JOSHUA 10:26 - Zotung Bible 2016

²⁶ Tukoute Joshua nynh bua hae zah a chia hae, te thingku ku pangaw kya a sae hae. Zete cia thingku kya a sae hae.

JOSHUA 10:26 Iomraidhean Croise

2 SAMUEL 21:6

a ccapaw hae kya-e lu sari kha kae kuih kalan oun pya lah, Bawipaw mua vawlan Gibeon khua kya Bawipaw malang khe minmin kha kae sae cih hae,” a cipya hae. Siapharan nynh, “Minmin kha kae pya cih oh,” a cipya hae.

2 SAMUEL 21:9

David nynh minmin kha Gibeon hae kuih kalan a pya hae, Gibeon hae nynh minmin kha Bawipaw malang mua vawlan khe thuing hae zah, lu sari mawte a chihkheih hae. Minmin tuh barli loohrue takaw lyakhe a chia hae.

ESTHER 2:23

Tuh-e uccaw tuh akaw-aleih khiatua hae zah athua ccaccing cipaw he a muih hae tuh, tuh-e pise hae tuh parouh mawte ccungccaw chianaw thing kya a sae hae. Tuh-e tuh siapharan malang khe phungpaw ccauh kya a zei hae.

The Psalms 149:7

tuh-e tuh minphuin ccangpaw hae kha liaru khylan, ccungccaw hae detah khylan,

The Psalms 18:41

Bawmnaw ngiakute a sia hae zemah, minmin a khum lan hae paw humhung mah um khyh; Bawipaw kalan a sia hae zemah leihru khyh hae.

NAMBAR 25:4

Bawipaw nynh Moses kha, “Bawipaw thinrianaw tuh Israel hae kyate a maeku nawlan, Israel lupi hae balyn kha ko hae lah, Bawipaw malang khuaninpaw kyakhe sae hae,” a cipya.

MATTHAI 27:25

Ccungccaw balyn nynh, “E paw chiise tuh kae tungvaw te kae ccaaw hae tungvaw kya ccah vae sah,” a ci hae.

JOHAN 19:31

Tuin nin tuh Paccynku nin thua zah awkhualan sabbath nin tuh alesaepaw nin athua keiccuze, Judah hae nynh michi rhua hae kha sabbath nin kya vaelantung kyakhe phang a um vae khyh ccaw cite, mih ccu hae kha khya khylan te mih rhua hae kha law khylan Pilat kha a ngia hae.

GALATI 3:13

Pawccecize, “Thing kya sae athuapaw ccungccaw miakaw tuh thyalawnaw a ccoupaw nynh thua,” cite azeikuh hawte, Khri tuh aening hanlan thyalawnaw a ccoupaw thua zah, aening kha Kawbya kya-e thyalawnaw kyate oun shawkhaw vae,

JOSHUA 8:29

Te Ai siapharan kha zete cia thingku kya a sae; khuanin ccah te, Joshua nynh kawpya hae zah a rhua kha thingku vaw kyate sahbung hae zah, khua koikua teenaw kin khe a vua hae, lungpum pi lang pumthin hae zah tuh-e tuh atunin cia a um.

BYAPIATU 8:21

Te Zebah te Zalmunna nynh, “Namaw ccaccei nynh yn cceih lah oun theih; pawccecize ccungccaw tuh piccan athua thyhawte a thawzung mah athuabua,” a ci hae. Tukeiccuze Gideon nynh Zebah te Zalmunna kha theih hae zah, mih kalauh hae nging kya a ccaannaw hae paw uccaw hae kha a law.

1 SAMUEL 15:33

Thuasalama Samuel nynh, “Na thaloi nynh nopi hae kha ccaaw leite a nung hae hawte, na nung tuh nopi hae kyaze ccaaw leite a um cih,” a cipya. Te Samuel nynh Agag kha Gilgal khua Bawipaw malang khe zoihtatyh lan a bae.