JOSHUA 10:42 - Zotung Bible 2016

⁴² Bawipaw , Israel Pachia nynh Israel hae hanlan rhaw a tuk keiccuze, Joshua nynh hynh-e siapharan hae balyn te mih ram kha vae kheit te marya a law hae.

JOSHUA 10:42 Iomraidhean Croise

The Psalms 118:6

Bawipaw nynh yn pankhae keiccuze ka rih khyh. Ccungccaw nynh ka tungvaw pawmou yn cyih kho cih?

The Psalms 46:1

Pachia tuh aening khynnaw te thawzung nynh thua, vawsaw ccyh lya zungzae oun bawmtu nynh thua.

The Psalms 46:11

Vaaw Bawipaw tuh aening kya a um; Jakob Pachia tuh aening khynnaw nynh thua.

The Psalms 46:7

Vaaw Bawipaw tuh aening kya a um; Jakob Pachia tuh aening khynnaw nynh thua.

The Psalms 80:3

Pou Pachia, kaening hynh langmawlya hawte oun thuasah thui tua; khumnaw kae mue nawlan, na mitmae kha awsah tua.

EXODUS 14:14

Bawipaw nynh nae hanlan rhaw ae tukpah cih oh; nanning nynh daebabi lan na um cih oh,” a cipya hae.

EXODUS 14:25

Bawipaw nynh mih marangle a ccu hae kha miaku aru ccaw cite phang a tawsah hae. Izip hae nynh, “Israel hae kyate ccue ccavae oh sih, pawccecize Bawipaw nynh minmin hanlan aening kha oun tuk vae,” a ciku hae.

ISAIAH 43:4

Nang tuh ka muihnaw kya aphutepaw na thua keiccuze sawtuanaw kae pya zah kae sungsah, tukeiccuze nang kha khum khylan ccungccaw hae kha ka vua hae zah, nang na hiinnaw hanlan minphuin hae kha ka vua hae.

DEUTERONOMY 20:4

pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua,” cite a hopah cih hae.

JOSHUA 10:14

Tuin nin hawte Bawipaw nynh ccungccaw bya a ngaepya nin tuh um boi khyh zah malang ccyh kya mah um vae khyh; pawccecize Bawipaw nynh Israel hae elang rhaw a tukpya hae.

JOSHUA 10:43

Te Joshua tuh Israel hae balyn ryte Gilgal umpaw ryahmin langkhe a ki hae.