JOSHUA 1:9 - Zotung Bible 2016

⁹ Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um,” a cipya.

JOSHUA 1:9 Iomraidhean Croise

GENESIS 28:15

Nang kha kae umkhae zah na ccianaw takyh kya kae rin cih, te e ram lang bua kae kikhae cih; pawccecize bya kae kinpyakupaw kha ka cyi kou makhia nang kha kae cciataw lan khyh,” a cipya.

GENESIS 39:2

Bawipaw nynh Josef kha umkhae zah ahangkuhpaw ccungccaw lang a tang; te a bawipaw Izip ccungccapaw inn kya a um.

GENESIS 39:3

Bawipaw nynh Josef kha umkhae zah a cyipaw balyn kyakhe Bawipaw nynh a laansui a uasahpya cipaw kha a bawipaw nynh a muih.

2 SAMUEL 13:28

Te Absalom nynh a ryalahtu hae kha, “Amnon tuh misutui neih zah a lung he yn paw te, phang ngaw oh lah, kae nynh, ‘Amnon kha theih oh,’ cite he kae hopah oh te, aning kha na theih cih oh. Rih nan oh; kamaw ccaccei nynh kaw kae pya oh paw thua khyh tou? Nae rawthung sah lah, nae rawhoy sah,” cite kaw a pya hae.

1 SHERIANAW 28:20

David nynh a ccapaw Solomon kha, “Na thawsaesakuh lah, rawthungte ryalawtua. Rih nan, na bungzou nan sah; pawccecize Bawipaw Pachia, ka Pachia tuh na kya a um. Bawipaw inn kya ryalawnaw hanlan rya miakaw na lyn mawlaezung aning nynh nang kha ae vua lan khyh zah shungnaw ae pya lan khyh.

2 SHERIANAW 15:7

Thuasalama nanning tuh nae rawthungsakuh oh! Nae kuih kha a thawzyasah nan oh, pawccecize nae ryalaw mee na mue cih oh,” a cipya.

The Psalms 46:7

Vaaw Bawipaw tuh aening kya a um; Jakob Pachia tuh aening khynnaw nynh thua.

ISAIAH 41:10

kae tuh na kya ka um keiccuze na thinphang nan sah, kae tuh na Pachia ka thua keiccuze rih nan; nang kha thawzung kae pya cih zah, kae bawm cih, taenaw a hoipaw ka ranglang kuih te nang kha kae thungkhaw cih.

ISAIAH 43:1

Pou Jakob, pou Israel, nang ae raetupaw Bawipaw nynh a hopaw tuh: Nang kha kae shawkhaw vae keiccuze rih nan; nang kha na min te kae ko vae, nang tuh ka kya-e nynh na thua.

ISAIAH 43:5

Rih nan, na kya phang ka um; nithua langte na ciihan hae kha ka cciakhae cih hae zah, niccaw langte nang kha kae suelua cih.

ISAIAH 8:12

E ccungccaw hae nynh aruh lante khuakhan hae paw miakaw kya umbua nan lah, a ri hae paw kha rihbua nan, siikuh nan.

DANIEL 10:19

Aning nynh, “Sungsah lan kou umpaw, rih nan, nang tuh na khyn. Na thawsae sah lah, na rawhoy sah!” yn cipya. Aning nynh he yn hopah tuh thawzung ka mue zah, “Ka bawipaw, yn hopah ccaleih, pawccecize thawzung phe nae pya vae,” ka cipya.

HAGGAI 2:4

Tuhzemah, pou Zerubbabel, na rawthung sah, cite Bawipaw nynh a ci. Pou Jehozadak ccapaw Joshua, ranpibawi lupi, na rawthung sah; ram kya-e ccungccaw hae balyn, nae rawthung sah, cite Bawipaw nynh a ci; ryalawtua oh, cite vaaw Bawipaw nynh a ci,

HAGGAI 2:5

Izip ram kyate na pou lya oh ze, bya kae kinpyaku oh thyhte, nae kya ka um, a ci. Ka muisaw tuh nae laku kya a um; rih nan oh.

LOCCEIHTU 4:19

Thuasalama Peter te Johan nynh, “Pachia kawngae laeze nanning kawngae hua lanpaw tuh Pachia malang akyh cih tou, kyh lan khyh tou cipaw naemaw nynh byapia oh;

DEUTERONOMY 1:21

Dotua oh, Bawipaw nae Pachia nynh nanning kha ram ae pya vae oh; Bawipaw athuapaw nae minpaaw hae Pachia nynh bya ae kinpyaku oh paw ram lang cceihthung oh lah lawkuh oh; rih nan oh lah, nae lungthang nan sah,” kae cipya oh.

DEUTERONOMY 20:1

Nae rhaw hae kha tuk lan na cceih oh zah, marang hae, marangle hae, nanning laeze alung huapaw rhawkaw hae kha he na muih oh te, minmin kha na rih lan khyh oh; pawccecize Izip ram kyate ae poukhae oh paw Bawipaw nae Pachia nynh nanning kha ae umkhae oh.

DEUTERONOMY 31:23

Oute Bawipaw nynh Nun ccapaw Joshua kha ryalaw pya zah, “Na thawsae sah lah, na rawthung sah, bya ka kinpyaku hae paw ram lungkhu lang Israel hae kha na cciakhae cih hae; kae tuh na kya ka um cih,” a cipya.

DEUTERONOMY 31:28

Nae phin kya-e piccan balyn te nae bawi hae nynh a thaenaw hae khe hynh-e bya hae hynh ka hopah hae zah, minmin konglangte vaaw te lae kha ccaekia lang ka ko ccaw hae, minmin kha kamaw kalan yn pumtua oh.

JOSHUA 1:10

Te Joshua nynh ccungccaw hae laku e bawi hae kha,

JOSHUA 1:17

Atyn-are kya Moses bya kae ngae hawte, na bya mah kae ngae cih; Bawipaw na Pachia tuh Moses kya a la um hawte nang na kya mah um vae sah!

JOSHUA 1:18

Humhung zemah na bya kha ei zah, kaw nae pyapaw miakaw kha a zui leipaw tuh chia athua cih. Na thawsaesakuh lah, na rawthungsakuh,” a cipya hae.

JOSHUA 10:25

Te Joshua nynh minmin kha, “Rih nan oh, nae bungzou nan sah; nae thawsaesakuh oh lah, nae rawthungsakuh oh; pawccecize na tuk oh paw rhaw hae balyn tungvaw kya Bawipaw nynh hynhcite a cyih cih,” a cipya hae.

JOSHUA 10:8

Bawipaw nynh Joshua kyakhe, “Minmin kha rih nan hae, pawccecize minmin kha na kuih kya kae pya vae; na malang lu kheit san thadyn kho lan khyh hae,” a cipya.

JOSHUA 3:7

Te Bawipaw nynh Joshua kyakhe, “Israel hae balyn muihnaw kya nang kha atunin te kae hangthung vae cih, tuhteze nynh Moses kya ka la um hawte na kya ka um cipaw kha minmin nynh a nyh cih hae.

JOSHUA 6:27

Tukeiccuze Bawipaw tuh Joshua kya um zah, ram pynpi kya a min tuh athaan.

JOSHUA 8:1

Te Bawipaw nynh Joshua kha, “Rih nan, na lungroh nan sah; rhawkaw balyn kha ko hae lah, namaw ryte Ai khua lang cceihthung oh. Ai siapharan kha a khua, a ccungccaw hae te a ram ryte na kuih kya kae pya vae.

BYAPIATU 6:14

Tetuh Bawipaw nynh a kalan hawi zah, “E na thungnaw hynhte cceih lah, Israel kha Midian kuih kyate luesah tua; kae nynh nang kha kae naw,” a cipya.

1 SAMUEL 10:7

Tuh-e muihsahnaw hae tuh he na tung hae te, cyi lan accan cite na muih thyhte la cyih, pawccecize Pachia tuh na kya a um.