JOSHUA 10:10 - Zotung Bible 2016

¹⁰ Te Bawipaw nynh minmin kha Israel hae malang siisakute ccuesah hae zah, Gibeon kyakhe patae a chia hae, Beth-horon khua te cciathungnaw laanpi kalan khe dee hae zah Azekah te Makkedah khua kyacia po a chia hae.

JOSHUA 10:10 Iomraidhean Croise

2 SAMUEL 22:15

Te a the kha kaw zah, rhaw hae kha a phiasaku hae; ria he a kawsah tuh, phiariphiarae a ccue vae hae.

1 SIAPHARAN 9:17

tukeiccuze Solomon nynh Gezer khua kha a raethui), Alia Beth-horon,

2 SHERIANAW 14:12

Tukeiccuze Bawipaw nynh Ethiopia hae kha Asa te Judah hae malang khe tae hae zah Ethiopia hae tuh a ccue hae.

2 SHERIANAW 25:13

Thuasalama Amaziah nynh rhawtuknaw lang amaw kya cciasah bua leite a kisah hae paw rhawkaw hae nynh Judah ram e khua hae kha Samaria kyate Beth-horon kyacia a tuk hae; tuin kya umpaw ccungccaw thong thum kha theih hae zah luadepaw uccaw patae kha a lawku hae.

The Psalms 18:14

Te a the kha kaw zah, rhaw hae kha a phiasaku hae; ria he a kawsah tuh, phiariphiarae a ccue vae hae.

The Psalms 44:3

mih thaloi liate ram kha tae khyh hae, mih kuih nynh taenaw pya khyh hae; mih tungvaw na lungrythua keiccuze, na ranglang kuih te na mitmae awnaw liate ram kha a tae hae.

The Psalms 68:14

Athunghuapaw Pachia nynh siapharan hae he a phianaw hae tuh Zalmon Mua vawlan accahpaw vuiraw hawte nynh thua.

The Psalms 78:55

Mih malang te minphuin hae kha a dee hae; ram kha Israel minphuin hae kalan nee hae zah, tuin kya mih bu kyakhe khua a sah hae.

ISAIAH 28:21

Bawipaw tuh a la cyimaepaw te alokuh leipaw kha cyi khylan te, a la lawmaepaw a ryalaw te alokuh leipaw a ryalaw kha law khylan, Perazim Mua vawlan a thoku hawte yn thokuh cih zah, Gibeon accya kya a thinria hawte aria cih.

ISAIAH 30:30

Bawipaw nynh alesaepaw a roi kha a thaesah cih hae zah a kuih thawzung kha a muihsah cih hae, myaryamaw thinrianaw te arua cciamangpaw maeesoi kha khise te khuaa te ria rykhate a langsakuh cih.

JEREMIAH 34:7

tuh lya ccyh tuh Babilon siapharan a rhawkaw hae nynh Jerusalem kha thuasah, Judah ram kyaze a laehypaw Lakhish khua te Azekah khua kha thuasah rhaw a tuk lya hae nynh thua; e khua khuaning rou nynh Judah ram kyaze khualungrua te koihkhawpaw, a laehypaw khua athua hae.

ZEKHARIAH 14:3

Te Bawipaw tuh yn toikuh cih zah, rhaw a tuk nin lya hawte khah-e minphuin hae kha a tuk cih hae.

DEUTERONOMY 7:23

Thuasalama Bawipaw nynh minmin kha nanning kalan ae pya cih oh zah, minmin a ro makhia hae, myaryamaw a siisakuh cih hae.

JOSHUA 10:11

Te Israel hae malang ccue hae zah, Beth-horon khua hary apannaw kya a cciabung lya hae khe, Bawipaw nynh Azekah khua cia vaawlang te lungtungpi sawphu hae zah a chih hae; Israel hae nynh thaloi te a chia hae paw laeze hya keiccuze a chih hae paw tuh alunghua.

JOSHUA 10:28

Tuin nin khe Joshua nynh Makkedah khua kha lah zah, tuh-e khua te a siapharan kha thaloi te a bae hae; khua lungkhu umpaw ccungccaw balyn kha lu kheit san a laehy lei lan ciate khaleih a ro hae. Jeriko siapharan tungvaw a cyi hawte Makkedah siapharan tungvaw kya mah a cyi.

JOSHUA 10:9

Tukeiccuze Joshua tuh Gilgal kyate zidae cceihthung zah, vaekheitmawte a tuk hae.

JOSHUA 11:8

Te Bawipaw nynh minmin kha Israel hae kuih kya a pya hae, minmin kha tuk hae zah Sidon Lepaw te Misrefoth-maim kyacia, te nithua lang Mizpah accya kyacia a deehui hae. Lu kheit san hiin leite a chia hae.

JOSHUA 12:16

Makkedah siapharan lu kheit Bethel siapharan lu kheit

JOSHUA 15:35

Jarmuth, Adullam, Sokoh, Azekah,

JOSHUA 15:41

Gederoth, Beth-dagon, Naamah te Makkedah; mih khua taraw hae ryte khua haw lae taruh acih.

JOSHUA 16:3

te niccaw lang cceihbung zah Jaflet hae ram lang Alia Beth-horon khua cia a thua; te Gezer lang po cceih zah rili kya athang.

JOSHUA 16:5

Efraim phin hae nynh mih puizia thyhte a ccou hae paw ram tuh akaw lang thyhte nynh thua: nithua lang te mih rho ramri tuh Ataroth-addar kyate Palung Beth-horon kyacia a thua;

JOSHUA 21:22

Kibzaim khua te a sahiin hae rampaeenaw hae, Beth-horon khua te a sahiin hae rampaeenaw hae—khua khuapali kha pya athua hae.

BYAPIATU 4:15

Bawipaw nynh Sisera te a marangle hae balyn, a rhawkaw hae balyn kha Barak malang khe mih lung a muasah hae; Sisera tuh a marangle kyate rung zah a ccu te a ccue.

BYAPIATU 4:16

Barak nynh marangle hae te rhawkaw hae kha Harosheth-hagoiim kyacia a dee hae. Sisera a rhawkaw hae balyn tuh lu kheit san a laehy lei lan ciate thaloi te a chih hae.

BYAPIATU 5:20

Vaawlang te awsi hae nynh a tuk hae, mih laanpi kya ccia lalia te Sisera kha a tuk hae.

1 SAMUEL 13:18

ccangpaw phu kheit tuh Beth-horon khua lang cceih hae zah, ccangpaw phu kheit tuh ramkaw lang Zeboim accya lang a hawipaw mua langkhe a cceih hae.

1 SAMUEL 17:1

Filistin hae nynh mih rhawkaw hae kha rhawtuk lan Judah ram Sokoh khua kya a pum hae; Sokoh te Azekah laku umpaw Efes-dammim kya a rya hae.