JOSHUA 1:7 - Zotung Bible 2016

⁷ Ka ryalahtu Moses nynh kaw ae pyapaw phungbya thyhte raeringkute cyi lan na thawsaesakuh lah, myarya na rawthungsakuh; na ccianaw miakaw kya na laan na sui a ua nawlan, na voi na rang lang maekuh nan.

JOSHUA 1:7 Iomraidhean Croise

1 SIAPHARAN 2:2

“Laephi ccungccaw balyn nynh a ccianaw hae laanpi langkhe vyavya ka cceih vae cih. Na thawsae sah lah, na rawthung sah,

1 SIAPHARAN 2:3

na cyipaw miakaw te na ccianaw miakaw kya na laan na sui a ua nawlan, Moses phungbya kya azeiku hawte, Bawipaw na Pachia nynh ae hopyapaw kha ngae lah, a laanpi kha zuite, a phunglang hae, a kawbya hae, a phungzae hae, ccaekia a khangkunaw hae kha zuitua.

2 SIAPHARAN 22:2

Bawipaw muihnaw kya ahmepaw kha cyih zah a minpaaw David laanpi balyn kha a zui, voilang ranglang maekuh khyh.

1 SHERIANAW 22:13

Bawipaw nynh Israel hanlan Moses kalan a pyapaw phungbya te phungzae hae kha hoyte na zui zetuh na laan na sui a ua cih. Na thawsae sah lah, na rawthung sah. Rih nan lah, na bungzou nan sah.

2 SHERIANAW 15:7

Thuasalama nanning tuh nae rawthungsakuh oh! Nae kuih kha a thawzyasah nan oh, pawccecize nae ryalaw mee na mue cih oh,” a cipya.

2 SHERIANAW 26:5

Bawipaw rawrinaw a ccangpahtu Zekhariah she lya tuh, Uzziah tuh Pachia kalan a naekuh; Bawipaw kalan a naeku lungkhu tuh Pachia nynh laansui-uanaw a pya.

JOB 1:8

Bawipaw nynh Satan kha, “Ka seepaw Job kha na nyh boi tou? Laephi vawlan aning tahawpaw lu kheit san um khyh, ccaenaw um leipaw te a dingpaw, Pachia rawrihpaw te hoyleinaw a sibiapaw nynh thua,” a cipya.

The Psalms 80:19

Pou Bawipaw vaaw Pachia, khumnaw kae mue nawlan, na mitmae kha awsah tua.

PHUNGTANGBYA 4:27

Voilang ranglang maekuh nan, na ccu kha hoyleinaw kyate maeleih tua.

PHUNGTANGBYA 8:20

Dingnaw laanpi kyakhe ka cceih zah, byading laanpi thyhte ka cceih,

DANIEL 10:19

Aning nynh, “Sungsah lan kou umpaw, rih nan, nang tuh na khyn. Na thawsae sah lah, na rawhoy sah!” yn cipya. Aning nynh he yn hopah tuh thawzung ka mue zah, “Ka bawipaw, yn hopah ccaleih, pawccecize thawzung phe nae pya vae,” ka cipya.

NAMBAR 27:23

Bawipaw nynh Moses a hopya thyhte Moses nynh a kuih kha Joshua tungvaw khang zah kawhoinaw a pya.

DEUTERONOMY 11:8

Tukeiccuze atunin kaw kae pya cih oh paw hynh-e kawbya abalyn hynh zui oh, tuhteze nynh ccou khylan na ccianua cih oh paw ram lungkhu lang tee lan te ccou lan thawzung na hoi cih oh zah,

DEUTERONOMY 12:32

Kaw kae pya oh paw atyn-are kha zuakute na zui hahe cih oh; khah-e kyakhe na biachih lan khyh oh zah na lahbang lan khyh oh.

DEUTERONOMY 29:8

Minmin ram kha ah lah oh zah Reuben phin hae, Gad phin hae te Manasseh phin angankuh kalan khe rho lang ah pya oh.

DEUTERONOMY 29:9

Tukeiccuze na cyi oh paw atyn-are kya nae laan nae sui a ua nawlan, hynh-e byakinnaw kya-e bya hae hynh zuakute zui oh.

DEUTERONOMY 31:7

Oute Israel hae balyn nynh a muihnaw hae khe, Moses nynh Joshua kha ko zah hynhte a hopya: “Na thawsae sah lah, na rawthung sah, pawccecize nang tuh Bawipaw nynh hynh-e ccungccaw hae kha pya lan mih minpaaw hae kya bya a kinpyaku hae paw ram lungkhu lang minmin ryte a cceih cih paw nynh na thua; ram tuh minmin kha na ccousah cih hae.

DEUTERONOMY 4:2

Kae pya oh paw bya kya ccangkheit sanmah na biachih lan khyh oh zah, ccangkheit sanmah na vua lan khyh oh, kae hopya oh paw Bawipaw nae Pachia kawbya hae hynh na tynsah cih oh.

DEUTERONOMY 5:32

Tukeiccuze Bawipaw nae Pachia nynh kaw ae pya oh hawte, hoyte na cyih cih oh, nanning nynh voilang ranglang na maekuh lan khyh oh.

JOSHUA 1:1

Bawipaw ryalahtu Moses a chih koute, Moses a bawmtu, Nun ccapaw Joshua kha Bawipaw nynh,

JOSHUA 1:8

E kawbya ccauh hynh na khalang kyate phiakuh nan sah; a lungkhu zeikuhpaw balyn thyhte cyi lan na raeringku thya nawlan khuazi khuadae tuh-e tuh na tua cih; tetuh na tuakunaw hawte accing cih zah na laan na sui a ua cih.

JOSHUA 1:9

Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um,” a cipya.

JOSHUA 11:15

Bawipaw nynh a ryalahtu Moses kha kaw a pya thyhte, Moses nynh Joshua kha kawpya pathy zah, Joshua nynh tuhcite a cyi; Bawipaw nynh Moses kya kaw a pyapaw balyn kha a cyi leipaw um khyh.

JOSHUA 23:6

Tukeiccuze Moses kawbya ccauh kya azeikuhpaw balyn kha zui lan te rae lan kha tynkaring lan um oh, voilang ranglang maekuh nan oh.