JOSHUA 11:12 - Zotung Bible 2016

¹² Te Bawipaw ryalahtu Moses nynh kaw a pya thyhte, tuh-e siapharan hae kya-e khua hae balyn te mih siapharan hae kha Joshua nynh a law hae, thaloi te theih hae zah khaleih a ro hae.

JOSHUA 11:12 Iomraidhean Croise

DEUTERONOMY 7:2

Bawipaw na Pachia nynh minmin kha namaw kalan ae pya zah, he na tae te, minmin kha marya na roh cih hae. Minmin ryte byakinnaw na rae lan khyh zah, minmin tungvaw thawccinaw na langsakuh lan khyh.

DEUTERONOMY 9:3

Oute Bawipaw na Pachia tuh aruapaw maee hawte atunin na malang po cceih cih paw nynh thua cipaw nytua; Bawipaw nynh bya ae kinpyaku thyhte minmin kha arangte na dee hae zah na ro kho nawlan hae, Bawipaw nynh minmin kha na malang khe a shungsah cih hae zah a tae cih hae.

JOSHUA 10:20

Joshua te Israel hae nynh minmin kha a thang makhia hae cia, patae a theih kou hae te, te a hiinhy hae paw tuh akoihkuhpaw khua lungkhu lang he a tee hae te,

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:30

Bawipaw nynh Libnah khua te mih siapharan kha mah Israel hae kuih kya a pya hae; tuh-e khua kha thaloi te bae zah, khua lungkhu umpaw ccungccaw balyn kha lu kheit san a laehy lei lan a bae hae; Jeriko siapharan tungvaw a cyi hawte Libnah siapharan tungvaw kya mah a cyi.

JOSHUA 10:32

Bawipaw nynh Lakhish khua tuh Israel hae kuih kya a pya hae, nin ningnaw nin khe khua kha lah zah, Libnah khua kya a cyi hawte, khua lungkhu umpaw ccungccaw balyn kha thaloi te a bae hae.

JOSHUA 10:35

tuin nin khe khua tuh lah hae zah thaloi te a bae hae, Lakhish tungvaw kya a cyi hawte, tuin nin khe khua lungkhu umpaw ccungccaw balyn kha khaleih a ro hae.

JOSHUA 10:37

Hebron kha lah hae zah mih siapharan te khua pepan e khua hae te tuin khua kya umpaw ccungccaw balyn kha thaloi te a bae hae; Eglon tungvaw a cyi hawte, lu kheit san haang leite bae hae zah, khua lungkhu umpaw ccungccaw balyn kha khaleih a ro hae.

JOSHUA 11:13

Thuasalama Joshua nynh maee te a soipaw Hazor khua laelan, mua vawlan umpaw khua hae kha tuh Israel hae nynh maee te soi khyh hae.

JOSHUA 11:15

Bawipaw nynh a ryalahtu Moses kha kaw a pya thyhte, Moses nynh Joshua kha kawpya pathy zah, Joshua nynh tuhcite a cyi; Bawipaw nynh Moses kya kaw a pyapaw balyn kha a cyi leipaw um khyh.

JOSHUA 13:6

muaram kya um hae paw abalyn, Lebanon mua kyate Misrefoth-maim kyacia, Sidon hae abalyn. Kamaw ccaccei nynh Israel hae malang kyate ka dee cih hae; kaw kae pya vae hawte ram tuh Israel hae kha nee hae.

JOSHUA 21:44

Te Bawipaw nynh mih minpaaw hae kya bya a la kinpyaku hae thyhte, mih pepan balyn kya daenaw a pya hae; mih rhaw hae lu kheit nynh sanmah mih malang thadyn kho khyh hae, pawccecize Bawipaw nynh mih rhaw hae balyn kha mih kuih kya a pya vae hae.

JOSHUA 8:31

Bawipaw ryalahtu Moses nynh Israel hae kha kawpya hae zah, Moses kawbya ccauh kyaze, “a awkuh leipaw, sivawhaelua mah mangnua leipaw lung te raepaw silawhang,” cite azeiku thyhte a rae hae; tuh-e vawlan khe maee-ute silawnaw kha Bawipaw kalan rae hae zah, ccawkunaw silawnaw kha a rae hae.

JOSHUA 8:8

Te khua kha he na lah kou oh te, Bawipaw bya thyhte khua tuh maee te na soi cih oh; tuhcite kaw kae pya vae oh,” a cipya hae.

JOSHUA 9:24

Minmin nynh Joshua kha, “Ram hae balyn hynh nanning pya lan zah, ram kya um hae paw balyn hynh nae malang ro lanpaw kha Bawipaw na Pachia nynh a ryalahtu Moses kya kaw a pya vae cipaw kha na ryalahtu hae kaening kya phe ria lan oun hopah hae zah, nanning keiccuze kae hiinnaw hanlan myarya kae ri pawte, hynh-e uccaw hynh kae cyi.