JOSHUA 10:6 - Zotung Bible 2016

⁶ Te Gibeon hae nynh Gilgal ryahmin kya umpaw Joshua kalan ccungccaw saw hae zah, “Na ryalahtu kaening hynh oun vua nan; arangte beih yn cceihthung, oun bawmtua lah oun khumtua; pawccecize mua vaw kya khuasah hae paw Amor hae siapharan balyn nynh oun pumnuaku vae hae,” a cipya hae.

JOSHUA 10:6 Iomraidhean Croise

2 SIAPHARAN 4:24

Te lann kha khungnin de zah a ryalahtupaw kha, “Lann hynh cciasah, kae hopah leite byabyate yn cciasahpah nan,” a cipya.

The Psalms 125:2

Mua hae nynh Jerusalem khua kha a koihlu hae hawte, Bawipaw nynh a ccungccaw hae kha atu te zungzae cia a koihlu hae.

ISAIAH 33:22

Pawccecize Bawipaw tuh aening byapiatu nynh thua, Bawipaw tuh aening oun uktu nynh thua, Bawipaw tuh aening siapharan thua zah, aning nynh aening kha oun khum cih.

NAMBAR 13:29

Amalek hae tuh Neged ram kya khuasah hae; Hit hae, Jebus hae te Amor hae tuh mua vaw e khua taraw kya khuasah hae; te Kanaan hae tuh rili pe te Jordan vaw kin kya a um hae,” a cipya hae.

LUKA 1:39

Tuin nin hae kyakhe Mary tuh thokuh zah Judea muaram kya a umpaw khua langkhe arangte a cceih,

DEUTERONOMY 1:15

Tukeiccuze nae phin kya-e cciakhaetu hae, ahawpaw te sawtua lan umpaw kha ka ko hae zah, athong uktu hae, aza uktu hae, sung pangaw uktu hae, lu haw uktu hae te bawi hae lang nae phin takyh kya ka nung hae.

JOSHUA 10:5

Tetuh Amor hae siapharan lu pangaw—Jerusalem siapharan, Hebron siapharan, Jarmuth siapharan, Lakhish siapharan te Eglon siapharan hae nynh—mih rhawkaw hae kha pum hae zah mih rhawkaw hae balyn ryte Gibeon khua kha ryahmin tahnuakute a tuk hae.

JOSHUA 10:7

Tukeiccuze Joshua tuh rhawkaw hae balyn, athungpaw mih rawhoy hae paw balyn ryte Gilgal kyate a cceihthung hae.

JOSHUA 21:11

Judah muaram kya umpaw Hebron khua a ci hae paw Kiriath-arba khua (Arba tuh Anak paaw nynh thua) te a pepan e sahiin rampaeenaw hae tuh a pya hae.

JOSHUA 5:10

Israel hae nynh Gilgal kya a rya lya hae, tuh-e sawpaw nin haw lae pali nin zete khe Jeriko bialae kya kawtaw poi a tua hae.

JOSHUA 9:15

Te Joshua nynh minmin ryte ccawkunaw rae zah, mih hiinnaw haang lante aamah a khanpyaku hae; te ccungccaw zapi cciakhaetu hae nynh minmin kha thyalawkute bya a kinpyaku hae.

JOSHUA 9:6

Te Gilgal khua ryahmin kya um hae paw Joshua te Israel hae kalan cceih hae zah, “Laansawpi umpaw ram kyate nynh kae thua; tukeiccuze kaening ryte byakinnaw rae oh,” a cipya hae.

JOSHUA 9:8

Minmin nynh Joshua kha, “Kaening tuh na ryalahtu hae nynh kae thua,” a cipya hae. Te Joshua nynh minmin kha, “Hum hae mou na thua oh? Paw kyate mou nae thua oh?” a cipya hae.