JOSHUA 10:30 - Zotung Bible 2016

³⁰ Bawipaw nynh Libnah khua te mih siapharan kha mah Israel hae kuih kya a pya hae; tuh-e khua kha thaloi te bae zah, khua lungkhu umpaw ccungccaw balyn kha lu kheit san a laehy lei lan a bae hae; Jeriko siapharan tungvaw a cyi hawte Libnah siapharan tungvaw kya mah a cyi.

JOSHUA 10:30 Iomraidhean Croise

2 SIAPHARAN 10:11

Tukeiccuze Jezreel khua kya a laehypaw Ahab ciihan hae balyn, a kuihkaw e bawi hae, a ruiban hoypaw hae te ranpibawi hae kha lu kheit san hiin leite a chia hae.

NAMBAR 32:22

tuh-e ram tuh Bawipaw malang tae athua koute na ki cih oh zah Bawipaw kya te Israel hae kya laebah na um vae lan khyh oh, te hynh-e ram hynh Bawipaw malang na hoi oh paw ram lang a tang cih.

DEUTERONOMY 2:33

Bawipaw ah Pachia nynh Sihon kha aening kalan oun pya; aening nynh amaw a ciihan hae te a ccungccaw hae balyn kha ah chia oh.

DEUTERONOMY 7:2

Bawipaw na Pachia nynh minmin kha namaw kalan ae pya zah, he na tae te, minmin kha marya na roh cih hae. Minmin ryte byakinnaw na rae lan khyh zah, minmin tungvaw thawccinaw na langsakuh lan khyh.

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:29

Te Joshua tuh Israel hae balyn ryte Makkedah kyate Libnah lang po sulue hae zah Libnah khua kha a tuk hae.

JOSHUA 10:31

Joshua tuh Israel ccungccaw hae ryte Libnah kyate Lakhish khua lang cceih hae zah, khua kha koihlute a tuk hae.

JOSHUA 11:12

Te Bawipaw ryalahtu Moses nynh kaw a pya thyhte, tuh-e siapharan hae kya-e khua hae balyn te mih siapharan hae kha Joshua nynh a law hae, thaloi te theih hae zah khaleih a ro hae.

JOSHUA 12:15

Libnah siapharan lu kheit Adullam siapharan lu kheit

JOSHUA 8:24

Israel hae nynh Ai khuaccaaw hae kha a deehuinaw hae ramkaw khe marya theih hae zah, mih balyn mawte thaloi te a chih kou hae te, Israel hae balyn nynh Ai khua lang kinua hae zah, khua kya um hae paw kha thaloi te marya a bae hae.

JOSHUA 8:29

Te Ai siapharan kha zete cia thingku kya a sae; khuanin ccah te, Joshua nynh kawpya hae zah a rhua kha thingku vaw kyate sahbung hae zah, khua koikua teenaw kin khe a vua hae, lungpum pi lang pumthin hae zah tuh-e tuh atunin cia a um.

JOSHUA 9:3

Thuasalama Joshua nynh Jeriko khua te Ai khua kya a cyipaw kha Gibeon khuaccaaw hae nynh he a thae hae tuh,