JOSHUA 10:11 - Zotung Bible 2016

¹¹ Te Israel hae malang ccue hae zah, Beth-horon khua hary apannaw kya a cciabung lya hae khe, Bawipaw nynh Azekah khua cia vaawlang te lungtungpi sawphu hae zah a chih hae; Israel hae nynh thaloi te a chia hae paw laeze hya keiccuze a chih hae paw tuh alunghua.

JOSHUA 10:11 Iomraidhean Croise

GENESIS 19:24

Bawipaw nynh vaawlui luki Amaw kyate kemaee kha Sodom te Gomorrah kya khuaa lang a rawsah;

2 SAMUEL 18:8

Rhawtuknaw tuh ram pynpi kya a pazaekuh; tuin nin kya thaloi te a chihpaw laeze tuhpi kya a chihpaw alunghua.

JOB 38:22

“Vuiraw ccakhungnaw inn lungkhu lang na tee boi tou? Hya ccakhungnaw inn kha na muih boi tou?

JOB 38:23

Khah-e hae kha vawsawnaw nin hanlan te rhawtukkunaw te doukunaw nin hanlan taekhiate ka nung hae.

The Psalms 11:6

Ccungccaw hoy leipaw tungvaw khe zaezae epaw maee-e te ke maee-e kha khuaa lang a rawsah; myarya sopaw khisan khate de a tah hae.

The Psalms 147:17

Hya kha lungpyng hawte a ccawsah, a kyaasahnaw kyakhe hum nynh mou a thadyn kho cih?

ISAIAH 28:2

Dotua, Bawipaw nynh athawsaepaw te athungpaw ccungccaw kha a hoi; tuh-e ccungccapaw tuh hya a ccawbiapaw khise, uccaw arosah thyapaw khise hawte athua cih zah, athawsaepaw khise, paepae leikuh lan alepaw tui hawte athua cih; tuh-e paw nynh a kuih te minmin kha laekhu khe a deihnah cih hae.

ISAIAH 28:21

Bawipaw tuh a la cyimaepaw te alokuh leipaw kha cyi khylan te, a la lawmaepaw a ryalaw te alokuh leipaw a ryalaw kha law khylan, Perazim Mua vawlan a thoku hawte yn thokuh cih zah, Gibeon accya kya a thinria hawte aria cih.

ISAIAH 30:30

Bawipaw nynh alesaepaw a roi kha a thaesah cih hae zah a kuih thawzung kha a muihsah cih hae, myaryamaw thinrianaw te arua cciamangpaw maeesoi kha khise te khuaa te ria rykhate a langsakuh cih.

EZEKIEL 13:11

Lungrua tuh a ting cih, cite lungrua kya arawpaw sii thuh hae paw kha hopah hae. Khuaa thawte arah cih, hya lepaw accah cih zah khise atho cih.

DEUTERONOMY 20:4

pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua,” cite a hopah cih hae.

BYAPHY 11:19

Vaawlang a umpaw Pachia beikinn tuh hungkuh zah, a beikinn kyakhe amaw kya-e byakin thingkua kha muih athua; te khozaw alaekuh, roi accae, kholung athyh, innrysuekuh zah myarya lepaw hya accah.

BYAPHY 16:21

Pung za kheit loukaw aripaw myarya lepaw hya tuh ccungccaw hae tungvaw khe vaawlang te a ccah. Tuh-e shethya tuh myaryamaw ccih zah, tuh-e hya te asekuhpaw shethya keiccuze ccungccaw hae nynh Pachia kha thya a law hae.

BYAPIATU 5:20

Vaawlang te awsi hae nynh a tuk hae, mih laanpi kya ccia lalia te Sisera kha a tuk hae.