JOSHUA 10:25 - Zotung Bible 2016

²⁵ Te Joshua nynh minmin kha, “Rih nan oh, nae bungzou nan sah; nae thawsaesakuh oh lah, nae rawthungsakuh oh; pawccecize na tuk oh paw rhaw hae balyn tungvaw kya Bawipaw nynh hynhcite a cyih cih,” a cipya hae.

JOSHUA 10:25 Iomraidhean Croise

The Psalms 63:9

Thuasalama ka hiinnaw ro khylan yn ccung hae paw tuh lae kaw lang a rungbung cih hae;

The Psalms 77:11

Bawipaw ryalawnaw kha ka tuathui cih; langmawlya na la cyipaw ngaeangthua lan um hae paw kha ka liathui cih.

Romans 8:37

Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh.

2 KORIN 1:10

Pachia nynh kaening kha ri lan umpaw chinaw kyate oun luesah zah malang mah oun luesah cih; amaw nynh bua oun luesah ung cih cite a tungvaw kya ngaehoinaw kae hoi.

EFESA 6:10

Nyathyakou ka uno hae, Bawipaw kya te a thungnaw thawzung kyakhe nae thawsae sah.

DEUTERONOMY 7:19

nae mit nynh a muihpaw alepaw syntawnaw hae kha thuasah, Bawipaw nynh ae poukhaenaw oh paw muihsahnaw hae te ngaeangnaw hae athawsaepaw kuih te a dyngpaw kuihbaw kha thuasah liathui oh. Bawipaw nae Pachia nynh na ripya oh paw ccungccaw balyn tungvaw kyakhe tuhawte a cyih cih.

JOSHUA 1:6

Na thawsaesakuh lah, na rawthungsakuh; pawccecize mih minpaaw hae kya pya lan bya ka kinpyaku hae paw ram tuh e ccungccaw hae hynh na ccousah cih hae.

JOSHUA 1:9

Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um,” a cipya.

JOSHUA 10:8

Bawipaw nynh Joshua kyakhe, “Minmin kha rih nan hae, pawccecize minmin kha na kuih kya kae pya vae; na malang lu kheit san thadyn kho lan khyh hae,” a cipya.

1 SAMUEL 17:37

David nynh, “Chindeih ccutin te vong ccutin kyate yn khumpaw Bawipaw nynh e Filistin paw kuih kyate yn khum cih,” a ci. Tukeiccuze Saul nynh David kha, “La cceih, Bawipaw nynh ae umkhae vae sah!” a cipya.