JOSHUA 10:40 - Zotung Bible 2016

⁴⁰ Tuhcite Joshua nynh ram pynpi kha thuasah, muaram te Negeb ram kha thuasah, laephi anenaw ram te laephi hary apannaw ram hae te mih siapharan hae balyn kha thuasah a tae hae; Bawipaw , Israel Pachia nynh kaw a pya thyhte, lu kheit san a laehy lei lan, ahysuepaw balyn kha khaleih a ro hae.

JOSHUA 10:40 Iomraidhean Croise

1 SIAPHARAN 15:29

Siapharan lang he a tang takaw te, Jeroboam ciihan balyn kha a chia hae; Bawipaw nynh a ryalahtu Shiloh khuapaw Ahijah kyate a hopaw bya thyhte, marya a ro mawlaezung Jeroboam ciihan kha a hysuepaw lu kheit san haang khyh,

NEHEMIAH 9:24

Tukeiccuze mih ciihan hae nynh tee hae zah ram kha a ccou hae, mih malang khe tuin ram um hae paw Kanaan hae kha na tae hae zah mih siapharan hae te ramccungccaw hae kha mih rythyte a cyi ccaw hae cite mih kuih kya na pya hae.

The Psalms 9:17

Ccungccaw hoylei hae paw te Pachia a ning hae paw minphuin hae balyn tuh michi khua lang a cceih cih hae.

EXODUS 34:12

Na cceih cihnaw ram kya umpaw ccungccaw hae ryte byakinnaw kha na rae khyh nawlan raeringkuh, tuhkhyhze tuh tuh-e byakinnaw tuh nanning laku kya kaang lang a tang cih.

NAMBAR 13:17

Moses nynh Kanaan ram dophi khylan minmin kha saw hae zah, “Negeb lang khuin la cceihthung oh lah, mua lang e khua taraw kalan la cceihthung oh,

DEUTERONOMY 1:7

Cceih oh lah, mua alungnaw Amor hae ram lungkhu lang te a pepan umpaw ram hae Arabah lang thuasah, mua alungnaw ram lang thuasah, Shefelah lang thuasah, Negeb te rili kin lang thuasah, Kanaan hae ram te Lebanon lang thuasah Zufrates vawpi cia cceih oh.

DEUTERONOMY 2:34

Tuh ccyh lyaze a khua balyn kha ah lah oh zah khua takyh kya umpaw pise hae, nopi hae te imua hae kha marya ah maemih oh. Lu kheit sanmah a hiin te ah cciataw khyh oh.

DEUTERONOMY 7:24

Bawipaw nynh mih siapharan hae kha nae kuih kya ae pya cih oh zah, minmin kha vaawlui zakaw kyate a maemih cih hae; minmin kha na ro makhia oh, lu kheit nynh sanmah rawsete ae thadynnua kho lan khyh oh.

JOSHUA 10:35

tuin nin khe khua tuh lah hae zah thaloi te a bae hae, Lakhish tungvaw kya a cyi hawte, tuin nin khe khua lungkhu umpaw ccungccaw balyn kha khaleih a ro hae.

JOSHUA 10:37

Hebron kha lah hae zah mih siapharan te khua pepan e khua hae te tuin khua kya umpaw ccungccaw balyn kha thaloi te a bae hae; Eglon tungvaw a cyi hawte, lu kheit san haang leite bae hae zah, khua lungkhu umpaw ccungccaw balyn kha khaleih a ro hae.

JOSHUA 10:39

Debir siapharan te a pepan e khua hae balyn kha a law hae; minmin kha thaloi te bae hae zah, khua lungkhu umpaw ccungccaw balyn kha lu kheit san a laehy lei lan khaleih a ro hae; Hebron tungvaw a cyi hawte thuasah, Libnah te mih siapharan tungvaw a cyi hawte thuasah Debir te mih siapharan tungvaw kya mah a cyi hae.

JOSHUA 11:16

Tuhcite Joshua nynh tuh-e ram hae balyn kha a law: muaram, Negeb hae balyn, Goshen ram hae balyn, laelung anenaw, Arabah, Israel kya-e muaram te laelung anenaw ram,

JOSHUA 12:8

e ram hae tuh muaram, laelung anenaw ram, Arabah accya, apannaw ram, ramkaw te Negeb ram thua hae zah, Hit hae, Amor hae, Kanaan hae, Periz hae, Hiv hae te Jebus hae ram nynh thua):

JOSHUA 18:21

Benjamin phin hae nynh mih puizia thyhte a ccou hae paw khua hae tuh Jeriko, Beth-hoglah, Emek-keziz,

JOSHUA 6:17

Khua te a lungkhu umpaw balyn tuh ro khylan Bawipaw kalan pya athua cih. Aening nynh ah saw oh paw locceihtu hae kha a thuruh keiccu hae ze, ohhuanung Rahab te a inn kya um hae paw balyn tuh a hiin cih hae.

JOSHUA 8:2

Jeriko khua te a siapharan tungvaw na cyi hawte, Ai khua te a siapharan tungvaw na cyih cih; luadepaw uccaw te a sahiin-awvaw kyalya kha naemaw hanlan na lawkuh cih oh; khua kha anulang te buhkhaw oh,” a cipya.

JOSHUA 8:27

Bawipaw nynh Joshua kha kaw a pya thyhte, tuin khua kya-e sahiin-awvaw hae te luadepaw uccaw hae kyalya kha Israel hae nynh mimaw uccaw lang a lawku hae.

JOSHUA 9:24

Minmin nynh Joshua kha, “Ram hae balyn hynh nanning pya lan zah, ram kya um hae paw balyn hynh nae malang ro lanpaw kha Bawipaw na Pachia nynh a ryalahtu Moses kya kaw a pya vae cipaw kha na ryalahtu hae kaening kya phe ria lan oun hopah hae zah, nanning keiccuze kae hiinnaw hanlan myarya kae ri pawte, hynh-e uccaw hynh kae cyi.