hae balyn kha tuh a chi kou makhia hae, thaloi te theih hae zah ahiinpaw lu kheit san um lei lan marya a chia hae.

JOSHUA 11:14 Iomraidhean Croise

2 SHERIANAW 20:25

Jehoshafat te a ccungccaw hae nynh rhaw hae kya-e luadepaw uccaw kha lawku lan he a cceih hae tuh, sahiin patae, uccaw hae, boeining hae te aphutepaw uccaw hae kha muih hae zah a phu kho lei lan hae ciate a lawku hae. Luadepaw uccaw tuh myarya alung keiccuze a lawnaw hae nin thum cia a rokhaekuh hae.

NAMBAR 31:9

Israel hae nynh Midian nopi hae te mih imua hae kha a kyng hae; mih vaetua phu balyn, mih tuuphu hae te mih uccaw hae balyn kha a lua hae.

DEUTERONOMY 20:14

Thuasalama nopi hae, imua hae, sahiin-awvaw te khua kya umpaw atyn-are balyn kha naemaw hanlan luadepaw uccaw lante na lawkuh cih oh. Bawipaw nae Pachia nynh ae pya oh paw nae rhaw hae kya-e luadepaw uccaw kha nae lung atuakhaekuh cih.

DEUTERONOMY 20:16

Thuasalama Bawipaw nae Pachia nynh rho lang ae pya cih oh paw hynh-e ccungccaw hae khua kya umpaw ahysuepaw pawpaw mah na hiin lan khyh oh.

JOSHUA 10:40

Tuhcite Joshua nynh ram pynpi kha thuasah, muaram te Negeb ram kha thuasah, laephi anenaw ram te laephi hary apannaw ram hae te mih siapharan hae balyn kha thuasah a tae hae; Bawipaw , Israel Pachia nynh kaw a pya thyhte, lu kheit san a laehy lei lan, ahysuepaw balyn kha khaleih a ro hae.

JOSHUA 11:11

Hazor khua kya um hae paw balyn kha thaloi te bae hae zah khaleih a chia hae; ahiinpaw lu kheit san um khyh, Hazor khua kha maee te phe a soi.

JOSHUA 11:13

Thuasalama Joshua nynh maee te a soipaw Hazor khua laelan, mua vawlan umpaw khua hae kha tuh Israel hae nynh maee te soi khyh hae.

JOSHUA 11:15

Bawipaw nynh a ryalahtu Moses kha kaw a pya thyhte, Moses nynh Joshua kha kawpya pathy zah, Joshua nynh tuhcite a cyi; Bawipaw nynh Moses kya kaw a pyapaw balyn kha a cyi leipaw um khyh.

JOSHUA 8:2

Jeriko khua te a siapharan tungvaw na cyi hawte, Ai khua te a siapharan tungvaw na cyih cih; luadepaw uccaw te a sahiin-awvaw kyalya kha naemaw hanlan na lawkuh cih oh; khua kha anulang te buhkhaw oh,” a cipya.

JOSHUA 8:27

Bawipaw nynh Joshua kha kaw a pya thyhte, tuin khua kya-e sahiin-awvaw hae te luadepaw uccaw hae kyalya kha Israel hae nynh mimaw uccaw lang a lawku hae.