JOSHUA 10:28 - Zotung Bible 2016

²⁸ Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:28 Iomraidhean Croise

The Psalms 110:1

Bawipaw nynh ka Bawipaw kha, “Na rhaw hae kha na ccusy lang kae raepya makhia tuh, ka ranglang khe haung,” a cipya.

LUKA 19:27

Mih siapharan lang yn ry lei hae paw ka rhaw hae kha hynhlang oun cciakhae oh lah, ka malang maw hin theih oh,’ a cipya hae,” a ci.

1 KORIN 15:25

Pawccecize Pachia nynh rhaw hae balyn kha a ccuphe kaw a nung kou hae cia, Khri nynh a uk cih.

DEUTERONOMY 2:34

Tuh ccyh lyaze a khua balyn kha ah lah oh zah khua takyh kya umpaw pise hae, nopi hae te imua hae kha marya ah maemih oh. Lu kheit sanmah a hiin te ah cciataw khyh oh.

DEUTERONOMY 7:16

Bawipaw nae Pachia nynh ae pya cih oh paw ccungccaw balyn kha thawccinaw langsapyaku leite na roh cih oh; mih pachia hae kha na roh cih oh; mih pachia hae kha na beik lan khyh oh, pawccecize nae hanlan tuh-e tuh kaang athua cih.

DEUTERONOMY 7:2

Bawipaw na Pachia nynh minmin kha namaw kalan ae pya zah, he na tae te, minmin kha marya na roh cih hae. Minmin ryte byakinnaw na rae lan khyh zah, minmin tungvaw thawccinaw na langsakuh lan khyh.

JOSHUA 10:30

Bawipaw nynh Libnah khua te mih siapharan kha mah Israel hae kuih kya a pya hae; tuh-e khua kha thaloi te bae zah, khua lungkhu umpaw ccungccaw balyn kha lu kheit san a laehy lei lan a bae hae; Jeriko siapharan tungvaw a cyi hawte Libnah siapharan tungvaw kya mah a cyi.

JOSHUA 10:32

Bawipaw nynh Lakhish khua tuh Israel hae kuih kya a pya hae, nin ningnaw nin khe khua kha lah zah, Libnah khua kya a cyi hawte, khua lungkhu umpaw ccungccaw balyn kha thaloi te a bae hae.

JOSHUA 10:35

tuin nin khe khua tuh lah hae zah thaloi te a bae hae, Lakhish tungvaw kya a cyi hawte, tuin nin khe khua lungkhu umpaw ccungccaw balyn kha khaleih a ro hae.

JOSHUA 10:37

Hebron kha lah hae zah mih siapharan te khua pepan e khua hae te tuin khua kya umpaw ccungccaw balyn kha thaloi te a bae hae; Eglon tungvaw a cyi hawte, lu kheit san haang leite bae hae zah, khua lungkhu umpaw ccungccaw balyn kha khaleih a ro hae.

JOSHUA 10:39

Debir siapharan te a pepan e khua hae balyn kha a law hae; minmin kha thaloi te bae hae zah, khua lungkhu umpaw ccungccaw balyn kha lu kheit san a laehy lei lan khaleih a ro hae; Hebron tungvaw a cyi hawte thuasah, Libnah te mih siapharan tungvaw a cyi hawte thuasah Debir te mih siapharan tungvaw kya mah a cyi hae.

JOSHUA 12:15

Libnah siapharan lu kheit Adullam siapharan lu kheit

JOSHUA 12:16

Makkedah siapharan lu kheit Bethel siapharan lu kheit

JOSHUA 15:41

Gederoth, Beth-dagon, Naamah te Makkedah; mih khua taraw hae ryte khua haw lae taruh acih.

JOSHUA 6:21

Te khua kya umpaw balyn, nopi pise, adih ale, vaetua, tuu te lann hae kha thaloi te marya a ro hae.

JOSHUA 8:2

Jeriko khua te a siapharan tungvaw na cyi hawte, Ai khua te a siapharan tungvaw na cyih cih; luadepaw uccaw te a sahiin-awvaw kyalya kha naemaw hanlan na lawkuh cih oh; khua kha anulang te buhkhaw oh,” a cipya.

JOSHUA 9:3

Thuasalama Joshua nynh Jeriko khua te Ai khua kya a cyipaw kha Gibeon khuaccaaw hae nynh he a thae hae tuh,