JOSHUA 10:32 - Zotung Bible 2016

³² Bawipaw nynh Lakhish khua tuh Israel hae kuih kya a pya hae, nin ningnaw nin khe khua kha lah zah, Libnah khua kya a cyi hawte, khua lungkhu umpaw ccungccaw balyn kha thaloi te a bae hae.

JOSHUA 10:32 Iomraidhean Croise

EXODUS 17:13

Joshua nynh Amalek te a ccungccaw hae kha thaloi te phe a tae hae.

ISAIAH 37:8

Rabshakeh tuh yn ki zah, Assiria siapharan nynh Libnah khua a tuk cciamangpaw kha a muih; pawccecize siapharan tuh Lakhish khua kyate a pou vae cipaw kha a thae vae.

DEUTERONOMY 7:2

Bawipaw na Pachia nynh minmin kha namaw kalan ae pya zah, he na tae te, minmin kha marya na roh cih hae. Minmin ryte byakinnaw na rae lan khyh zah, minmin tungvaw thawccinaw na langsakuh lan khyh.

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:31

Joshua tuh Israel ccungccaw hae ryte Libnah kyate Lakhish khua lang cceih hae zah, khua kha koihlute a tuk hae.

JOSHUA 10:33

Te Gezer siapharan Horam tuh Lakhish khua kha bawm lan yn cceih; Joshua nynh Horam te a ccungccaw hae kha ahiinpaw lu kheit san um lei lan a chia hae.

JOSHUA 11:12

Te Bawipaw ryalahtu Moses nynh kaw a pya thyhte, tuh-e siapharan hae kya-e khua hae balyn te mih siapharan hae kha Joshua nynh a law hae, thaloi te theih hae zah khaleih a ro hae.