JOSHUA 1:8 - Zotung Bible 2016

⁸ E kawbya ccauh hynh na khalang kyate phiakuh nan sah; a lungkhu zeikuhpaw balyn thyhte cyi lan na raeringku thya nawlan khuazi khuadae tuh-e tuh na tua cih; tetuh na tuakunaw hawte accing cih zah na laan na sui a ua cih.

JOSHUA 1:8 Iomraidhean Croise

GENESIS 24:63

Zetesang khe Isak nynh ramkaw lang a cceih; te ngaw he a do tuh kalauh hae oun cceih hae paw kha a muih.

2 SHERIANAW 26:5

Bawipaw rawrinaw a ccangpahtu Zekhariah she lya tuh, Uzziah tuh Pachia kalan a naekuh; Bawipaw kalan a naeku lungkhu tuh Pachia nynh laansui-uanaw a pya.

The Psalms 119:11

Na tungvaw ka sei khyh nawlan, na bya kha ka thinlung kya ka ccykeku.

The Psalms 119:15

Na kawbya kyakhe ka thinlung kha tyty ka nung cih zah, na laanpi kha hoyte ka dokuh cih.

The Psalms 119:97

Na kawbya hynh pawcih baban mou ka ry! E kyahin anin ninlang ka tua.

The Psalms 119:99

Na phunglang hae kha tyty ka tua keiccuze ka sazae hae balyn laeze ka nyhthyahua.

The Psalms 19:14

Ka khalang kya-e bya te ka thinlung kya-e tuanaw tuh na nawccawpaw lang tang sah, Pou Bawipaw , ka lungpi te yn shawkhawtu.

The Psalms 40:10

Nae khum zah nae bawmnaw kha ka thinlung kya ka thuruh khyh, Na lungzinaw te na khumnaw kha ka ho vae; atynpaw na sungsahnaw te na lungzinaw kha zapi pumkunaw kya ka phei khyh.

PHUNGTANGBYA 3:1

Ka ccaaw, kae ccangpyanaw kha ning nan, na thinlung nynh ka kawbya hae hynh ccykekuh sah;

ISAIAH 59:21

E ka byakinnaw hynh minmin ryte ka rae, cite Bawipaw nynh a ci: Nae tungvaw a umpaw ka muisaw te nae munglae kya ka nung vae paw ka bya tuh nae munglae, nae ccaaw hae munglae, nae mintaw hae munglae kyate atu te zungzae cia phiakuh lan khyh, cite Bawipaw nynh a ci.

MATTHAI 12:35

Ccungccaw hoypaw nynh thinlung kya-e ahoypaw sisua bawng kya-e ahoypaw uccaw hae kha yn poukhae; te ahoy leipaw ccungccaw nynh ahoy leipaw sisua bawng kya-e ahoy leipaw uccaw hae kha yn poukhae.

MATTHAI 28:20

Kaw kae pya oh paw balyn kha a zui nawlan hae la ccangpah oh; laephi she athang cia nae kya tyty ka um,” cite a zuitu hae kha a hopya hae. Amen.

MATTHAI 7:21

“ ‘Bawipaw, Bawipaw’ cite yn kopaw miakaw nynh vaawlang peenaw lungkhu lang tee lan khyh hae, thuasalama vaawlang umpaw ka Paaw rynaw a raepaw nynh a tee cih.

MATTHAI 7:24

“Tukeiccuze humhung zemah hynh-e ka bya hynh thae zah a zuipaw tuh lungpi vawlan a inn a sakkuhpaw mihawpaw te nynh a loku.

LUKA 11:28

Thuasalama Jesu nynh, “Pachia bya kha thae zah a zui hae paw hynh nynh lungtuapaw athuahua hae!” a ci.

JOHAN 13:17

E uccaw hae hynh na nyh oh zah na cyi oh ze, nanning tuh lungtuapaw nynh na thua oh.

JOHAN 14:21

Ka kawbya hae kha ccou zah a zuipaw tuh kae yn sungsahpaw nynh thua, kae yn sungsahpaw kha ka Paaw nynh a sungsah cih, kae nynh mah ka sungsah cih zah a kya ka phykuh cih,” a ci.

EFESA 4:29

Anungsikuhpaw bya kaw kheit san nae khalang kyate pou nan sah. Thuasalama a thaetu hae kha Pachia thawccinaw a neethungbua nawlan, thawzung tynsathungnaw hanlan athanepaw ahoypaw bya palia kha pousah oh.

DEUTERONOMY 29:8

Minmin ram kha ah lah oh zah Reuben phin hae, Gad phin hae te Manasseh phin angankuh kalan khe rho lang ah pya oh.

DEUTERONOMY 29:9

Tukeiccuze na cyi oh paw atyn-are kya nae laan nae sui a ua nawlan, hynh-e byakinnaw kya-e bya hae hynh zuakute zui oh.

DEUTERONOMY 30:14

Bya tuh nanning te myarya anaekuh; nanning nynh zui khylan nae mung kya te nae thinlung kya nynh a um.

DEUTERONOMY 31:11

Bawipaw nae Pachia nynh a po cih paw hmin kyakhe Israel balyn tuh amaw malang langku khylan he a thua hae te, e upadi hynh Israel balyn malang a thaenaw hae khe na riapah cih hae.

DEUTERONOMY 31:24

Moses nynh hynh-e upadi kya-e bya hae hynh ccauh kya phe thang lan a zei koute,

DEUTERONOMY 5:1

Moses nynh Israel hae balyn kha ko hae zah hynhte a hopya hae: Pou Israel, atunin kae hopya oh paw phungbya hae te phungzae hae kha ngaetua oh; khah-e hae kha na ccangkuh cih oh zah hoyte na zui cih oh.

DEUTERONOMY 5:29

Minmin nynh kae kha ri khylan te ka kawbya balyn kha zungzae zui khylan, atu hawte hynhcihawpaw thinlung kha a hoi hae ze rou nynh minmin te mih ccaaw hae tuh ngedang lungpawte zungzae a um cih hae.

DEUTERONOMY 5:32

Tukeiccuze Bawipaw nae Pachia nynh kaw ae pya oh hawte, hoyte na cyih cih oh, nanning nynh voilang ranglang na maekuh lan khyh oh.

KOLOSE 3:16

Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh.

JOSHUA 1:7

Ka ryalahtu Moses nynh kaw ae pyapaw phungbya thyhte raeringkute cyi lan na thawsaesakuh lah, myarya na rawthungsakuh; na ccianaw miakaw kya na laan na sui a ua nawlan, na voi na rang lang maekuh nan.

JOSHUA 8:34

Tukoute kawbya ccauh kya azeiku thyhte, hythuanaw bya te thyalawnaw bya athuapaw kawbya kya-e bya hae balyn kha Joshua nynh a ria.

BYAPHY 22:14

A kawbya hae kha zui hae zah, hiinnaw thingku kya-e athae aenaw kaw a hoi hae paw te khuapi lungkhu lang koikua hae kyate teenaw kaw a hoi hae paw tuh hythua a ccou hae paw nynh thua.