JOSHUA 10:39 - Zotung Bible 2016

³⁹ Debir siapharan te a pepan e khua hae balyn kha a law hae; minmin kha thaloi te bae hae zah, khua lungkhu umpaw ccungccaw balyn kha lu kheit san a laehy lei lan khaleih a ro hae; Hebron tungvaw a cyi hawte thuasah, Libnah te mih siapharan tungvaw a cyi hawte thuasah Debir te mih siapharan tungvaw kya mah a cyi hae.

JOSHUA 10:39 Iomraidhean Croise

2 SIAPHARAN 10:11

Tukeiccuze Jezreel khua kya a laehypaw Ahab ciihan hae balyn, a kuihkaw e bawi hae, a ruiban hoypaw hae te ranpibawi hae kha lu kheit san hiin leite a chia hae.

OBADIAH 1:18

Jakob ciihan hae tuh maee athua cih hae zah, Josef ciihan hae tuh maeesoi athua cih hae, Esau ciihan hae tuh athupaw athua cih hae, maee te a soi cih hae zah minmin kha a u cih hae, Esau ciihan a hiinhypaw um lan khyh hae; pawccecize Bawipaw nynh phe a ho vae.

DEUTERONOMY 3:3

Tukeiccuze Bawipaw ah Pachia nynh Bashan siapharan Og te a ccungccaw hae balyn kha mah ah kuih kya oun pya. Ahiinpaw lu kheit sanmah a um lei lan ciate ah tae oh.

JOSHUA 10:33

Te Gezer siapharan Horam tuh Lakhish khua kha bawm lan yn cceih; Joshua nynh Horam te a ccungccaw hae kha ahiinpaw lu kheit san um lei lan a chia hae.

JOSHUA 10:37

Hebron kha lah hae zah mih siapharan te khua pepan e khua hae te tuin khua kya umpaw ccungccaw balyn kha thaloi te a bae hae; Eglon tungvaw a cyi hawte, lu kheit san haang leite bae hae zah, khua lungkhu umpaw ccungccaw balyn kha khaleih a ro hae.

JOSHUA 10:38

Te Joshua tuh Israel hae balyn ryte Debir langkhe ki hae zah a tuk hae,

JOSHUA 10:40

Tuhcite Joshua nynh ram pynpi kha thuasah, muaram te Negeb ram kha thuasah, laephi anenaw ram te laephi hary apannaw ram hae te mih siapharan hae balyn kha thuasah a tae hae; Bawipaw , Israel Pachia nynh kaw a pya thyhte, lu kheit san a laehy lei lan, ahysuepaw balyn kha khaleih a ro hae.

JOSHUA 11:8

Te Bawipaw nynh minmin kha Israel hae kuih kya a pya hae, minmin kha tuk hae zah Sidon Lepaw te Misrefoth-maim kyacia, te nithua lang Mizpah accya kyacia a deehui hae. Lu kheit san hiin leite a chia hae.

JOSHUA 12:13

Debir siapharan lu kheit Geder siapharan lu kheit

1 SAMUEL 15:3

Atu la cceih lah, Amalek kha la tuk, mih hoipaw balyn kha khaleih la roh; minmin kha haang nan hae, nopi te pise, imua te nosi, tangnuapaw te tuu, kalauh te lann kha theih hae,’ a ci,” cite a hopya.

1 SAMUEL 15:8

Amalek siapharan Agag kha a hiin te a kyng, thuasalama ccungccaw balyn kha tuh thaloi te khaleih a ro hae.