JOSHUA 10:37 - Zotung Bible 2016

³⁷ Hebron kha lah hae zah mih siapharan te khua pepan e khua hae te tuin khua kya umpaw ccungccaw balyn kha thaloi te a bae hae; Eglon tungvaw a cyi hawte, lu kheit san haang leite bae hae zah, khua lungkhu umpaw ccungccaw balyn kha khaleih a ro hae.

JOSHUA 10:37 Iomraidhean Croise

EXODUS 17:13

Joshua nynh Amalek te a ccungccaw hae kha thaloi te phe a tae hae.

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:35

tuin nin khe khua tuh lah hae zah thaloi te a bae hae, Lakhish tungvaw kya a cyi hawte, tuin nin khe khua lungkhu umpaw ccungccaw balyn kha khaleih a ro hae.

JOSHUA 10:36

Tukoute Joshua tuh Israel hae balyn ryte Eglon kyate Hebron khua langkhe cceihthung hae zah a tuk hae;

JOSHUA 10:38

Te Joshua tuh Israel hae balyn ryte Debir langkhe ki hae zah a tuk hae,

JOSHUA 10:39

Debir siapharan te a pepan e khua hae balyn kha a law hae; minmin kha thaloi te bae hae zah, khua lungkhu umpaw ccungccaw balyn kha lu kheit san a laehy lei lan khaleih a ro hae; Hebron tungvaw a cyi hawte thuasah, Libnah te mih siapharan tungvaw a cyi hawte thuasah Debir te mih siapharan tungvaw kya mah a cyi hae.

JOSHUA 10:40

Tuhcite Joshua nynh ram pynpi kha thuasah, muaram te Negeb ram kha thuasah, laephi anenaw ram te laephi hary apannaw ram hae te mih siapharan hae balyn kha thuasah a tae hae; Bawipaw , Israel Pachia nynh kaw a pya thyhte, lu kheit san a laehy lei lan, ahysuepaw balyn kha khaleih a ro hae.

JOSHUA 11:12

Te Bawipaw ryalahtu Moses nynh kaw a pya thyhte, tuh-e siapharan hae kya-e khua hae balyn te mih siapharan hae kha Joshua nynh a law hae, thaloi te theih hae zah khaleih a ro hae.