JOSHUA 10:8 - Zotung Bible 2016

⁸ Bawipaw nynh Joshua kyakhe, “Minmin kha rih nan hae, pawccecize minmin kha na kuih kya kae pya vae; na malang lu kheit san thadyn kho lan khyh hae,” a cipya.

JOSHUA 10:8 Iomraidhean Croise

1 SIAPHARAN 20:13

Te profeh lu kheit tuh Israel siapharan Ahab kalan yn thua zah, “Bawipaw nynh hynhte a ho, hynh-e myarya lungpaw zapi hae hynh na muih vae hae tou? Dotua, atunin minmin kha na kuih kya kae pya cih; te nang nynh kae tuh Bawipaw ka thuapaw kha na nyh cih,” a cipya.

Romans 8:31

Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?

DEUTERONOMY 3:2

Bawipaw nynh ka kyakhe, “Amaw kha rih nan, pawccecize amaw ryte a ccungccaw hae te a ram hae kha na kuih kya kae pya vae. Heshbon a uktupaw Amor Siapharan Sihon tungvaw na cyi hawkhate a tungvaw kya cyitua,” yn cipya.

DEUTERONOMY 7:24

Bawipaw nynh mih siapharan hae kha nae kuih kya ae pya cih oh zah, minmin kha vaawlui zakaw kyate a maemih cih hae; minmin kha na ro makhia oh, lu kheit nynh sanmah rawsete ae thadynnua kho lan khyh oh.

JOSHUA 10:25

Te Joshua nynh minmin kha, “Rih nan oh, nae bungzou nan sah; nae thawsaesakuh oh lah, nae rawthungsakuh oh; pawccecize na tuk oh paw rhaw hae balyn tungvaw kya Bawipaw nynh hynhcite a cyih cih,” a cipya hae.

JOSHUA 10:9

Tukeiccuze Joshua tuh Gilgal kyate zidae cceihthung zah, vaekheitmawte a tuk hae.

JOSHUA 11:6

Te Bawipaw nynh Joshua kyakhe, “Minmin kha rih nan hae, pawccecize awkhualan atu ccyh kya mih balynte phe chiate Israel hae kya ka pya cih hae; mih marang hae kha mih ccukantho na bae cih oh zah, mih marangle hae kha maee te na soi cih oh,” a cipya.

JOSHUA 8:1

Te Bawipaw nynh Joshua kha, “Rih nan, na lungroh nan sah; rhawkaw balyn kha ko hae lah, namaw ryte Ai khua lang cceihthung oh. Ai siapharan kha a khua, a ccungccaw hae te a ram ryte na kuih kya kae pya vae.

BYAPIATU 6:16

Bawipaw nynh Gideon kha, “Na kya ka um cih zah Midian hae kha lu kheit cci mawte na theih cih hae,” a cipya.

BYAPIATU 7:9

Tuh-e khuazi khe Bawipaw nynh Gideon kha, “Thoku tua, mih ryahmin kha tuk ccavae; pawccecize na kuih kya kae pya vae.

1 SAMUEL 17:47

Bawipaw nynh thaloi te ccoi khate khum khyh hae cipaw kha e zapi hae balyn nynh a nyh cih hae; pawccecize rhawtuknaw tuh Bawipaw kya-e thua zah aning nynh nanning kha kae kuih kalan oun pya cih,” a cipya.