JOSHUA 10:4 - Zotung Bible 2016

⁴ “Ka kalan oun cceih oh lah, yn bawm oh, Gibeon kha tuk oh sih; pawccecize aning nynh Joshua te Israel hae ryte ccawkunaw a rae vae hae,” a cipya hae.

JOSHUA 10:4 Iomraidhean Croise

MATTHAI 16:24

Jesu nynh a zuitu hae kha, “Lukhakheit nynh kae kha yn zui ry ze amaw te amaw kha vuakuh sah lah a vaelantung kha puihkute yn zui sah.

JOHAN 15:19

Nanning tuh laephi kya-e na thua oh ze, laephi nynh ka kya-e cite ae sungsah cih oh; thuasalama laephi kya-e na thua khyh oh keiccu thuasah, kae nynh laephi kyate kae po vae oh keiccu thuasah laephi nynh nanning kha ae hua oh.

LOCCEIHTU 21:28

Minmin nynh, “Israel ccungccaw hae, oun bawm oh! E paw tuh hmin takyh kalan cceih zah ah ccungccaw hae kha thuasah, ah Kawbya kha thuasah, hynh-e hmin hynh thuasah rawsete ccungccaw balyn kha a ccangpahpaw nynh thua, tuhpiaze Grik hae kha mah beikinn lungkhu lang teekhae hae zah hynh-e athyaapaw hmin hynh a thusah vae,” cite a sia hae.

2 TIMOTE 3:12

Thanccingte, Khri Jesu kya Pachia rawrinaw te a hiin rypaw ccungccaw balyn nynh tuh tuaasahkunaw kha a teing cih hae.

JAMES 4:4

Zyn lan um leipaw ccungccaw hae! Laephi te vaeccawkunaw tuh Pachia ryte rhawkunaw nynh thua cipaw kha na nyh khyh oh tou? Tukeiccuze laephi te ruiban lang a tang rypaw tuh Pachia rhawpaw lang a raekuhpaw nynh thua.

JOSHUA 10:1

Joshua nynh Jeriko khua te a siapharan tungvaw a cyi hawte, pawtemou Ai khua kha lah zah, Ai khua te a siapharan kha marya a ro cipaw kha thuasah, pawtemou Gibeon khuaccaaw hae nynh Israel hae ryte ccawkunaw rae hae zah minmin kya a umbua hae cipaw kha thuasah, Jerusalem siapharan Adonizedek nynh he a thae tuh,

JOSHUA 10:5

Tetuh Amor hae siapharan lu pangaw—Jerusalem siapharan, Hebron siapharan, Jarmuth siapharan, Lakhish siapharan te Eglon siapharan hae nynh—mih rhawkaw hae kha pum hae zah mih rhawkaw hae balyn ryte Gibeon khua kha ryahmin tahnuakute a tuk hae.

JOSHUA 9:15

Te Joshua nynh minmin ryte ccawkunaw rae zah, mih hiinnaw haang lante aamah a khanpyaku hae; te ccungccaw zapi cciakhaetu hae nynh minmin kha thyalawkute bya a kinpyaku hae.

1 PETER 4:4

Atu tuh nanning nynh tuhcihawpaw alawepaw hoysahnaw kya minmin ryte na mungku vae khyh oh paw kha mih ngaeangthua zah thethya ae ho oh.

BYAPHY 16:14

Tuh-e muisaw hae tuh muihsahnaw hae a langsakuhpaw raerangsaro hae kya-e muisaw hae nynh thua; Athung huaccepaw Pachia kya-e alesaepaw nin kya rhawtukku khylan minmin nynh laephi pynpi kya-e siapharan hae kha ccianua hae zah a suelua hae.